Sunday, January 29, 2023
- Advertisement -
- Advertisement -
ዜናከአቶ አንዳርጋቸው ጽጌ ጋር በተያያዘ በእንግሊዝ መንግሥት ላይ የተመሠረተው ክስ ውድቅ ሆነ

ከአቶ አንዳርጋቸው ጽጌ ጋር በተያያዘ በእንግሊዝ መንግሥት ላይ የተመሠረተው ክስ ውድቅ ሆነ

ቀን:

ከዱባይ ወደ ኤርትራ በመጓዝ ላይ ሳሉ የመን ሰንዓ ኤርፖርት ውስጥ በኢትዮጵያና በየመን የፀጥታ ኃይሎች ተይዘው ለኢትዮጵያ ተላልፈው የተሰጡት አቶ አንዳርጋቸው ጽጌን ጉዳይ፣ የእንግሊዝ መንግሥት ችላ ብሎታል በሚል የቀረበበት ክስ በአገሪቱ ፍርድ ቤት ውድቅ ተደረገ፡፡

በእንግሊዝ መንግሥት ላይ ክሱ እንዲመሠረት ያደረገችው የአቶ አንዳርጋቸው የዘጠኝ ዓመት ሴት ልጅ መሆኗን የእንግሊዙ ጋርዲያን ጋዜጣ ዘግቧል፡፡

እንደ ጋዜጣው ዘገባ ከሆነ ጉዳዩን የተመለከተው ፍርድ ቤት የእንግሊዝ መንግሥት በውጭ ጉዳይ ሚኒስቴር መሥሪያ ቤቱ በኩል፣ በሌላ አገር በሕግ በተያዘው የአቶ አንዳርጋቸው ጉዳይ ላይ ጣልቃ መግባት አይችልም በማለት ክሱን ማየት እንደማይችል ወስኗል፡፡

አቶ አንዳርጋቸው የግንቦት 7 አመራር መሆናቸው የሚታወቅ ሲሆን፣ ከዚህ ቀደም ሕገ መንግሥታዊ ሥርዓቱን በኃይል ለመናድ በሚል በቀረበባቸው ክስ በሌሉበት የሞት ፍርድ እንደተፈረደባቸው ይታወቃል፡፡

አቶ አንዳርጋቸው በየመን ኤርፖርት ውስጥ እንዳሉ የተያዙት ከሁለት ዓመት በፊት ሲሆን፣ ወደ ኢትዮጵያ የተላለፉትም በተያዙበት ቀን ነው፡፡ ይሁን እንጂ ላለፉት ሁለት ዓመታት አቶ አንዳርጋቸውን በተመለከተ መንግሥት የያዘው አቋም አይታወቅም፡፡

ለተወሰኑ ጊዜያት ብቻ በኢትዮጵያ የእንግሊዝ ኤምባሲ የሥራ ኃላፊዎች የጐበኟቸው መሆኑን፣ ለአጭር ጊዜም በአዲስ አበባ የተከናወኑ የልማት ሥራዎችን እንዲጐበኙ መደረጋቸውን መዘገቡ ይታወሳል፡፡

በሽብር ተግባር ተጠርጥረው ክስ የቀረበባቸው የሰማያዊ ፓርቲ አባላት የሽብር ተግባሩን ለመፈጸም በግንቦት ሰባት መመልመላቸው በመገለጹ፣ ተጠርጣሪዎቹ አቶ አንዳርጋቸውን በምስክርነት እንዲጠሩላቸው መጠየቃቸው ይታወሳል፡፡

ይሁን እንጂ አቶ አንዳርጋቸውን እንዲያቀርብ የታዘዘው የፌዴራል ማረሚያ ቤቶች አስተዳደር የተጠየቁት ግለሰብ በሥሩ እንደሌሉ መግለጹን መዘገባችን አይዘነጋም፡፡

በዚህ የተነሳም አቶ አንዳርጋቸው የት እንደሚገኙ ማወቅ አልተቻለም፡፡ በአሁኑ ወቅትም አቶ አንዳርጋቸው በምን ሁኔታ ላይ እንዳሉ ከመንግሥት በስተቀር ማንም የሚያውቅ የለም፡፡

የአቶ አንዳርጋቸው ልጅ ምናብ አንዳርጋቸው በጠበቃ አማካይነት ለፍርድ ቤቱ ያቀረበችው የእንግሊዝ መንግሥት በአባቷ ጉዳይ ጣልቃ የማይገባ ከሆነ፣ ‹‹በቅርቡ የሞት ቅጣቱ ተግባራዊ ይሆንበታል አልያም ቀሪ ዘመኑን በእስር ያሳልፋል፤›› የሚል ነው፡፡

ፍርድ ቤቱ ክሱን ውድቅ ካደረገ በኋላ ለጋርዲያን አስተያየታቸውን የሰጡት የአቶ አንዳርጋቸው ባለቤት፣ ‹‹አንዳርጋቸው ምንም የተለወጠ ነገር ማየት አልቻለም፡፡ በጣም ተከፍቻለሁ፤›› ብለዋል፡፡     

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...