Wednesday, June 12, 2024
- Advertisement -
- Advertisement -

ማኅበራዊከ39,000 በላይ የኮንዶሚኒየም ቤቶች ዕጣ የሚወጣበት ቀን ተቆረጠ

ከ39,000 በላይ የኮንዶሚኒየም ቤቶች ዕጣ የሚወጣበት ቀን ተቆረጠ

ቀን:

ዕጣው የ40/60 ቤቶችን አያካትትም

ከመጋቢት 30 ቀን 2007 ዓ.ም. ጀምሮ በየወራቱ ዕጣ እንደሚወጣባቸው በተለያዩ የአስተዳደሩ አመራሮች ሲነገር ከአንድ ዓመት በላይ ተግባራዊ ሳይደረግ የከረመው የጋራ መኖሪያ ቤቶች ዕጣ ማውጫ ቀን መቆረጡን፣ የቢሮ ኃላፊው አስታወቁ፡፡

የአዲስ አበባ ከተማ አስተዳደር የቤቶች ልማትና አስተዳደር ቢሮ ኃላፊ አቶ ይድነቃቸው ዋለልኝ ፊርማ ተረጋግጦ ይፋ የተደረገው የጋራ ቤቶች ዕጣ ማውጫ ቀን፣ ሐምሌ 30 ቀን 2008 ዓ.ም. ነው፡፡ የቤቶቹም ብዛት 39,126 መሆኑንና የ20/80 እና የ10/90 ያካተተ እንደሆነ ጠቁመዋል፡፡

- Advertisement -

የጋራ መኖሪያ ቤቶች የተገነቡት ወይም በባለቤትነት ያስገነቡት የአዲስ አበባ ቤቶች ልማትና አስተዳደር ቢሮ፣ የአዲስ አበባ ከተማ ቤቶች ልማት ፕሮጀክት ጽሕፈት ቤት፣ የቤቶች አስተዳደር ኤጀንሲና ሌሎችም ባለድርሻ አካላት መሆናቸውን የጠቆሙት የቢሮ ኃላፊው፣ ሐምሌ 20 ቀን 2008 ዓ.ም. ከንቲባ ድሪባ ኩማ በተገኙበት የጋዜጠኞች ቡድን ለዕጣ የተዘጋጁትን የጋራ መኖሪያ ቤቶች እንደሚጐበኝ አስታውቀዋል፡፡

ዕጣ የሚወጣላቸው በተለያዩ አምስት አካባቢዎች የተገነቡ የኮንዶሚኒየም ቤቶች ቦሌ አያት ፕሮጀክት 1፣ 2 እና 3፣ ቦሌ አራብሳ ፕሮጀክት 15፣ ኮዬ ፈጬ ላይ ሁለት ሳይቶችና ቂሊንጦ ሁለት ሳይቶች መሆናቸውም ታውቋል፡፡ የአዲስ አበባ ከተማ አስተዳደር በአሥር ዙሮች ዕጣ ያወጣባቸው የጋራ መኖሪያ ቤቶች 140 ሺሕ የሚጠጉ ሲሆን፣ በ1996 ዓ.ም. የተመዘገቡና በ2005 ዓ.ም. በድጋሚ አዲስ ተመዘገቡ በድምሩ ከ900,000 በላይ ቤት ፈላጊዎች መሆናቸው ይታወቃል፡፡

ሐምሌ 30 ቀን 2008 ዓ.ም. ዕጣ የሚወጣላቸው የ20/80 እና የ10/90 ኮንዶሚኒየም ቤቶች ብቻ ሲሆኑ፣ በ40/60 መርሐ ግብር የሚገነቡ ቤቶችን አይመለከትም፡፡ ግንባታቸው የተጠናቀቀ የ40/60 ቤቶች ዕጣ ወደፊት በልዩ ፕሮግራም ይወጣል ተብሏል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...