Friday, December 1, 2023
- Advertisement -
- Advertisement -
ስፖርትኢትዮጵያ በሪዮ ፓራሊምፒክ በአትሌቲክስ ትሳተፋለች

ኢትዮጵያ በሪዮ ፓራሊምፒክ በአትሌቲክስ ትሳተፋለች

ቀን:

ኢትዮጵያ በአትሌቲክስ የሚሳተፉ የፓራሊምፒክ አትሌቶች በመያዝ ሪዮ ላይ ከትማለች፡፡ የኢትዮጵያ ልዑካን ቡድን እሑድ ነሐሴ 29 ቀን 2008 ዓ.ም. ብራዚል መግባቱ የተረጋገጠ ሲሆን፣ አምስት አትሌቶች፣ አንድ የቡድን መሪና ዋና አሠልጣኝን ጨምሮ ወደ ሥፍራው አቅንተዋል፡፡

ኢትዮጵያ የፓራሊምፒክ ላይ ውድድር ላይ የምትሳተፈው በተለያየ የሩጫ ርቀት ብቻ ሲሆን አምስቱ አትሌቶች በተለያዩ የጉዳት ምድቦች ከ200 ሜትር እስከ 1,500 ሜትር ባለው ርቀት እንደሚሳተፉ ታውቋል፡፡

በዚህ መሠረት አትሌት አፅብሃ ገብሬ በ1,500 ሜትር፣ መገርሳ ታሲሳ 400 ሜትር፣ ታምሩ ደምሴ በ400 ሜትርና 1,500 ሜትር እንዲሁም ኃይሉ ኃይሌ 1,500 ሜትር በወንዶች የሚሳተፉ ሲሆኑ፣ በሴት የንጉሥ ደሴ በ400 እና በ200 ሜትር ርቀት ኢትዮጵያን ትወክላለች፡፡  

ኢትዮጵያ ሦስት አትሌቶችን ብቻ ለማሳተፍ ተፈቅዶላት የነበረ ቢሆንም የሩሲያ የፓራሊምፒክ አትሌቶች ዶፒንግ መጠቀማቸው በመረጋገጡና ከሪዮ መታገዳቸውን ተከትሎ ሁለት ተጨማሪ አትሌቶችን በተለያዩ ርቀቶች እንዲሳተፉ ዕድል ፈጥሮላታል፡፡

በተለይ ኢትዮጵያ ከሚወክሉ አትሌቶች መካከል በ1,500 እና 400 ሜትር የሚሳተፈው ታምሩ በአንድ ዓይን ጉዳት የሚወዳደር ሲሆን፣ በዓለም ላይ ፈጣን ጊዜ ካላቸው አትሌቶች ስድስተኛ ደረጃ ላይ እንደተቀመጠ ዋና አሠልጣኙ ንጋቱ ሃብተማርያም ለሪፖርተር ተናግረዋል፡፡

ወደ ሪዮ ከማምራታቸው በፊት በኢትዮጵያ ስፖርት አካዴሚ ልምምዳቸው ሲያደርጉ የቆዩት አትሌቶቹ፣ በብራዚል ካለው የአየር ንብረት ጋር በተመሳሰለ መልኩ ልምምዳቸውን ሲያደርጉ እንደነበር አሠልጣኙ ገልጸዋል፡፡ ‹‹ጥሩ ዝግጅት አድርገናል፡፡ በሳምንት ስድስት ቀን ጠዋትና ማታ በአሠልጣኞቻችን በመታገዝ ልምምዳችን ስናደርግ ነበር፤›› በማለት አትሌት ታምሩ ደምሴ ለሪፖርተር አብራርቷል፡፡

በእጅ ጉዳት በ400 እና 200 ሜትር ኢትዮጵያን በመወከል ብቸኛዋ የሴት ተወዳዳሪ የሆነችው የንጉሥ ደሴ በበኩሏ ቡድኑ በኢትዮጵያ ስፖርት አካዴሚ የትራክ ላይና በእንጦጦ ጫካ ውስጥ ስድስት ቀናትን ልምምድ ሲያደርግ መቆየቱን ተናግራለች፡፡ የኢትዮጵያ የፓራሊምፒክ ልዑካን ቡድን በሎንደን ኦሊምፒክ የነበረውን ተሳትፎ በማሰብ አንድ ብር ቢያቅዱም ተወዳዳሪዎቹ ግን የታቀደውን ሜዳልያ ወደ ወርቅ ከፍ ለማድረግ የተቻላቸውን እንደሚያደርጉ ገልጸዋል፡፡

በዘንድሮው ፓራሊምፒክ ከ16 አገሮች የተውጣጡ 4,300 አትሌቶች፣ በ22 የተለያዩ ስፖርቶች 528 ውድድሮች በማራካኛ ስታዲየም ያደርጋሉ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመቃወም ነፃነት ውዝግብ በኢትዮጵያ

ስሟ እንዳይገለጽ የጠየቀችው በአዲስ አበባ ከተማ በተለምዶ የሾላ አካባቢ...

የሲሚንቶን እጥረትና ችግር ታሪክ ለማድረግ የተጀመረው አጓጊ ጥረት

በኢትዮጵያ በገበያ ውስጥ ለዓመታት ከፍተኛ ተግዳሮት በመሆን ከሚጠቀሱ ምርቶች...

የብሔር ፖለቲካው ጡዘት የእርስ በርስ ግጭት እንዳያባብስ ጥንቃቄ ይደረግ

በያሲን ባህሩ በሪፖርተር የኅዳር 9 ቀን 2016 ዓ.ም. ዕትም “እኔ...