Tuesday, March 5, 2024
- Advertisement -
- Advertisement -
ማኅበራዊበሕገወጥ መንገድ ከ25 ሚሊዮን ብር በላይ በማሸሽ የተጠረጠሩ ግብፃዊ ተከሰሱ

በሕገወጥ መንገድ ከ25 ሚሊዮን ብር በላይ በማሸሽ የተጠረጠሩ ግብፃዊ ተከሰሱ

ቀን:

ግብፃዊው ሚስተር አይመን አብዱል ሞተላብ ኢትዮጵያ ውስጥ ጐልደን ትሬዲንግ ኩባንያ የሚባል ድርጅት ከፍተው ሲሠሩ፣ በሕገወጥ መንገድ ከ25 ሚሊዮን ብር በላይ በማጭበርበር ወደ አገራቸው በማሸሽ ተጠርጥረው ክስ ተመሥርቶባቸዋል፡፡

ተጠርጣሪው ክስ የተመሠረተባቸው በፌዴራል ከፍተኛ ፍርድ ቤት አራዳ ምድብ ችሎት ነው፡፡ ኢትዮጵያ ውስጥ በሕጋዊ መንገድ የከፈቱት ጐልደን ትሬዲንግ ኩባንያ የተለያዩ የፓይፕ ማምረቻ መሣሪያዎችን በማስመጣት ለአስመጪዎች ሲያቀርብ የነበረ ሲሆን፣ ማሽነሪዎቹን ሲያቀርቡ የማይገባ ጥቅም ለማግኘት በማሰብ አምራች ድርጅቱ ካስቀመጠው ዋጋ በላይ ዋጋ በመጨመር፣ ግልጽ ማድረግ የሚገባቸውን ሲደብቁ መቆየታቸውን ዓቃቤ ሕግ የመሠረተው ክስ ያስረዳል፡፡

ተከሳሹ ጥቅምት 11 ቀን 2002 ዓ.ም. የሞደርን ፓይፕ ማምረቻ ኃላፊነቱ የተወሰነ የግል ማኅበር ባለቤቶች አቶ አሰፋ አሥራትና አቶ ባህሩ አብረሃ ከሚባሉ አስመጪዎች ጋር ውል ፈጽመው፣ የፓይፕ ማምረቻ ማሽነሪዎችን ለማቅረብ መስማማታቸውን ክሱ ይገልጻል፡፡

- Advertisement -

Video from Enat Bank Youtube Channel.

ተበዳዮቹ ሊያስገቡ የሚፈልጓቸውን ማሽነሪዎች በፍራንኮ ቫሉታና በሌተር ኦፍ ክሬዲት በተከፈተ የባንክ ሒሳብ ፕሮፎርማ የፊቲንግ ፋብሪኬሽን፣ የፓይፕ ፕሪንቲንግ፣ ሚክሲንግ (መደባለቂያ) እና በዝርዝር የተገለጹ የማምረቻ ማሽነሪዎችንና ተጓዳኝ መሣሪያዎችን ለማስመጣት፣ ከኢትዮጵያ ኢንቨስትመንት ኮሚሽን ፈቃድ እንደተሰጣቸውም ክሱ ያስረዳል፡፡

ተከሳሹ ዕቃዎቹን ከቻይና ሲያስመጡ ከትክክለኛ የዕቃ ሽያጭ ማቅረቢያ ዋጋ በላይ የተጋነነ ዋጋ በንግድ ሽያጭ ደረሰኝ በማዘጋጀትና በማቅረብ፣ ልዩነቱን 25 ሚሊዮን ብር ወይም 1,139,292 ዶላር ለግል ጥቅማቸው ማዋላቸውን ክሱ ያብራራል፡፡

ግለሰቡ በሕገወጥ መንገድ የተገኘን ገንዘብ ሕጋዊ አስመስሎ በማሸሽ ወንጀልም ክስ ተመሥርቶባቸዋል፡፡ ዓቃቤ ሕግ ክሱን የመሠረተው ተከሳሹ በሌሉበት መሆኑም ታውቋል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...