Thursday, October 6, 2022
ሌሎች ዓምዶች
    - Advertisement -
    - Advertisement -
    ዜናሰማያዊ ፓርቲ ጠቅላላ ጉባዔውን ሊያካሂድ ነው

    ሰማያዊ ፓርቲ ጠቅላላ ጉባዔውን ሊያካሂድ ነው

    ቀን:

    በሰማያዊ ፓርቲ ችግሮች ዙሪያ ለመወያየትና የመጨረሻ መፍትሔ ለመስጠት መስከረም 14 ቀን 2009 ዓ.ም. ጠቅላላ ጉባዔ እንደሚካሄድ፣ የፓርቲው ኦዲትና ምርመራ ኮሚሽን ሰብሳቢ አቶ አበራ ገብሩ ለሪፖርተር አስታወቁ፡፡

    በፓርቲው መተዳደሪያ ደንብ አንቀጽ 9 ንዑስ አንቀጽ 8 መሠረት የጉባዔ አባላት የሥልጣን ዘመን ሦስት ዓመት በመሆኑ፣ ነሐሴ 16 እና 17 ቀን 2007 ዓ.ም. በተደረገው የፓርቲው አንደኛ መደበኛ ጉባዔ ላይ የነበራችሁ አባላት መሳተፍ እንደሚችሉ ኮሚሽኑ አስታውቋል፡፡

    ጉባዔው በፓርቲው ችግሮች ዙሪያ ተወያይቶ የመጨረሻ መፍትሔ እስከሚሰጥ ድረስ አመራርና አባላትም ከማንኛውም ጉባዔውን ሊያደናቅፉ ከሚችሉ ተግባራት እንድትቆጠቡ እናሳስባለን በማለት ጥሪውን አስተላልፏል፡፡

    ከዚህ አንፃር ጉባዔው እንዳይከናወን የደረሰባችሁ ችግር አለ ወይ ለሚለው ከሪፖርተር ለቀረበ ጥያቄ፣ ‹‹እስካሁን የተከሰተ ችግር የለም፡፡ ነገር ግን ገዥው ፓርቲ የፓርቲዎች ጠቅላላ ጉባዔ በሰላም እንዳይካሄድ እንደሚሠራ ስለሚታወቅ የፓርቲው አባላት በማወቅም ይሁን ባለማወቅ ተባባሪ እንዳይሆኑ ነው፤›› በማለት ምላሽ ሰጥተዋል፡፡

    ነሐሴ 8 ቀን 2008 ዓ.ም. በተደረገ የፓርቲው ስብሰባ ወቅት የፓርቲው ኦዲትና ምርመራ ኮሚሽን የፓርቲውን ሥራ አስፈጻሚ መበተኑን መዘገባችን የሚታወስ ነው፡፡  

    - Advertisement -

    ይመዝገቡ

    spot_img
    spot_img