Tuesday, November 29, 2022
ሌሎች ዓምዶች
    - ማስታወቂያ -
    - ማስታወቂያ -

    ባንኮች የባለአክሲዮኖቻቸውን ዜግነት እንዲያጣሩ የተጣለባቸው ግዴታ እንዲላላ ተደረገ

    - ማስታወቂያ -

    ተዛማጅ ፅሁፎች

    በአገሪቱ ውስጥ ያሉ የግል ባንኮች የባለአከሲዮኖቻቸውን ዜግነት እንዲያጣሩ በኢትዮጵያ ብሔራዊ ባንክ በተጣለባቸው ግዴታ ላይ ማሻሻያ በማድረግ እንዲላላ ተደረገ፡፡

    የኢትዮጵያ ብሔራዊ ባንክ በጥቅምት ወር 2008 ዓ.ም. ባወጣው መመርያ፣ ሁሉም የግል ባንኮች የባለአክሲዮኖቻቸውን ዜግነት እንዲያጣሩ፣ ኢትዮጵያዊ ዜግነት ለሌላቸው ባለድርሻዎች የትርፍ ድርሻ መክፈል እንደሌለባቸውና በፍጥነትም ለብሔራዊ ባንክ እንዲያሳውቁ ተገደው ነበር፡፡

    ይህ ግዴታ በበርካታ ሺዎች የሚቆጠሩ የባንክ ባለአክሲዮኖች ማንነትን የማጣራት ግዴታ በእያንዳንዱ ባንክ ላይ የጣለ ከመሆኑም በላይ፣ በባንኮች ውስጥ አክሲዮን ያላቸው ተቋማት ባለቤቶችን ወይም ባለአክሲዮኖችን ዜግነት ጭምር የማጣራት ሥራ የእያንዳንዱ ባንክ ኃላፊነት ሆኖ ነበር፡፡

    ይሁን እንጂ ብሔራዊ ባንክ ሰሞኑን ባወጣው ሰርኩላር ባንኮች የባለአክሲዮኖቻቸውን ማንነት በማጣራት ረገድ የገጠማቸውን ችግር በመገንዘብ ማሻሻያ ማድረጉን ገልጿል፡፡

    የግለሰብ ባለአክሲዮኖችን ማንነት የማጣራት ሥራው እንደተጠበቀ ሆኖ፣ የኮርፖሬት ባለአክሲዮኖችን ዜግነት ማጣራት ለባንኮች አዳጋች መሆኑን እንደተገነዘበ ብሔራዊ ባንክ ያሠራጨው ሰርኩላር ይገልጻል፡፡

    በመሆኑም በርካታ አባላት ያሏቸው እንደ እድር፣ የእምነት ተቋማት፣ የዕርዳታ ወይም የልማት ድርጅቶች በኢትዮጵያ ተመዝግበው እስከተቋቋሙ ድረስ የእነዚህን ተቋማት ባለአክሲዮን አባላት ማንነት ማጣራት እንደማያስፈልግ፣ የትርፍ ድርሻም ማከፋፈል እንደሚቻል ብሔራዊ ባንክ ያሠራጨው ሰርኩላር ያስረዳል፡፡

    ሰፊ የባለቤትነት ድርሻ ያላቸው ተቋማት በኢትዮጵያ ተመዝግበው እስከተመሠረቱ ድረስ የባለድርሻዎቹን ማንነት ማጣራት ሳያስፈልግ በባንኮች ውስጥ ባለአክሲዮን ሊሆኑ እንደሚችሉ፣ ነገር ግን የእንደዚህ ዓይነቶቹ ተቋማት ዋና ሥራ አስፈጻሚዎች 99 በመቶ የሚሆኑት ባለአክሲዮኖች ኢትዮጵያዊ መሆናቸውን በጽሑፍ ማሳወቅ እንደሚገባቸው በሰርኩላሩ ያብራራል፡፡

    የኢትዮጵያ ብሔራዊ ባንክ ባንኮች የባለአክሲዮኖቻቸውን ማንነት እንዲያጣሩ ያስገደደበት ምክንያት፣ በርካታ የውጭ ዜጐች በኢትዮጵያ ባንኮች ውስጥ የባለቤትነት ድርሻ ይዘው እንደሚገኙ ጥቆማ ደርሶት መሆኑን መዘገባችን ይታወሳል፡፡

    በጥቆማው መሠረት የውጭ ዜጐች ናቸው የተባሉት አብዛኞቹ ኤርትራውያንና ትውልደ ኢትዮጵያውያን ናቸው፡፡

    በኢትዮጵያ የባንክ ሕግ መሠረት የውጭ ዜጐች በፋይናንስ ተቋማት ውስጥ በባለቤትነት መሳተፍ አይችሉም፡፡

     

    spot_img
    - Advertisement -spot_img

    የ ጋዜጠኛው ሌሎች ፅሁፎች

    - ማስታወቂያ -

    በብዛት ከተነበቡ ፅሁፎች