Sunday, February 5, 2023
- Advertisement -
- Advertisement -
- Advertisement -

ፌርማታ ፅሁፎች

ዘንድሮ ኤሊኖ ባስከተለው የአየር መዛባት ምክንያት በአርሲ ዞን ዶዶታ ወረዳ የደረሰው የመሬት መንሸራተት ወደ ባሌ በሚሄደው የኤሌትክሪክ ምሰሶ ላይ ጉዳት አድርሶ ነበር

ትኩስ ፅሁፎች

 

   ሁሌም

ዓይንን የመሠለ

ምን አለ ምን አለ

ተንከባሎ ያያል

ወደላይ ይቃኛል

ወደታች ይቃኛል

ሁሉን ያስተውላል

ሁሌም ያያል

ሁሌም ያያል

እንደ ዓይን ያለ የልብ ካውያ

የአእምሮ ወንድም ከቶ የት ይገኛል

  • ኤፍሬም ገብረሥላሴ ‹‹የግጥም … ጥም›› (2003)
  •  

የአንድ አካባቢ ኗሪዎች በሚያስተኛ ሕመም ተቸገሩ

ካላቺ በተሰኘች የካዛኪስታን አካባቢ ሰዎች በሚያስተኛ ሕመም መቸገራቸውን የአገሪቱን ድረ ገጾች ዋቢ አድርጐ ዘ ኢንዲፔንደንት ዘገበ፡፡ በዚህ አካባቢ ኗሪዎች በቀን ወደ አልጋቸው ሔደው ለቀናት ላይነቁ ይችላሉ፡፡ ከረዥም እንቅልፋቸው ሲነቁም እንዴት እንቅልፍ እንደጣላቸው የሚያስታውሱት ነገር የለም፡፡ አጥኚዎች ነገሩን የእንቅልፍ በሽታ ቢሉትም አፍሪካ ውስጥ ተላላፊ የሆነው የእንቅልፍ በሽታ ዓይነት ግን እንዳልሆነ ዘገባው ያመለክታል፡፡ በበሽታው የተጠቁ ሰዎችን ዕድሜ፣ የእንቅልፍ ሰዓት፣ የአካባቢውን የአየር ሁኔታ፣ ምግብና ውኃ ያሉ ነገሮችን በመመርመር ባለሙያዎች ችግሩን ለማጥናት ቢሞክሩም የተገኘ ምንም ነገር የለም፡፡ እንደ ዘገባው ኗሪዎቹ እስከ ሳምንት ሊተኙ ሁሉ ይችላሉ፡፡ ከመዳረሻው ሌላ ከተማ ሲደርስ አውሮፕላን መሳፈሩን፤ በሙሉ ጉዞውም ተኝቶ እንደነበር ምንም የማያስታውስ በእንቅልፍ እየተጠቃ ያለው አካባቢ ኗሪም አጋጥሟል፡፡

  •  

ኦሊምፒያኖች ለምን ሜዳሊያቸውን ይነክሳሉ?

አብዛኛውን ጊዜ በኦሊምፒክ አሸናፊ የሚሆኑ በመጨረሻ ድላቸውን ሲቀዳጁ ሜዳሊያቸውን በጥርሳቸው ነክሰው ፎቶግራፍ ሲነሡ ይታያል፡፡ ይህ ዕውቅና ያልተሰጠውና ያልተጻፈ የኦሊምፒክ ባህል የሆነም ይመስላል፡፡ የኦሊምፒክ ታሪክ አዋቂዎች እንደሚሉት ኦሊምፒያኖች ይህን የሚያደርጉት በፎቶግራፍ አንሺዎች ምክንያት እንጂ ድርጊቱ ልዩ ትርጉም ኖሮት አይደለም፡፡ የዓለም አቀፍ ኦሊምፒክ ማኅበረሰብ ታሪክ ተመራማሪ ዴቪድ ዋልቺንስኪ እንደሚሉት ኦሊምፒያኖቹ ሜዳሊያ ነክሶ መነሳት ምርጥ ሚባለው ዓይነት አነሳስ እንደሆነ ይሰማቸዋል፡፡ የሀፊንግተን ፖስት ዘገባ እንደሚያመለክተው እ.ኤ.አ. 2010 ላይ ሜዳሊያ እነክሳለሁ ብሎ ጥርሱን የሰበረ የጀርመን ኦሊምፒያንም አለ፡፡

  •  

በኦሊምፒክ መድረክ የቀረበ የጋብቻ ጥያቄ

ቻይናዊቷ ኦሊምፒያን ሒዚ ሦስተኛ ወጥታ ሜዳሊያዋን ተቀብላ ከሽልማቱ መድረክ እንዳለች ወዲያው ከአገሯ አብሯት ከሔደውና የስድስት ዓመት ጓደኛዋ ኪን ካይ የጋብቻ ጥያቄ ቀረበላት፡፡ ሁኔታው የብዙዎችንና የመገናኛ ብዙኃንንም ትኩረት የሳበ ነበር፡፡ ኪን የቃል ኪዳን ቀለበቱን ሒዚ ጣት ላይ ካደረገ በኋላ ወደ ታዳሚዎች ዞሮም በእጁ ምልክት አሳይቷል፡፡ ‹‹ዛሬ የጋብቻ ጥያቄ ሊያቀርብልኝ እንደሚችል አልገመትኩም ነበር፡፡ በዚህ ዕድሜዬም አገባለሁ ብዬ አስቤ አላውቅም፤›› ብላለች የ25 ዓመቷ ሒዚ፡፡ ብዙዎች በነገሩ ቢደሰቱም ስፖርታዊ ድል ግርማዋ ላይ ግን ጥላ ሆኗል የሚል ሐሳብ የሰነዘሩም አልታጡም፡፡ ሰዎች ሁልጊዜም እንደሚጋቡ በተቃራኒው ኦሊምፒክ ማሸነፍ እጅግ ጥቂቶች የሚያገኙት ስኬት በመሆኑ ትኩረቱ መሆን የነበረበት የሒዚ ድል ላይ ነው ሲሉ አስተያየት ሰጭዎቹ ይናገራሉ፡፡

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች