Monday, October 3, 2022
ሌሎች ዓምዶች
    - Advertisement -
    - Advertisement -
    ማኅበራዊየኢትዮጵያ አየር መንገድ ለአየር ብክለት ያለውን አስተዋፅኦ ለመቀነስ የዛፍ ተከላ አካሄደ

    የኢትዮጵያ አየር መንገድ ለአየር ብክለት ያለውን አስተዋፅኦ ለመቀነስ የዛፍ ተከላ አካሄደ

    ቀን:

    በፍቅርተ ተሾመ

    የኢትዮጵያ አየር መንገድ በአውሮፕላኖቹ ምክንያት የሚለቀው ካርቦን ለአካባቢ ብክለት ያለውን አስተዋፅኦ ተመጣጣኝ በሆነ መልኩ ለመከላከል የዛፍ ተከላ አካሄደ፡፡ አየር መንገዱ ኢንዱስትሪው የሚፈጥረውን ተፅዕኖ ለመከላከል አውሮፕላኖቹ የሚጠቀሙትን የነዳጅ መጠንና የሚለቁትን ካርቦን ዝቅተኛ ለማድረግ፣ ፕሮጀክቶች ነድፎ እየተንቀሳቀሰ ይገኛል፡፡ ለዚህም ያረጁ አውሮፕላኖችን በአዲስ በመተካትና በተለያዩ ጊዜያት ዛፎችን በመተክል ላይ ይገኛል፡፡

    የዚህ ፕሮጀክት አካል የሆነው አንድ ዛፍ ለአንድ ተሳፋሪ፣ ነሐሴ 7 ቀን 2008 ዓ.ም. በሆለታ ወጨጫ ተራራ አካባቢ ወልመራ ወረዳ ‹‹ደን ለዘላቂ ልማትና የአካባቢ ጥበቃ›› በሚል መሪ ቃል በአየር መንገዱ ሠራተኞችና ተማሪዎች የዛፍ ተከላ ፕሮግራም ተካሂዷል፡፡

    መርሃ ግብሩ የተዘጋጀው አረንጓዴ ኢትዮጵያ ከተባለና በ2002 ዓ.ም ተቋቁሞ፣ በተፈጥሮ ሃብት ጥበቃና ልማት ላይ ከሚሰራ ሀገር በቀል መንግሥታዊ ካልሆነ ድርጀት ጋር በመተባበር ነው፡፡ 4,000 ችግኞች ለተከላ ሲቀርቡ፣ የዛፍ ተከላው ቀጣይነት እንደሚኖረውም በፕሮግራሙ ላይ ተነግሯል፡፡

    የአቪዬሽን ኢንዱስትሪ ለአየር ብክለት የራሱ አስተዋፅኦ ያለው በመሆኑ፣ አየር መንገዱ ይህንን አሻራ ለመቀነስ ያሉትን አውሮፕላኖች በቴክኖሎጂያቸው የላቁ፣ ለአካባቢውም ምቹ  እና እድሜያቸውም በአማካይ አምስት ዓመት እንዲሆን በማድረግ ላይ እንደሚገኝ የተናገሩት በኢትዮጵያ አየር መንገድ የሰው ሀብት አስተዳደር አቶ ነጥቡ መኩሪያ ናቸው፡፡

    አረንጓዴ በረራ ይፋ ከተደረገ በኃላ 7.5 ሚሊዮን ለተለያዩ አገልግሎቶች የሚውሉና ሊጠፉ የተቃረቡ የዛፍ ችግኞችን በደቡብ ኢትዮጵያ ለሚኖሩ የኅብረተሰብ ክፍሎች ተከፋፍሏል፡፡ በዚህ ሥራም የኢትዮጵያ አየር መንገድ ከ150 የህብረት ሥራ ማህበራት ጋር በቴክኒክ አማካሪነት፣ በገበያ ማስፋፋት ፣ ጥራት ያለው ምርት በማምረትና ለገበያ በማቅረብ፣ የሥራ ሒደትን ለማሻሻል የሚያስፈልጉ መሳሪያዎችን ከማቅረብ ጋር በተያያዘ ድጋፍ እያደረገ መሆኑን አቶ ነጥቡ ተናግረዋል፡፡ ከ8,300 በላይ ለሚሆኑ አርሶ አደሮችም የሥራ ዕድል መፍጠሩን አክለዋል፡፡ 

    ድርጅቱ በህብረተሰቡ ውስጥ ያለውን ተቀባይነት ታሳቢ አድርጐ፣ አርሶ አደሮችን በማበረታታትና በመደገፍ እንዲሁም የአየር ንብረት ለውጡን ለመከላከል እየሠራ እንደሚገኝም ተገልጿል፡፡

    - Advertisement -

    ይመዝገቡ

    spot_img
    spot_img