Tuesday, February 27, 2024
- Advertisement -
- Advertisement -
ማኅበራዊየሽሮሜዳው አደጋ

የሽሮሜዳው አደጋ

ቀን:

ከትራፊክ አደጋ አልላቀቅ ባለችው ሽሮሜዳ በየጊዜው አውቶቡሶች የሚያደርሱት አደጋ እየከፋ ነው፡፡ በእግረኞች ላይ ተደጋጋሚ አደጋ በሚደርስበት ሽሮሜዳ አካባቢ በቂ የእግረኛ መንገድና ሰፋ ያለ መንገድ ባለመኖሩ ነው፡፡ ተሽከርካሪዎችና ሰዎች የሚጠቀሙት ባለው ጠባብ የመኪና መንገድ ነው፡፡ ዘንድሮ የደረሰውን አደጋ ሳይጨምር በተከታታይ ለአራት ዓመታት አውቶቡሶችና ሚዲባሶች አደጋ አድርሰዋል፡፡ በጠባቡ መንገድ ላይ ለማዞር ሲሞክሩ እየተንሸራተቱ በእግረኞች ላይ የሞት አደጋ እያደረሱ ነው፡፡ ከሰው ብዛት አንፃር መንገዱና ተጠቃሚዎች የማይጣጣሙ እንደሆነም ይታያል፡፡ አሁንም ሐሙስ ነሐሴ 12 ቀን 2008 ዓ.ም. ከምሽቱ አንድ ሰዓት አካባቢ አዲሱ ሸገር አውቶቡስ እንደተለመደው ለመዞር ሲታገል፣ አንድ እናት ልጇን አዝላ ወደ ቤቷ ስትጓዝ ልጇንና እሷን በመግጨት ከመንገድ ዳር ያለ የውኃ መውረጃ ቱቦ ውስጥ ጥሏቸዋል፡፡ የአካባቢው ሰዎች ልጁን ወዲያው ሲያወጡት እናትየውን ግን ለማውጣት ከ40 ደቂቃ በላይ ቢታገሉም አልቻሉም፡፡ የተሽከርካሪ ማንሻ ክሬን ቢመጣም ለማንሳት ተቸግሯል፡፡ በመጨረሻ የአካባቢው ነዋሪዎች ከቱቦው ውስጥ ሊያወጧት ችለዋል፡፡ ነገር ግን ከወጣች በኋላ ለጥቂት ጊዜ ሕይወቷ የነበረ ቢሆንም፣ ወደ ሆስፒታል እየተወሰደች ሳለ መንገድ ላይ አሸልባለች፡፡ የሁለት ዓመት ሕፃን ልጇ ግን በአካባቢው ነዋሪዎች ታዝሎ ታይቷል፡፡ አደጋው የደረሰው በመንገድ ጥበት የተነሳ እንደሆነ የአካባቢው ነዋሪዎች በምሬት ሲናገሩ ይሰሙ ነበር፡፡ ከዚህ በፊት ኪዳነምሕረት አካባቢ 16 ቁጥር አንበሳ አውቶቡስ፣ ሚዲባስ ደግሞ 31 ቁጥር ማዞሪያ ላይ አደጋ ያደረሱ ሲሆን፣ አሁን ደግሞ የሸገር ባስ ተጨማሪ አደጋ አድርሷል፡፡ በምሥሉ ላይ የሚታየው የኋላ መስታወቱ የረገፈው የሸገር ባስ ድርጅት አውቶቡስ ነው፡፡

(ዘገባና ፎቶግራፍ በመስፍን ሰለሞን)

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...