Wednesday, December 7, 2022
ሌሎች ዓምዶች
    - ማስታወቂያ -
    - ማስታወቂያ -

    ንግድ ባንክ 13.4 ቢሊዮን ብር ያልተጣራ ትርፍ አገኘሁ አለ

    - ማስታወቂያ -

    ተዛማጅ ፅሁፎች

    የኢትዮጵያ ንግድ ባንክ በተጠናቀቀው በጀት ዓመት 13.9 ቢሊዮን ብር ያልተጣራ ትርፍ ማስመዝገቡንና 27.2 ቢሊዮን ብር ገቢ መሰብሰቡን አስታወቀ፡፡ የሀብቱን መጠን ከ380 ቢሊዮን ብር በላይ ለማድረስ መቻሉንም ገልጿል፡፡

    የ2008 በጀት ዓመት አፈጻጸሙን በማስመልከት ንግድ ባንክ ለሪፖርተር በላከው መግለጫ መሠረት፣ ከሐምሌ 25 እስከ 30 ቀን 2008 ዓ.ም. ግምገማ ሲያከናውን ቆይቷል፡፡ የባንኩን እንቅስቃሴ በቃኘው ግምገማ መሠረት በዓመቱ ከወጪ ንግድ፣ ከውጭ ከሚላክ ገንዘብና ከልዩ ልዩ ምንጮች 4.7 ቢሊዮን ዶላር የውጭ ምንዛሪ ገቢ ማግኘቱን አስታውቋል፡፡ ከውጭ ለሚገቡ ልዩ ልዩ ሸቀጦች ግዥ፣ ለነዳጅና ለሌሎች ግብዓቶች 6.8 ቢሊዮን ዶላር መክፈሉን ጠቁሟል፡፡ በመሆኑም ከሰበሰበው በላይ 2.1 ቢሊዮን ዶላር ወጪ ማድረጉን የባንኩ መረጃ ይጠቁማል፡፡

     በዓመቱ 46.8 ቢሊዮን ብር ተቀማጭ ገንዘብ በማሰባሰቡም የንግድ ባንክ አጠቃላይ ተቀማጭ ገንዘብ ከ288 ቢሊዮን ብር በላይ ማሻቀቡን አክሏል፡፡ ባለፈው ዓመት የነበረው ተቀማጭ ገንዘብ 241.7 ቢሊዮን ብር እንደነበር ያስታወቀው ባንኩ፣ በብድር የሰጠው አዲስ የገንዘብ መጠንም 92 ቢሊዮን ብር ገደማ መድረሱን ይፋ አድርጓል፡፡ ቀድሞ ከሰጣቸው ብድሮች መካከል 47.8 ቢሊዮን ብድር አስመልሻለሁ ብሏል፡፡

    በአሁኑ ወቅት 28‚467 ሠራተኞችን የሚያስተዳድረው ንግድ ባንክ፣ 2‚000 ያህል ሠራተኞችን ከቀድሞው ኮንስትራክሽንና ቢዝነስ ባንክ መረከቡ አይዘነጋም፡፡ ይሁንና 1‚966 ያህሉ የኮንስትራክሽንና ቢዝነስ ባንክ ከቀሪዎቹ የንግድ ባንክ ሠራተኞች ጋር በመቀላቀል እየሠሩ እንደሚገኙ ባንኩ አስታውቋል፡፡ ከተጠቀለለው ኮንስትራክሽንና ቢዝነስ ባንክ ከተረከባቸው ቅርንጫፎች መካከል 88 ቅርንጫፎች መደበኛ ሥራቸውን በማከናወን ላይ ይገኛሉ ብሏል፡፡ ከዚህ በተጨማሪ 84 አዳዲስ ቅርንጫፎችን በመክፈትም የባንኩ ጠቅላላ ቅርንጫፎች ቁጥር 1‚136 መድረሳቸውን ጠቅሷል፡፡

    በደንበኞች ረገድም በባንኩ ሒሳብ ያላቸው በጠቅላላው 13.3 ሚሊዮን እንደሆኑ፣2.8 ሚሊዮን ያህሉ የኤሌክትሮኒክ ባንክ አገልግሎት ተጠቃሚዎች መሆናቸውን፣ ከዚህም በተጨማሪ በዓመቱ 600 ሺሕ የሚደርሱ ደንበኞች ለሞባይል ባንኪንግ እንዲሁም ከ24 ሺሕ በላይ ደግሞ ለኢንተርኔት ባንኪግ አገልግሎት መመዝገባቸው ታውቋል፡፡ በዚህም መሠረት ከ700 ሺሕ በላይ ደንበኞቹ የኢንተርኔት ባንኪንግ ተጠቃሚ መሆናቸውንና ከ15 ሺሕ በላይ ደግሞ የሞባይል ባንኪንግ አገልግሎት የሚያገኙ መሆናቸውን ገልጿል፡፡ 

         

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች