Sunday, January 29, 2023
- Advertisement -
- Advertisement -
ስፖርትጂማ አባ ቡና ፕሪሚየር ሊጉን ተቀላቀለ

ጂማ አባ ቡና ፕሪሚየር ሊጉን ተቀላቀለ

ቀን:

በከፍተኛ ሊግ ስኬታማ ጊዜ ያሳለፈው ጂማ አባ ቡና፣ በ2009 ዓ.ም. ፕሪሚየር ሊግን መቀላቀሉን አረጋገጠ፡፡ ክለቡ ቀሪ አምስት ጨዋታ እያለው ሐምሌ 26 ቀን 2008 ዓ.ም. ከወራቤ ከተማ ጋር ባደረገው ጨዋታ ያለምንም ግብ በመለያየቱ ወደ ፕሪሚየር ሊጉ ለማደግ መቻሉን አረጋግጧል፡፡

ጂማ አባ ቡና በከፍተኛ ሊጉ ወጥ አቋም በመያዝና ሁለት ጨዋታ ብቻ ከመሸነፉ ውጪ በሜዳው ሽንፈት አለማስተናገዱ ለውጤታማነቱ ተጠቃሽ ነው፡፡ የቡድኑ ዋና አሠልጣኝ ደረጀ በላይ፣ አምና ወደ ፕሪሚየር ሊጉ ለማደግ ከጫፍ ደርሰው በጥቃቅን ስህተት መቅረታቸው ዘንድሮ ጠንክረው በመሥራት ያሰቡትን ማሳካት እንደቻሉ ተናግረዋል፡፡

በተለይ በክለቡ ያለው ነፃነትና ደጋፊው በክለቡ ላይ ያለው እምነት ለውጤት እንዳበቃቸው አክለዋል፡፡ ጂማ አባ ቡና ከሊጉ ከወጣ ረዥም ዓመት ቢሆነውም በ2006 ዓ.ም. እንደገና ተመሥርቶ በ2009 ዓ.ም. ፕሪሚየር ሊግ መግባቱ ትልቅ ስኬት እንደሆነም ገልጸዋል፡፡

ለኢትዮጵያ ከ20 ዓመት በታች ብሔራዊ ቡድን ስድስት ተጫዋቾችን ማስመረጥ የቻለው ጂማ አባ ቡና፣ በሊጉ ላይ የተሻለ ውጤት በማምጣት እንደሚሠራ ተገልጿል፡፡ ክለቡ ካደረጋቸው 25 ጨዋታዎች 61 ነጥብ በማምጣት አምስት ጨዋታ እየቀረው ወደ ፕሪሚየር ሊግ ማደግ ችሏል፡፡

ቀደም ብሎ ከከፍተኛ ሊግ ምድብ ሀ ፋሲል ከነማ ፕሪሚየር ሊጉን መቀላቀሉ ይታወሳል፡፡ በቀሪዎቹ አምስት የኢትዮጵያ ብሔራዊ ሊግ ጨዋታዎች ሁለት ክለቦች ወደ ፕሪሚየር ሊግ ለማደግ ይጠበቃሉ፡፡ ምድብ ሀ ላይ ወልዲያ የማደግ ሰፊ ዕድል ሲኖረው፣ በምድብ ለ አዲስ አበባ ከተማ ይጠበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...