Sunday, January 29, 2023
- Advertisement -
- Advertisement -
ዜናኢትዮጵያ ከግብፅና ከሱዳን ጋር በታላቁ ህዳሴ ግድብ ላይ በመሪዎች ደረጃ ጉባዔ ልትቀመጥ...

ኢትዮጵያ ከግብፅና ከሱዳን ጋር በታላቁ ህዳሴ ግድብ ላይ በመሪዎች ደረጃ ጉባዔ ልትቀመጥ ነው

ቀን:

–  ግብፅ እስራኤል ከኢትዮጵያ ጋር እንድትሸመግለኝ አልጠየቅኩም አለች

የኢትዮጵያ፣ የግብፅና የሱዳን መሪዎች በታላቁ የህዳሴ ግድብ ግንባታ ላይ ውይይት ሊያደርጉ መሆኑን ምንጮች ገለጹ፡፡

መሪዎቹ በቅርቡ ግብፅ ውስጥ ተገናኝተው የህዳሴው ግድብ ግንባታን በተመለከተ እንደሚመክሩ ምንጮች አክለዋል፡፡

ይህ የመሪዎች ጉባዔ እንዲደረግ የጠየቁት የግብፁ ፕሬዚዳንት አብዱልፈታህ አልሲሲ መሆናቸውን፣ ጥያቄያቸውንም ያቀረቡት ለጠቅላይ ሚኒስትር ኃይለ ማርያም ደሳለኝ ለ27ኛው የአፍሪካ ኅብረት የመሪዎች ስብሰባ በሩዋንዳ ኪጋሊ ከተማ በቅርቡ በተገኙበት ወቅት መሆኑን ለማወቅ ተችሏል፡፡

የሦስቱ አገሮች መሪዎች ለመጨረሻ ጊዜ በህዳሴው ግድብ ግንባታ ላይ ለመነጋገር የተገናኙት፣ በሱዳን ግድቡን በተመለከተ የመርህ መግለጫ ስምምነት በተፈራረሙበት ወቅት ነው፡፡

ከሁለት ሳምንት በኋላ ሊሆን ይችላል የተባለው የመሪዎቹ ጉባዔ፣ የህዳሴውን ግድብ የተፅዕኖ ግምገማ የሚያጠኑ ሁለት የፈረንሣይ ኩባንያዎች ለመቅጠር የሚደረገውን ሒደትና ጥናቱን በተመለከተ ሊሆን እንደሚችል ምንጮች ገልጸዋል፡፡

በጉዳዩ ላይ ሪፖርተር ያነጋገራቸው የውኃ፣ መስኖና ኢነርጂ ሚኒስቴር የድንበር ተሻጋሪ ወንዞች ዳይሬክቶሬት ዳይሬክተርና የህዳሴው ግድብ የኢትዮጵያ ተደራዳሪ ቡድን አባል አቶ ተሾመ አጥናፉ፣ ስለመሪዎቹ ጉባዔ መረጃ እንደሌላቸው ገልጸዋል፡፡

ይሁን እንጂ ጥናቱን እንዲያካሂዱ ከተመረጡት የፈረንሣዮቹ ቢአርኤል ኢንጂነርስና አርቴሊያ ኩባንያዎች ጋር በቅርቡ የፊርማ ስምምነት ይደረጋል ብለዋል፡፡

በአሁኑ ወቅት የኮንትራት ውል ስምምነት የማጠቃለያ ምዕራፍ ላይ እንደሚገኝና በቅርብ ጊዜ ስምምነቱ ይፈረማል ብለው እንደሚገምቱ አክለዋል፡፡

ይህ በእንዲህ እንዳለ የተለያዩ የውጭ ሚዲያዎች ግብፅ የህዳሴው ግድብ ግንባታን በተመለከተ እስራኤል ከኢትዮጵያ ጋር እንድትሸመግላት ትብብር እንደጠየቀች የተሰራጨው ዘገባ ሐሰት መሆኑን፣ የግብፅ የውጭ ጉዳይ ሚኒስቴር ቃል አቀባይ ገልጸዋል፡፡

የግብፅ ውጭ ጉዳይ ሚኒስትር ሳሜህ ሹክሪ በቅርቡ ወደ እስራኤል ተጉዘው የነበረው፣ በእስራኤልና በፍልስጤም መካከል ያለውን አለመግባባትና ግጭት መፍታት በሚቻልበት ሁኔታ ላይ ለመምከር ብቻ መሆኑን አስታውቀዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...