Monday, February 26, 2024
- Advertisement -
- Advertisement -
ማኅበራዊእነ አቶ በቀለ ገርባ የእምነት ክህደት ቃላቸውን ለፍርድ ቤት ሳይሰጡ ቀሩ

እነ አቶ በቀለ ገርባ የእምነት ክህደት ቃላቸውን ለፍርድ ቤት ሳይሰጡ ቀሩ

ቀን:

በሽብር ተግባር ወንጀል ተጠርጥረው ክስ የተመሠረተባቸው እነ አቶ በቀለ ገርባ የእምነት ክህደት ቃላቸውን ነሐሴ 5 ቀን 2008 ዓ.ም. መስጠት ቢኖርባቸውም፣ ‹‹ፍርድ ቤቱ ገለልተኛ ነው ብለን ስለማናምን ቃላችንን አንሰጥም፤›› በማለት ሳይሰጡ ቀሩ፡፡

ሕገ መንግሥቱን መሠረት አድርገው ያቀረቡትን የቅድመ ክስ መቃወሚያ ፍርድ ቤቱ ውድቅ ማድረጉ ሕገ መንግሥቱን የሚፃረር ብይን መሆኑን የገለጹት ተከሳሾቹ፣ በሕገ መንግሥቱ በተቀመጠው መሠረት ጉዳያቸው መታየት የነበረበት በኦሮሚያ ጠቅላይ ፍርድ ቤት ወይም በክልሉ በተቋቋመ ከፍተኛ ፍርድ ቤት መሆን ይገባው እንደነበርም ተናግረዋል፡፡ በመሆኑም የእምነት ክህደት ቃል መስጠታቸው ተገቢ አለመሆኑን አስረድተዋል፡፡

ቀደም ባለው ጊዜ በተመሠረተባቸው ክስ በሐሰተኛ ምስክር ስምንት ዓመታት እንደተፈረደባቸው ያስታወሱት የኦሮሞ ፌዴራሊስት ኮንግረስ (ኦፌኮ) ተቀዳሚ ምክትል ሊቀመንበር አቶ በቀለ ገርባ፣ አሁንም በተከሰሱበት ክስ የሚጣልባቸውን ፍርድ ባሉበት ሆነው ሊቀበሉት እንደሚችሉ ተናግረዋል፡፡ የሚታገሉለት ሕዝብ እየተገደለ ቃላቸውን መስጠት እንደሚከብዳቸው የተናገሩት ሌላው ተከሳሽ አቶ ጉርሜሳ አያና ደግሞ ለፍርድ ቤቱ እንደተናገሩት፣ በሰላማዊ መንገድ የሚታገለው መድረክ አባል መሆናቸውን መንግሥት እንደሚያውቅ ገልጸዋል፡፡ የኦነግ አባል ናችሁ መባላቸው አግባብ አለመሆኑንና በሕጋዊ መንገድ ተመዝግቦ በሰላማዊ መንገድ የሚታገል ፓርቲ አባል መሆናቸውን በተደጋጋሚ ገልጸዋል፡፡ አቶ አዲሱ ጉላላ የተባሉ ተከሳሽም የአቶ ጉርሜሳን አስተያየት ደግመውታል፡፡

- Advertisement -

Video from Enat Bank Youtube Channel.

አብዛኛዎቹ ተከሳሾች በቅድመ ክስ መቃወሚያቸው ክሱ ግልጽ አለመሆኑን በመናገር ግልጽ እንዲደረግላቸው በመቃወሚያቸው ላይ የጠቀሱ ቢሆንም፣ ውድቅ እንደተደረገላቸው አስረድተው ቃላቸውን ሳይሰጡ ቀርተዋል፡፡ ሁለት ተከሳሾች ግን፣ ‹‹ድርጊቱን አልፈጸምንም፣ ጥፋተኛም አይደለንም፤›› በማለት የእምነት ክህደት ቃላቸውን ሰጥተዋል፡፡ ተከሳሾቹ የተከሰሱት ኦሮሞ በመሆናቸው መሆኑንና ብይን እየተሰጠባቸው ያለው ሕገ መንግሥቱ እየተሻረ እንደሆነ ሲገልጹ፣ ከሳሽ ጠቅላይ ዓቃቤ ሕግ ተቃውሞ አቅርቧል፡፡

ፍርድ ቤቱ የተከሳሾቹን አስተያየትና የዓቃቤ ሕግን መቃወሚያ ካዳመጠ በኋላ ተከሳሾቹ ምንም እንኳን የእምነት ክህደት ቃላቸውን እንደማይሰጡ የገለጹ ቢሆንም፣ እንደተቃወሙ እንደሚቆጠር በመግለጽ ዓቃቤ ሕግ ምስክሮቹን ከኅዳር 2 እስከ 16 ቀን 2009 ዓ.ም. ድረስ አቅርቦ እንዲያሰማ ትዕዛዝ ሰጥቷል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...