Wednesday, February 8, 2023
- ማስታወቂያ -
- ማስታወቂያ -

አርቲስቲክ ማተሚያ ቤት ከ328 ሚሊዮን ብር በላይ ተሸጠ

- ማስታወቂያ -

ተዛማጅ ፅሁፎች

የመንግሥት የልማት ድርጅቶች ሚኒስቴር የአርቲስቲክ ማተሚያ ድርጅትን በ328.9 ሚሊዮን ብር ሽያጭ ወደ ግል ይዞታነት ማዛወሩን አስታወቀ፡፡

በሚኒስቴሩ የኮርፖሬት ፋይናንስ አስተዳደር ዘርፍ የስብሰባ አዳራሽ በተደረገ የሽያጭ ፊርማ ሥነ ሥርዓት፣ ፈለቀ ትሬዲንግና ፒኤልሲና ኮርፖሬት ኮምፒዩተር ሴንተር የመሠረቱት የኅብረት ሽርክና ማኅበር ማተሚያ ቤቱን ተረክቧል፡፡

የኮርፖሬት ፋይናንስ አስተዳደር ዘርፍ ሚኒስትር ዴኤታ ወ/ሮ መሰለች ወዳጆ ባደረጉት ንግግር፣ መንግሥት የልማት ድርጅቶችን ወደ ግል የሚያዛውረው ድርጅቶች በመንግሥት ሥር እያሉ ከነበራቸው አቅም ወደ ላቀ ደረጃ ተሸጋግረው ለአገር ኢኮኖሚ አስተዋጽኦ እንዲያበረክቱ መሆኑን ገልጸው፣ ሽያጩ ውጤት እንዲያስመዘግብ ኩባንያዎቹ ጠንክረው እንዲሠሩ አሳስበዋል፡፡

የመንግሥት የልማት ድርጅቶች ሚኒስቴር የአርቲስቲክ ማተሚያ ድርጅትን በጨረታ ለመሸጥ ባወጣው ማስታወቂያ መሠረት፣ ፈለቀ ትሬዲንግና ኮርፖሬት ኮምፒዩተር ሴንተር በጋራ የኅብረት ሽርክና ማኅበር መሥርተው ለግዥ ባቀረቡት ዋጋ ያለተቀናቀኝ ጨረታውን አሸንፈዋል፡፡

የኅብረት ሽርክና ማኅበሩ ከአጠቃላይ የማተሚያ ድርጅቱ ሽያጭ ዋጋ 35 በመቶ ማለትም 115,110,955 ብር የፊርማው ሥነ ሥርዓት ከመከናወኑ በፊት ወደ መንግሥት ካዝና ያስገባ ሲሆን፣ ቀሪውን 65 በመቶ ደግሞ በአምስት ዓመት ውስጥ ከፍሎ ያጠናቅቃል፡፡

አርቲስቲክ ማተሚያ ድርጅት ኅዳር 10 ቀን 2008 ዓ.ም በግልጽ ጨረታ ወደ ግል ባለሀብቶች እንዲተላለፉ ከቀረቡ ሦስት የመንግሥት የልማት ድርጅቶች መካከል አንዱ መሆኑ አይዘነጋም፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች