Saturday, April 20, 2024
- Advertisement -
- Advertisement -
ዜናየቀድሞ የደቡብ ሱዳን ምክትል ፕሬዚዳንት ካርቱም ውስጥ ሕክምና እየተከታተሉ ነው

የቀድሞ የደቡብ ሱዳን ምክትል ፕሬዚዳንት ካርቱም ውስጥ ሕክምና እየተከታተሉ ነው

ቀን:

በደቡብ ሱዳን ፕሬዚዳንት ሳልቫ ኪር ታማኝ በሆኑ የፀጥታ ኃይሎች ጥቃት እንደተፈጸመባቸው የሚነገረው የቀድሞ ምክትል ፕሬዚዳንት ዶ/ር ሪክ ማቻር፣ ሱዳን ካርቱም መግባታቸውን ዘገባዎች አመለከቱ፡፡ የሱዳን መንግሥት ሚዲያዎች እንደዘገቡት፣ ዶ/ር ማቻር ወደ ካርቱም ያቀኑት የሕክምና ዕርዳታ ለማግኘት ነው፡፡

ቀደም ሲል ሱዳንና ደቡብ ሱዳን በጥርጣሬ የሚተያዩ ቢሆንም፣ ከፕሬዚዳንት ሳልቫ ኪር ጋር በተፈጠረው አለመግባባት ዶ/ር ማቻር ወደ ሱዳን ማቅናታቸው የበለጠ ጥርጣሬዎች ፈጥሯል፡፡

ዶ/ር ማቻር ባለፈው ዓመት በአዲስ አበባ በተፈረመው ስምምነት መሠረት ወደ ጁባ በማምራት ምክትል ፕሬዚዳንትነታቸውን አስጠብቀው የነበረ ሲሆን፣ ከአንድ ወር በፊት በጠባቂዎቻቸው ላይ ጥቃት በመድረሱ ምክንያት ነበር ከአገር ለመውጣት የተገደዱት፡፡

- Advertisement -

Video from Enat Bank Youtube Channel.

ፕሬዚዳንት ሳል ቫኪር የማቻርን መሸሽ ተከትሎ ታባን ዴንግ የተባሉ ጄኔራል በቦታው ላይ ያስቀመጡ ሲሆን፣ ውሳኔው በኢጋድ ተቀባይነት አላገኘም፡፡ ኢጋድ ጉዳዩን በተመለከተ በሰጠው ውሳኔ አዲሱ ተሿሚ ከሥልጣናቸው እንዲወርዱና የሰላም ስምምነቱ እንዳይስተጓጎል አሳስቧል፡፡

እንዲሁም ድርጅቱ ጁባ ውስጥ አዲስ ወታደራዊ ኃይል (ሰላም አስከባሪ) እንዲሰማራ የአፍሪካ ኅብረትንና የፀጥታው ምክር ቤትን መጠየቁ ይታወሳል፡፡

የፀጥታው ምክር ቤት ውሳኔውን ተቀብሎ ያፀደቀ በመሆኑ አራት ሺሕ ወታደሮችን የያዘ ጠንካራ ሰላም አስከባሪ ኃይል በጁባ እንዲሰማራ ወስኗል፡፡ የደቡብ ሱዳን መንግሥት ለመቀበል እያቅማማ ይገኛል፡፡

ማቻር ወደ ሱዳን መግባታቸው በተዘገበ ወቅት በቦታቸው ላይ ያላግባብ ተሹመዋል የተባሉት ታባን ዴንግ፣ በሱዳን ኦፊሴላዊ ጉብኝታቸውን በማጠናቀቅ ላይ እንደነበሩ ለማወቅ ተችሏል፡፡   

የዶ/ር ሪክ ማቻርን ካርቱም መግባት አስመልክቶ ለጋዜጠኞች ማብራሪያ የሰጡት የሱዳን የማስታወቂያ ሚኒስትር አህመድ ቢላል፣ ‹‹ሱዳን የተቀበለቻቸው በሰብዓዊነት ምክንያት ነው፡፡ በተለይ በጤና እክል ምክንያት ሕክምና ማግኘት ስላለባቸው ነው፤›› ብለዋል፡፡ ‹‹የዶ/ር ማቻር ጤንነት አሁን የተሻሻለ ቢሆንም፣ ወደፈለጉበት ቦታ እስኪሄዱ ድረስ አጠቃላይ የጤና ምርመራ ለማድረግና ሕክምና ለማግኘት ሱዳን ውስጥ መቆየት ይችላሉ፤›› ሲሉም አክለዋል፡፡

ዶ/ር ማቻር ሱዳን ከመግባታቸው በፊት ከደቡብ ሱዳን በመሸሽ ዴሞክራቲክ ኮንጎ ሪፐብሊክ መግባታቸው አይዘነጋም፡፡ በቅርቡ በደቡብ ሱዳን ዋና ከተማ ጁባ በፕሬዚዳንቱና በዶ/ር ማቻር ታጣቂዎች መካከል በተካሄደ ግጭት በመቶዎች የሚቆጠሩ ተገድለው፣ በአሥር ሺዎች የሚቆጠሩ ዜጎች መፈናቀላቸው ይታወሳል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...