Thursday, January 26, 2023
- ማስታወቂያ -
- ማስታወቂያ -

መንግሥት በትምባሆ ሞኖፖል ላይ ያለውን ድርሻ በመሸጥ ሙሉ በሙሉ ከሲጋራ ንግድ ወጣ

- ማስታወቂያ -

ተዛማጅ ፅሁፎች

መንግሥት ዘንድሮ 75ኛ ዓመቱን በደፈነው ብሔራዊ ትምባሆ ድርጅት ላይ ያለውን አክሲዮን፣ ለጃፓኑ ግዙፍ ኩባንያ ጃፓን ቶባኮ ኢንተርናሽናል በ434             ሚሊዮን ዶላር በመሸጥ ሙሉ በሙሉ ከትምባሆ ምርትና ሽያጭ ወጣ፡፡

ጃፓን ቶባኮ ኢንተርናሽናል ሐሙስ ታኅሳስ 12 ቀን 2010 ዓ.ም. በመንግሥት ይዞታ ሥር ይገኝ የነበረውን 30.95 በመቶ አክሲዮን፣ በ434 ሚሊዮን ብር መግዛቱ ታውቋል፡፡

‹‹ውዱ ሽያጭ›› የተሰኘ ስያሜ የተሰጠው የትምባሆ ድርጅት በአሁኑ ወቅት የጃፓኑ ኩባንያ ጃፓን ቶባኮ ከፍተኛ ድርሻ በመያዝ፣ የየመኑ ሼባ ኢንቨስትመንት ደግሞ አነስተኛ ድርሻ በመያዙ ሙሉ በሙሉ ባለቤት ሆነዋል፡፡ ሁለቱ ኩባንያዎች መንግሥት በትምባሆ ያለውን የብቸኝነት መብት መረከብ ችለዋል፡፡

መንግሥት ባለፈው ዓመት በትምባሆ ድርጅት ላይ በአጠቃላይ ካለው አክሲዮን ውስጥ 40 በመቶውን ለመሸጥ ጨረታ አውጥቶ እንደነበር ይታወሳል፡፡ በዚህ ጨረታ የውጭና የአገር ውስጥ ኩባንያዎች የተወዳደሩ ቢሆንም፣ ጃፓን ቶባኮ ኢንተርናሽናል ለ40 በመቶ አክሲዮን 510 ሚሊዮን ዶላር በማቅረብ አሸናፊ መሆኑ ይታወሳል፡፡

ከዚያ በኋላም የጃፓኑ ኩባንያ መንግሥት የቀረውን 30.95 ኢክሲዮን እንዲሸጥለት ሲደራደር ቆይቶ፣ በመጨረሻ ያልተጠበቀና ያልተገመተ ገንዘብ በማቅረብ በትምባሆ ድርጅት ላይ ያለውን ይዞታ አስፍቷል፡፡

ጃፓን ቶባኮ ኢንተርናሽናል ለ40 በመቶ አክሲዮን ያቀረበው 510 ሚሊዮን ዶላር፣ ለ30.95 በመቶ አክሲዮን ያቀረበውን 434 ሚሊዮን ዶላር ወዲያውኑ በአንድ ጊዜ መክፈሉ ተገልጿል፡፡

የብሔራዊ ትምባሆ ድርጅት ሕዝብ ግንኙነት አገልግሎት ኃላፊ አቶ ጌቱ ዓለማየሁ ለሪፖርተር እንደገለጹት፣ ጃፓን ቶባኮ ኢንተርናሽናል ብሔራዊ ትምባሆ ድርጅትን በአፍሪካ ግንባር ቀደም ትምባሆ አምራች ሊያደርገው አቅዷል፡፡

‹‹በኢትዮጵያ በትምባሆ ንግድ ውስጥ 44 በመቶ ያህል ድርሻ የሚይዘው ኮንትሮባንድ ነው፡፡ ምሥራቅ ኢትዮጵያን ለይተን ካየነው ደግሞ የኮንትሮባንድ ንግዱ ያለው ድርሻ 90 በመቶ ነው፡፡ ይህ በኮንትሮባንድ የሚገኘው ገንዘብ ለሽብር ተግባር ሊውል ይችላል፤›› ሲሉ የተናገሩት አቶ ጌቱ፣ ‹‹ትምባሆ ድርጅት ይኼንን ሕገወጥ ንግድ ለማስቀረትና ወደ ሕጋዊ ንግድ የመለወጥ ዕቅድ አለው፤›› ብለዋል፡፡

ዘንድሮ 75ኛ ዓመቱን የደፈነው ብሔራዊ ትምባሆ ድርጅት በ1991 ዓ.ም. የተወሰኑ አክሲዮኖች ለየመኑ ሼባ ኢንቨስትመንት ተሸጦ ነበር፡፡

በአሁኑ ወቅት 29.05 በመቶ ድርሻ ያለው ሼባ ኢንቨስትመንት ከመንግሥት ተጨማሪ አክሲዮን መግዛት እንዲችል ተፈቅዶለት ነበር፡፡ ነገር ግን የተፈቀደለትን 38 በመቶ አክሲዮን ለመግዛት 1.3 ቢሊዮን ብር መክፈል ይጠበቅበት ነበር፡፡ ነገር ግን የመን በግጭት ውስጥ በመሆኗ የሚጠበቅበትን ገንዘብ ማቅረብ ባለመቻሉ፣ መንግሥት 40 በመቶ አክሲዮን ለገበያ በማቅረብ ያልተጠበቀ ከፍተኛ ዋጋ (510 ሚሊዮን ዶላር) ሊያገኝ ችሏል፡፡ አሁን ደግሞ ከቀሪዎቹ አክሲዮን ሽያጭ መንግሥት 434 ሚሊዮን ዶላር አግኝቷል፡፡ ብሔራዊ ትምባሆ አትራፊ ከሆኑ የመንግሥት የልማት ድርጅቶች አንዱ ነው፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች