Friday, December 2, 2022
ሌሎች ዓምዶች
    - Advertisement -
    - Advertisement -
    ስፖርትየአዲስ አበባ ከተማ ዋንጫ ዛሬ ውሳኔ ያገኛል

    የአዲስ አበባ ከተማ ዋንጫ ዛሬ ውሳኔ ያገኛል

    ቀን:

      – የአዲስ አበባ ከተማ ዋንጫ ዛሬ ውሳኔ ያገኛል

    በአገሪቱ ወቅታዊ ችግሮች ምክንያት የተቋረጠው የአዲስ አበባ ከተማ ዋንጫ ዕጣ ፈንታ በዛሬው ዕለት ውሳኔ ያገኛል ተብሎ እንደሚጠበቅ ተገለጸ፡፡ በውድድሩ ተጋባዥ የነበረው የኡጋንዳው ኬሲሲኤ ክለብ መቅረቱም ተረጋግጧል፡፡

    መስከረም 28 ቀን 2009 ዓ.ም. በአዲስ አበባ ስታዲየም ለ11ኛ ጊዜ ሊካሄድ ዕቅድ ተይዞለት የቆየው የአዲስ አበባ ከተማ ዋንጫ በአገሪቱ በተፈጠረው ችግር ምክንያት ላልተወሰነ ጊዜ እንዲተላለፍ መደረጉ ይታወቃል፡፡

    ከአዲስ አበባ እግር ኳስ ፌዴሬሽን የደረሰን መረጃ እንደሚያመለክተው ከሆነ፣ ቅዳሜ ጥቅምት 5 ቀን 2009 ዓ.ም. ውድድሩን ማስጀመር ይቻል ዘንድ ረቡዕ ጥቅምት 2 ቀን 2009 ዓ.ም. የፌዴሬሽኑ ሥራ አስፈጻሚ ኮሚቴ ከሚመለከተው መንግሥታዊ አካል ጋር ስብሰባ እንደሚቀመጥ ይጠበቃል፡፡ ፌዴሬሽኑ ሻምፒዮናው በአገሪቱ ወቅታዊ ችግር ምክንያት ላልተወሰነ ጊዜ እንዲራዘም የተደረገበትንና የሚጀመርበትን ጊዜ አስመልክቶ ተከታታይ መረጃዎችን ይፋ እንደሚያደርግ ቀደም ሲል መግለጹ ይታወሳል፡፡

    ዘንድሮ እንደሚከናወን ሲጠበቅ በነበረው የአዲስ አበባ ከተማ ዋንጫ በምድብ አንድ አንጋፋው ቅዱስ ጊዮርጊስ፣ መከላከያ፣ የኡጋንዳው ኬሲሲኤና ኢትዮ ኤሌክትሪክ ሲደለደሉ፣ በምድብ ሁለት ደግሞ ደደቢት፣ ኢትዮጵያ ንግድ ባንክ፣ አዳማ ከተማና በውድድር ዓመቱ ወደ ፕሪሚየር ሊግ ያደገው የአዲስ አበባ ከተማ አስተዳር ነበሩ፡፡ ይሁንና ተጋባዥ የኡጋንዳው ኬሲሲኤ ክለብ በአገሪቱ በተፈጠረው ወቅታዊ ችግር ምክንያት ወደ አዲስ አበባ እንደማይመጣ ማሳወቁ ታውቋል፡፡ ፌዴሬሽኑ በኡጋንዳው ክለብ ምትክ የአገር ውስጥ ክለብ ለማወዳደር እንቅስቃሴ እያደረገ እንደሚገኝ ቅርበት ያላቸው ምንጮች ለሪፖርተር ገልጸዋል፡፡   

    በሌላ በኩል ‹‹የደቡብ ካስትል ካፕ›› በሚል መጠሪያ ለሳምንት ያህል ሲካሄድ የቆየው የደቡብ ካስትል ካፕ ዋንጫ እንደቀጠለ መሆኑ ታውቋል፡፡ በውድድሩ በተጋባዥነት ሲሳተፍ የቆየው ኢትዮጵያ ቡና እስካለፈው ሰኞ መስከረም 30 ቀን 2009 ዓ.ም. ድረስ ያደረጋቸውን ሁሉንም ጨዋታዎች በማሸነፍ ወደ ቀጣዩ ዙር ማለፉን አረጋግጧል፡፡ ሁለተኛው ተጋባዥ ፋሲል ከተማ ደግሞ ባደረጋቸው ሁሉም ጨዋታዎች ተሸናፊ መሆኑ ታውቋል፡፡ ቀደም ሲል ከተደረጉ የምድብ ሁለት ጨዋታዎች አርባ ምንጭ ከተማና ድሬዳዋ ከተማ ወደ ሩብ ፍጻሜ መግባታቸው ተረጋግጧል፡፡

    በሁለት ምድብ ተከፍሎ እየተከናወነ በሚገኘው የደቡብ ሻምፒዮና ባለፈው ሰኞ መስከረም 30 ቀን 2009 ዓ.ም. በምድብ አንድ ከተደለደሉት ኢትዮጵያ ቡናና ፋሲል ከተማ ጨዋታ ቀጥሎ ይደረጋል ተብሎ ሲጠበቅ የነበረው፣ የሲዳማ ቡናና የወላይታ  ድቻ ጨዋታ እንዲቋረጥ ከተደረገ በኋላ ማክሰኞ ጥቅምት 1 ቀን 2009 ዓ.ም. መከናወኑም ታውቋል፡፡

    በጨዋታው ሲዳማ ቡና ወላይታ ድቻን 3 ለ1 በመርታት የሩብ ፍጻሜ ተፋላሚዎችን ተቀላቅሏል፡፡ በወጣው ፕሮግራም መሠረት ሐሙስ ጥቅምት 7 ቀን 2009 ዓ.ም. በ7 ሰዓት ኢትዮጵያ ቡና ከአርባ ምንጭ ከተማ እንዲሁም ሲዳማ ቡና ከድሬዳዋ ከተማ 9 ሰዓት ተጫውተው ለደቡብ ካስትል ካፕ የሚያልፉ ቡድኖች ቅዳሜ ጥቅምት 9 ቀን 2009 ዓ.ም. ለዋንጫ ይጫወታሉ፡፡

     

     

     

         

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...