Wednesday, September 28, 2022
ሌሎች ዓምዶች
    - Advertisement -
    - Advertisement -
    - Advertisement -

    ፌርማታ ፅሁፎች

    የ2009 የዳመራ አከባበር በመስቀል አደባባይ

    ትኩስ ፅሁፎች

    (ፎቶ በመስፍን ሰለሞን)

    *********

    እንጂ

    ማፍቀር አይደለም

    ድንቁ

    እንጂ

    አፍቅሮ ማፍቀርን ማወቁ

    መፈቀር መች ሁኖ ብልሃቱ

    እንጂ እውቀቱ

    ሲፈቀሩ ፍቅር መሰማቱ

    እውቀት አይደለም

    ቁም ነገሩ

    ጉዱ

    እንዳወቁ ማወቁ

    ሰሎሞን ዴሬሣ፣ ዘበት እልፈቱ ወለሎታት 1950

    **********

    በመንትያው ምክንያት ለዓመታት ለእስር የተዳረገው ወጣት

    ባለፈው ሐሙስ በግድያ ተጠርጥሮ እ.ኤ.አ. በ2003 ወህኒ የወረደው ኬቨን ዱጋር ከፍርድ ቤት ተገኝቷል፡፡ በዕለቱ በችሎቱ ተገኝቶ የበረው የኬቨን መንትያ የ38 ዓመቱ ካርል ስሚዝ ያልተጠበቀ ነገር ተናግሮ ታዳሚውን ማስደንገጡን ዘ ኢንዲፔንደንት ዘግቧል፡፡ ‹‹እኔ ስለፈጸምኩትና ወንደሜ ስለተወነጀለበት ድርጊት ለመናዘዝ ነው እዚህ የተገኘሁት›› ማለቱን ችካጎ ትሪቡን ዘግቧል፡፡ በወንድሙ ጥፋት 2003 ላይ ተይዞ ኬቨን ዱጋር 2005 ዓ.ም. ላይ 54 ዓመት ተፈርዶበት ነበር፡፡ ኬቨን ዱጋር ምንም እንኳ ቢፈረድበትም ችሎቱ ጉዳዩን ዳግም እንዲመለከትለት ይግባኝ ያቀርባል፡፡ መንትያ ወንድሙ ደግሞ ኬቨን በነፃ ይለቀቃል በሚል ተስፋ እስካሁን ራሱን ሳይሰጥ መቅረቱን፤ ከዚህ ወዲህ ግን በሱ ድርጊት ወንድሙ መቀጣት እንደሌለበት ለፍርድ ቤቱ ቃሉን ሰጥቷል፡፡

    ***********

    የዓለም ትልቁ እባብ በብራዚል ተገኘ

    በብራዚል ቢሎ ሞንቴ ግድብ ግንባታ ላይ የተሰማሩ ሠራተኞች 33 ጫማ ርዝመት፣ ሦስት ዲያሜትር የሚሆንና 400 ኪሎ ግራም የሚመዝነውን እባብ እንዳገኙ የሜትሮ ዘገባ አመለከተ፡፡ ዘገባው እንደሚያሳየው እባቡ በሁለንተናው ትልቅነት ከዓለም የመጀመሪያው ነው፡፡ ይህ ግዙፍ እንስሳ ከግንባታ ሳይቱ ላይ ተገኝቶ የተነሳው በግዙፍ የግንባታ መሣሪያ መሆኑም ታውቋል፡፡ እባቡ እንዴት እንደሞተ ግን የሚታወቅ ነገር የለም፡፡ አስተያየት ሰጪዎች ይህን ግዙፍ ምናልባትም ረዥም ዘመን የኖረ እባብ ሰዎች የገደሉት ለማይረባ ምክንያት እንደሚሆን እየገለጹ ነው፡፡

    *********

    የእስር ቤቱ ሥዕል

    እስር ቤቶች የሚተዳደሩባቸው መርሆች ታራሚዎች ከስህተታቸው እንዲማሩ የሚያደርጉ እንደሆኑ ይታመናል፡፡ የተገደበ እንቅስቃሴና ውስን ቁሳቁሶች በታራሚዎች ሥነ ልቦና አንዳች ለውጥ እንዲመጣ ያግዛሉ፡፡ ስለዚህም ማረሚያ ቤቶች በተቻለ መጠን ጥብቅ ናቸው፡፡ ከሰሞኑ ከፊንላንድ የተሰማው ዜና ግን ለየት ያለ ነው፡፡ የፊንላዱ ቫንታ እስር ቤት የታራሚዎችን መንፈስ ለማደስ በሚል ሙሉ የእስር ቤቱን ቅጥር ጊቢ በግራፊቲ ሥዕል እንዲሸፈን አድርጓል፡፡ የእስር ቤቱ ዳይሬክተር ቱሞ ጆንካሪን ጠቅሶ ቢቢሲ እንደዘገበው፣ ግራፊቲው የተሠራው ኢጂኤስ በተባለ አርቲስት ነው፡፡ ዳይሬክተሩ እንዳሉትም፣ እስረኞች ባዶ ግርግዳ ላይ ከሚያፈጡ በሥነ ጥበብ መንፈሳቸውን ቢያድሱ ይመረጣል፡፡ አርቲስቱ፣ እስር ቤቱ ውስጥ የተለያየ አገር ተወላጅ ታራሚዎች ስላሉ ግራፊቲው ዓለም አቀፋዊ ይዘት እንዲኖረው ማድረጉን ተናግሯል፡፡ ለሥዕሉ መነሻ ያደረገው ባህርና የባህር ዳርቻን ቢሆንም፣ ግራፊቲውን እያንዳንዱ ታራሚ በራሱ መንገድ እንደሚረዳው ያምናል፡፡ ከታራሚዎች አንዱ ሥዕሉን መመልከት ጥሩ ስሜት እንደሚሰጠው ገልጿል፡፡ ‹‹እስር ቤቱ ውስጥ ግራፊቲ ተስሏል ማለት ግን እስር ቤቱ ምቹ ሆኗል ማለት አይደለም፤›› ስልም አክሏል፡፡

    - Advertisement -
    - Advertisement -

    ተጨማሪ ለማንበብ

    በብዛት የተነበቡ ፅሁፎች