Sunday, February 5, 2023
- Advertisement -
- Advertisement -
- Advertisement -

ፌርማታ ፅሁፎች

ማጠቃ 02 ቀበሌ አካባቢ የአፋር ወጣት ከአዋሽ ወንዝ ውኃ በመቅዳት ላይ

ትኩስ ፅሁፎች

ፈራሁ

አንቺን አንደኛ ለማድረግ

እኛ ስንቴ ውራ ወጣን

ለክብርሽ ካብ ለጀግንነትሽ

ስንቴ ረከስን ስንቴ ወደቅን

ስንቴ ሰነፍን ስንቴ ደደብን

ዛሬ ጓደኞቼን በተራ

አጡ ነጡ ስትሉ

ኖሬበታለሁና

ገባኝ ትርጉሙ ቃሉ

ሸገገኝ ወረረኝ ፈራሁ

ሰጋሁ ሀብታም ልትሉኝ ነው

የኔን ስሙኒ ለመካብ

ስንቱ ሲያጣ ሊደኸይ ነው፡፡

  • ታዬ አስፋው፣ ‹‹ሐጢሾ›› (2008)

በአራት ዓመቱ ያረጀው ሕፃን

በባንግላዴሽ በማይታወቅ ህመም የአራት ዓመት ሕፃን ሽማግሌ እየመሰለ መምጣቱን አጃንስ ፍራንስ ፕሬስ ዘግቧል፡፡ ሕፃኑን እንዲህ እያደረገው ያለው ህመም ሊታወቅ ያልተቻለ ሲሆን ሕፃኑ ሆስፒታል እንዲተኛ ተደርጓል፡፡ ሕፃኑን ለማከም የተቻላቸውን ሁሉ እንደሚያደርጉ በባንግላዴሽ ከተማ ዳሪካ የሚገኘው ታዋቂ ሆስፒታል ዶክተሮች ተናግረዋል፡፡ እንዳረጀ ሰው ፊቱና ሌሎች የሰውነቱ ክፍሎች ላይ የተሸበሸበ ቆዳ ያለው ሕፃኑ ተያያዥ የሆነ የልብ፣ የእይታና የመስማት ችግርም እንዳለበት ታውቋል፡፡ የሕፃኑ አባት ላብሉ ቪክዳር ሕፃኑን ምንም እንኳን ዶክተሮች በተደጋጋሚ እያዩት ቢሆን ስለችግሩ ማወቅ አለመቻላቸውን ይናገራል፡፡ ‹‹ልጃችን በህክምና እንዲድን መሬታችንን ሸጠናል፡፡ የሃይማኖት ፈዋሾችና የባህል ሐኪሞች ዘንድም ወስደነዋል፡፡ ነገር ግን ምንም ያገኘነው ነገር የለም፡፡ ይህ ሆስፒታል የመጨረሻ ተስፋችን ነው፤›› ያለው አባት ልጁ እንደማንኛውም ሕፃን ሆኖ እንደሚያይ ተስፋ እንዳለው ተናግሯል፡፡ ዶክተሮች መጀመሪያ ሕፃኑ ከውልደት በኋላ ቶሎ በሚያስረጀውና በዘር በሚተላለፈው ፕሮጄሪያ በተባለው ህመም ሳይጠቃ እንደማይቀር ገምተው ነበር፡፡ ይህ በጣም አልፎ አልፎ የሚከሰት በሽታ “The Curious Case of Benjamin Button” የተሰኘው የሆሊውድ ፊልም ይዘትም ሆኗል፡፡

* * *

ማራቶን ሯጩን ያጀበችው ውሻ

በቻይና ጐቢ በረሃ የ155 ማይል ማራቶን ውድድር ላይ በበረሃ ሲሮጥ ያገኛትን ትንሽ ውሻ ሯጩ ሊዮናርድ አገሩ ስኮትላንድ ይዟት ሊገባ ነው፡፡ ዘገባዎች እንዳመለከቱት ትንሿ ውሻ ከሊዮናርድ ጋር 77 ማይል ሮጣለች፡፡ ሯጩ እንዲህ ያጀበችውን ትንሽ ውሻ ኤደንበርግ ይዟት ይገባ ዘንድ የውሻዋ የሕክምናና የትራንስፖርት ወጪ እንዲሸፈን ትልቅ የገንዘብ ማሰባሰብ ተካሂዷል፡፡ የዘ ኢንዲፔንደንት ዘገባ እንደሚያሳየው ሊዮናርድ ውሻዋን በተገናኙበት በረሃ ጎቢ ሰይሟታል፡፡

* * *

የቀብር ሥነ ሥርዓቱ የፖለቲካ ክርክር መድረክ ሆነ

ቅዳሜ ዕለት በዩጋንዳ ሔለን አዶአ የተባሉ የፓርላማ አባል አባት ቀብር ሥነ ሥርዓት የተቃዋሚና የገዥ ፓርቲ አባላት የክርክር መድረክ ሆኖ ማለፉን ዘ ኒው ቪዥን ዘገበ፡፡ ነገሩ የጀመረው የሴሬሬው ተወካይ ጆሴፍ ኦፒት አስጆ ተቃዋሚዎች ሽንፈታችሁን መቀበል አለባችሁ ሲሉ አስተያየት መሰንዘራቸውን ተከትሎ ነው፡፡ ሲቀጥል ደግሞ የሐዘንተኛዋ ሔለን አዶዋ ምርጫ መራጮችን በመደለልና በማስፈራራት በሚል ውጤታቸው በሶሮቲ ከፍተኛ ፍርድ ቤት መሰረዝን በተመለከተ ክርክሩ ቀጠለ፡፡ ፖለቲከኞች እንዲህ እንዲህ እያሉ የቀብር ሥነ ሥርዓቱን ወደ ፖለቲካ ክርክር መድረክ ሲቀይሩት ለቀስተኛው ደንግጦ ሁኔታውን መከታተል ብቻ ሆነ ምርጫው፡፡  

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች