Friday, December 2, 2022
ሌሎች ዓምዶች
    - Advertisement -
    - Advertisement -
    ስፖርትበዓለም ዋንጫ ማጣሪያ የኡጋንዳ ጅምር አድናቆት እየተቸረው ነው

    በዓለም ዋንጫ ማጣሪያ የኡጋንዳ ጅምር አድናቆት እየተቸረው ነው

    ቀን:

    የምሥራቅ አፍሪካዋ ኡጋንዳ በዓለም ዋንጫ ማጣሪያም ተስፋ ተጥሎባታል፡፡ ከምሥራቅና መካከለኛው አፍሪካ (ሴካፋ) ኃያልነቷ ቀስ በቀስ እየተንደረደረች በአፍሪካ ዋንጫ የምታደርገውን ተሳትፎ ያረጋገጠችው ኡጋንዳ፣ ለእግር ኳስ የሰጠችውን ትኩረት ያሳየችበትን የልፋት ውጤቷን የሚያሳይ ብቃት በማሳየት ላይ እንደምትገኝ እየተወራላትም ይገኛል፡፡

    እ.ኤ.አ. በ2018 በሩሲያ የሚዘጋጀው የዓለም ዋንጫ ላይ ለመሳተፍ የምታደርገው እንቅስቃሴ ተስፋ እንዳለው ከወዲሁ መታየት የጀመረው፣ ባለፈው ሳምንት መጨረሻ ወደ ጥቋቁሮቹ ከዋክብት ምድር ወደ ጋና በማቅናት ከጋና ብሔራዊ ቡድን ጋር ተጫውታ በአቻ ውጤት ያጠናቀቀችው የማጣሪያ ውድድር ትኩረት ከሳቡት ውስጥ ይጠቀሳል፡፡ ውጤቱን ተከትሎ የጋናም ሆነ የኡጋንዳ መገናኛ ብዙኃን ይህንኑ ሲዘግቡት ሰንብተዋል፡፡

    በሰርቢያዊው አሠልጣኝ ሚሉቲን ሚቾ ሰርዶቪች የሚሠለጥነው የኡጋንዳ ብሔራዊ ቡድን በጋቦን አስተናጋጅነት በሚቀጥለው ዓመት ለሚካሄደው የአፍሪካ ዋንጫ ተሳትፎ የበቃው ከየምድቡ በነጥባቸው ከተመረጡ ቡድኖች ጥሩ ሁለተኛ በመሆን ነበር፡፡

    የዓለም አቀፍ እግር ኳስ ማኅበር (ፊፋ) ባወጣው የዓለም ዋንጫ ማጣሪያ ፕሮግራም መሠረት ከሰሞኑ በርካታ የዓለም አገሮች የማጣሪያ ጨዋታዎችን አድርገዋል፡፡ በዚሁ መሠረት ባለፈው ዓርብ መስከረም 27 ቀን 2009 ዓ.ም. ወደ ጋና ያመራችው ኡጋንዳ ከጋና አቻዋ ጋር ነጥብ ተጋርታ ተመልሳለች፡፡ ቅዳሜ መስከረም 28 ሌሎች የአፍሪካ አገሮችም ተመሳሳይ ጨዋታ አድርገዋል፡፡ ወደ ጋቦን  ያመራችው ሞሮኮ 0 ለ0 በሆነ ውጤት ስታጠናቅቅ፣ ሊቢያን ያስተናገደችው ዴሞክራቲክ ኮንጎ በሜዳዋ 4 ለ0 ማሸነፏ ታውቋል፡፡

    ቡርኪና ፋሶ ከደቡብ አፍሪካ ያደረጉት ጨዋታ 1 ለ1 ሲጠናቀቅ፣ ማሊን ያስተናገደችው ኮትዲቯር 3 ለ1 እንዲሁም ኬፕ ቬርዴን ያስተናገደችው ሴኔጋል ደግሞ 2 ለ0 ማሸነፋቸው አፍሪካ ፉት ቦል ድረ ገጽ ዘግቧል፡፡

    እሑድ መስከረም 29 ቀን ከተደረጉ በሌሎች የማጣሪያ ጨዋታዎች አልጄሪያና ካሜሩን 0 ለ0፣ ናይጄሪያን በሜዳዋ ያስተናገደችው ዛምቢያ 2 ለ1 ስትሸነፍ፣ ግብፅን በሜዳዋ ያስተናገደችው ኮንጎ በተመሳሳይ 2 ለ1 እንዲሁም ቱኒዚያ ጊኒን አስተናግዳ 2 ለ0 ያጠናቀቁበት ከሳምንቱ ጨዋታዎች ተጠቃሽ ናቸው፡፡

    ከሰሞኑ ከተደረጉት የአፍሪካ አገሮች የዓለም ዋንጫ ማጣሪያዎች ምሥራቅ አፍሪካዊቷ ኡጋንዳ ወደ ጋና አምርታ ያደረገችውን እንቅስቃሴ ነው ድረ ገጹ በሰፊው ሽፋን የሰጠው፡፡  እንደ ዘገባው ከሆነ በጥቁሮቹ ከዋክብት ተደጋጋሚ ጫና የተደረገበት የኡጋንዳ ብሔራዊ ቡድን ጫናውን ተቋቁሞ ነጥብ ተጋርቶ እንዲወጣ የቡድኑ ግብ ጠባቂ ዴኒስ ኒያንጎ አድናቆት ተችሮታል፡፡

     

         

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...