Monday, November 28, 2022
ሌሎች ዓምዶች
    - Advertisement -
    - Advertisement -
    ማኅበራዊበአዲስ አበባ የመኖሪያ ቤቶች ግንባታ የውጭ ኮንትራክተሮችን ለማሳተፍ የተጀመረው ሒደት ቆመ

    በአዲስ አበባ የመኖሪያ ቤቶች ግንባታ የውጭ ኮንትራክተሮችን ለማሳተፍ የተጀመረው ሒደት ቆመ

    ቀን:

    በአዲስ አበባ ከተማ የመኖሪያ ቤቶች ግንባታ የውጭ አገር ኩባንያዎችን ለማሳተፍ ዓለም አቀፍ ጨረታ ቢወጣም፣ የአከፋፈል ስምምነት ላይ መድረስ ባለመቻሉ ሒደቱ መቆሙ ታወቀ፡፡

    በአዲስ አበባ ከተማ በርካታ ነዋሪዎች ተመዝግበው የመኖሪያ ቤት ለማግኘት እየተጠባበቁ ቢሆንም፣ የአገር ውስጥ ኮንትራክተሮች በሚፈለገው ፍጥነት ግንባታ ማካሄድ ባለመቻላቸው መንግሥት የውጭ ኩባንያዎች ዘርፉን እንዲቀላቀሉ ውሳኔ አሳልፎ ነበር፡፡

    በዚህ መሠረት የኢትዮጵያ ኮንስትራክሽን ፕሮጀክት ኢንስቲትዩት በጥር 2007 ዓ.ም. በወጣው ዓለም አቀፍ ጨረታ 28 ኩባንያዎች የተሳተፉ ሲሆን፣ ከእነዚህ ውስጥ 14 ያህሉ ብቃታቸው ታምኖበት ሥራው እንዲሰጣቸው ለውሳኔ ቀርቦ ነበር፡፡

    ነገር ግን መንግሥት በክፍያ አፈጻጸም ላይ ውሳኔ ላይ መድረስ ባለመቻሉ ዕቅዱ ተግባራዊ መሆን እንዳልቻለ ተመልክቷል፡፡

    የኢትዮጵያ ኮንስትራክሽን ፕሮጀክቶች ኢንስቲትዩት ዋና ዳይሬክተር ዶ/ር ዮሴፍ ብሩ ለሪፖርተር እንደገለጹት፣ የመኖሪያ ቤቶች ግንባታ ፕሮጀክት ሲካሄድ የታቀደው በግሉ ዘርፍና በመንግሥት አጋርነት ነበር፡፡ ነገር ግን በተለይ በክፍያ አፈጻጸም ላይ ውሳኔ አልተሰጠም፡፡

    ‹‹እስካሁን ውሳኔ ባለመሰጠቱ ለተወዳዳሪ ኩባንያዎች የጨረታ ሒደቱ መቆሙን ገልጸናል፤›› ሲሉ ዶ/ር ዮሴፍ ተናግረዋል፡፡

    ውሳኔ ሊሰጥባቸው ካልተቻለ ነጥቦች መካከል የውጭ ኩባንያዎች ፋይናንስ ከራሳቸው ምንጭ ይዘው ይመጣሉ ወይ? ፋይናንስ ይዘው ቢመጡ አከፋፈሉ በምን መንገድ ይከናወናል? ክፍያ የሚፈጸመው በውጭ ምንዛሪ ከሆነ በአገሪቱ የውጭ ምንዛሪ ላይ ጫና አይፈጥርም ወይ? የሚሉት ጉዳዮች ተጠቃሽ ናቸው፡፡

    በእነዚህ ጉዳዮች ላይ የከተማ ልማትና ቤቶች ሚኒስቴር ውሳኔ መስጠት ባለመቻሉ፣ ጉዳዩ ከአንድ ዓመት ከስድስት ወራት በላይ ተጓቷል፡፡

    እነዚህ የውጭ ኩባንያዎች በአዲስ አበባ ከተማ ቤቶች ልማት ላይ ቢሳተፉ በ18 ወራት ጊዜ ውስጥ መቶ ሺሕ ቤቶች እንደገሚነቡ በጨረታ ሰነዱ ላይ ተገልጾ ነበር፡፡ የከተማ ልማትና ቤቶች ሚኒስትሩ አቶ መኩሪያ ኃይሌ በወቅቱ የውጭ ኩባንያዎች በፍጥነት ወደ ሥራ ይገባሉ ብለው ነበር፡፡

    በአዲስ አበባ ከተማ 961 ሺሕ ነዋሪዎች በሦስቱም የቤት ፕሮግራሞች ተመዝግበው በመጠባበቅ ላይ ይገኛሉ፡፡ አስተዳደሩ በ10/90 ፕሮግራም ለተመዘገቡት ሙሉ በሙሉ ዕጣ ማውጣቱን ቢገልጽም፣ ለ20/80 ቤቶች እስካሁን ዕጣ እያወጣ የሚገኘው በ1996 ዓ.ም. ለተመዘገቡት ብቻ ነው፡፡ በ40/60 የቤቶች ፕሮግራም ደግሞ እስካሁን ለተጠቃሚዎች ማስተላለፍ አልተቻለም፡፡

    spot_img
    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በችግር የተተበተበው የሲሚንቶ አቅርቦት

    ሲሚንቶን እንደ ግብዓት ተጠቅሞ ቤት ማደስ፣ መገንባት፣ የመቃብር ሐውልት...

    ‹‹የናይል ዓባይ መንፈስ›› በሜልቦርን

    አውስትራሊያ ስሟ ሲነሳ ቀድሞ የሚመጣው በተለይ በቀደመው ዘመን የባህር...

    ‹‹ልብሴን ለእህቴ››

    ለሰው ልጅ መኖር መሠረታዊ ፍላጎት ተብለው ከተዘረዘሩት ውስጥ ልብስ...

    የአዲስ አበባ ትምህርት ቤቶች የምርመራ ውጤት እስከምን?

    በፍቅር አበበ የትምህርት ጥራትን፣ ውጤታማነትንና ሥነ ምግባርን ማረጋገጥ ዓላማ አድርጎ...