Tuesday, November 29, 2022
ሌሎች ዓምዶች
    - ማስታወቂያ -
    - ማስታወቂያ -

    የአዲስ አበባ ንግድ ምክር ቤት ጉባዔውን በቀድሞ አሠራር እንደሚቀጥል ገለጸ

    - ማስታወቂያ -

    ተዛማጅ ፅሁፎች

    –  ከ500 + 1 አባላት ከተገኙ ምልዓተ ጉባዔ እንዲሆን ፍርድ ቤት እንደወሰነለት አስታወቀ

    የአዲስ አበባ ንግድና ዘርፍ ማኅበራት ምክር ቤት በሚቀጥለው ሐሙስ የሚያካሂደው ጠቅላላ ጉባዔ ቀድሞ ሲሠራበት በነበረው የምልዓተ ጉባዔ ቁጥር ቀመር መሠረት የሚከናወን መሆኑን ገለጸ፡፡ ይህንን አሠራሩን ለማጽናት የሚያስችለውን የፍርድ ቤት ውሳኔ ማግኘቱን አመለከተ፡፡ ይህንንም በፍርድ ቤት ውሳኔ የተረጋገጠ ስለመሆኑ ተገለጸ፡፡

    ከንግድ ምክር ቤቱ የተገኘው መረጃ እንደሚያስረዳው፣ ተከታታይ ጉባዔዎቹን ያከናወነው ከ500 አባላት በላይ በጠቅላላ ጉባዔው ላይ ከተገኙ ምልዓተ ጉባዔው እንደተሟላ ይቆጠራል በሚል ሲሆን፣ አሁንም ይህ አሠራር በመጪው ጉባዔ ላይም ተግባራዊ ይደረጋል፡፡  

    ይህ አሠራር ሕገወጥ ነው በሚል በንግድ ምክር ቤቱ አባል በኅብረት ኢንሹራንስ በተመሠረተው ክስ 500 አባላት ከተገኙ ምልዓተ ጉባዔ ይሆናል የሚለው አሠራር ትክክል ያለመሆኑን የሚገልጽ እንደነበር ይታወሳል፡፡ ከንግድ ምክር ቤቱ መተዳደሪያ ደንብ ውጭ የተከናወነና የተደረገው የመተዳደሪያ ማሻሻያ ከጠቅላላ ጉባዔ አባላት 2/3ኛውን ድጋፍ ሳያገኝ የተተገበረ በመሆኑ፣ ሕገወጥ ስለመሆኑ በመግለጽ ጭምር ጉዳዩ ከሥር ፍርድ ቤት ጀምሮ ሲያከራክር ቆይቷል፡፡ ሆኖም ይህንን ክስ በተመለከተ በጠቅላይ ፍርድ ቤት የተወሰነው ውሳኔ ንግድ ምክር ቤቱ 500 + 1 አባላት ከተገኙ ጠቅላላ ጉባዔውን ማካሄድ የሚችል በመሆኑ፣ በዚሁ መሠረት ጠቅላላ ጉባዔውን የሚያካሂድና በዚህ ጭብጥ ላይ የቀረበበትን ክስ ማሸነፍ መቻሉንም የጠቅላይ ፍርድ ቤት የሰጠውን ውሳኔ በአባሪነት በማያያዝ አቅርቧል፡፡

    ከ14 ሺሕ በላይ አባላት ያሉት የአዲስ አበባ ንግድና ዘርፍ ማኅበራት ምክር ቤት ለአባላቱ ሁሉ ጥሪ ተላልፎ ከ500 + 1 ከተገኙ ምልዓተ ጉባዔ ይሆናል የሚለው አሠራር በመቀበልም ክስ ሲመሠረት፣ ምልዓተ ጉባዔ ለመሙላት ከአባላቱ ከግማሽ በላይ መገኘት ሲኖርባቸው አልተገኙም የሚልም ነበር፡፡

    በተከታታይ በተረደረጉ ጠቅላላ ጉባዔዎች በአንደኛው ላይ 860፣ በሌላኛው ደግሞ 889 ብቻ አባላት በመገኘታቸው ምልዓተ ጉባዔ አሟልቷል መባሉ ሕገወጥ መሆኑ ሲጠቀስ ቆይቷል፡፡ ንግድ ምክር ቤቱ ያፀደቀው መተዳደሪያ ደንብ ላይ ያደረገው ማሻሻያና ጥቅምት 18 ቀን 2003 ዓ.ም. ያደረገው ጉባዔ ሊሻሩ አይገባም በማለት በሥር ፍርድ ቤት የተሰጠውን ውሳኔ፣ በውጤት ረገድ በመቀበል ፍርድ ቤቱ ውሳኔ ማስተላለፉን ገልጿል፡፡

    በፍርድ ቤቱ የተሰጠው ውሳኔ ንግድ ምክር ቤቱ 500 + 1 በሚለው አካሄድ የሚቀጥል መሆኑንና በዚህ መንገድ የሚያካሂደው ጠቅላላ ጉባዔም ሕገወጥ ሊሆን እንደማይችል ንግድ ምክር ቤቱ ለሪፖርተር ገልጿል፡፡ ንግድ ምክር ቤቱ የሚያካሂደው ጠቅላላ ጉባዔ ሕገወጥ ነው የሚለውን አስተያየት እንደማይቀበለውም አስታውቋል፡፡ ንግድ ምክር ቤቱ የሚያካሂደው ጠቅላላ ጉባዔ ሕገወጥ ነው በሚል የሚሰነዘረው ትችት አግባብ አለመሆኑን ገልጿል፡፡

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች