Friday, October 7, 2022
ሌሎች ዓምዶች
    - Advertisement -
    - Advertisement -
    ዝንቅአዳማ ኬላን የሙጥኝ ያሉት ኮንቴነሮች

    አዳማ ኬላን የሙጥኝ ያሉት ኮንቴነሮች

    ቀን:

    ከአዲስ አበባ ወደ ምሥራቅ ኢትዮጵያ ከተሞችም ሆነ ወደ ጅቡቲ ወደብ ለመድረስ መተላለፊያ የሆነው አዳማ (ናዝሬት) ከተማ፣ በከፍተኛ ትራፊክ መጨናነቁ የዘወትር እይታ ነው:: ከፍተኛ ጭነትና ኮንቴነር የተሸከሙ ከባድ ተሽከርካሪዎች የሚመላለሱበት የኬላው አውራ ጎዳና ተደጋጋሚ ብልሽት አጋጥሞታል:: ተሽከርካሪዎቹ ፍፁም በጣም ከተበላሸው ወደ ተበላሸው የመንገድ ምርጫ በሚያደርጉት ግብግብ (ትግል) የመገልበጥ አደጋ ሲያጋጥማቸው ይስተዋላል:: ይህ በሳምንት ከአምስት የበለጡ ከባድ ተሽከርካሪዎች ላይ ለሚፈጠረው አደጋ ሰበብ የሆነው የመንገድ ብልሽት በአስቸኳይ ማስጠገን ችላ ሊባል አይገባውም:: ለአብነት ያህል ሐምሌ 9 እና ሐምሌ 11 ቀን 2008 ዓ.ም. በሁለቱ ቀናት የወደቁትን የጭነት ኮንቴነሮችና የመንገዱን ገጽታ ከፎቶግራፎቹ ማየት ይቻላል::አቡቴ ደቦጭ ከአዳማ (ናዝሬት)

    * * *

    ነገ

    አመድ ትቢያ ለመሰለው

    በአልጋ ለዋለው ታሞ

    በሐዘን ልቡ ለተሰበረ

    የኑሮን ዳገት ሲቧጥጥ ከርሞ

    ተስፋው አንቺ ነሽ ነገ

    ለሚያስብሽ ዛሬ ላይ ቆሞ፡፡

    ‑ ታዬ አስፋው፣ ሐጢሾ (2008)

    * * *

    ደቡብ ኮሪያ የምግብ ስያሜ ተቆጣጣሪ ኃይል አቋቋመች

    የደቡብ ኮሪያ መንግሥት የኮሪያ ምግቦችን የሚሸጡ የምግብ ሬስቶራንቶችን የምግብ ዝርዝር (ሜኑ) የሚቆጣጠር ኃይል ማቋቋሙ ተሰምቷል፡፡ የኮሪያ ምግቦች ስያሜ ወደ እንግሊዝኛ ሲተረጐሙ ግራ የሚያጋቡ ወይም የሚያሳፍሩ መሆናቸው ያሳሰበው የአገሪቷ መንግሥት፣ የምግብ ዝርዝር ላይ የሚሰፍሩ ምግቦች ወጥ እንዲሆኑ ለማድረግ ቆርጦ ተነስቷል፡፡ ኮሪያ ታይምስ እንደዘገበው፣ ሁለት ሚኒስትር መሥሪያ ቤቶች ከቋንቋና ምግብ ምሁራን ጋር ሆነው የአገሪቱ ምግቦች የእንግሊዝኛ ስያሜ ሲሰጣቸው ምን መምሰል እንዳለበት ይወስናሉ፡፡ በሬስቶራንቶች የሚሰጠው የምግቦች የእንግሊዝኛ ስያሜ ብዙ ጊዜ ትክክለኛ አለመሆኑ ተመልክቷል፡፡ አንድ የአገሪቱ ዩኒቨርሲቲ በሠራው ጥናት መሠረት ሶል የሚገኙ 185 ሬስቶራንቶች ለምግቦቻቸው የሚሰጡት የእንግሊዝኛ ስያሜ የተሳሳተና ተጠቃሚዎችን ግራ የሚያጋባ ነው፡፡ አዲስ የተቋቋመው የምግብ ዝርዝር ተቆጣጣሪ ኃይል የአገሪቱን ምግቦች የቻይንኛና የእንግሊዝኛ መጠሪያቸውን በዌብሳይት የሚለቅ ሲሆን፣ ሬስቶራንቶችም ይህን እንዲከተሉ የሚገደዱ ይሆናል፡፡   

    * * *

    የዓለም ደስተኛዋ አገር

    የዓለም አገሮችን በደስተኝነት መሥፈርት የደረደረው ሀፒ ፕላኔት ኢንዴክስ ሪፖርት ዝቅተኛ የአየር ብክለት ያለባት፣ ትምህርትና ጤና ሽፋን ላይ ኢንቨስት ማድረግን የመሰሉ እሴቶችን ታሳቢ በማድረግ የማዕከላዊ አሜሪካዊቷን አገር ኮስታሪካን የዓለም አንደኛዋ ደስተኛ አገር አድርጐ አስቀምጧል፡፡ የሀፒ ፕላኔት ኢንዴክስ ሪፖርትን የሚያዘጋጀው ኢቢ ኢኮኖሚክስ ፋውንዴሽን ሙሉ በሙሉ ኢኮኖሚያዊ ከሆኑ መለኪያዎች ይልቅ አገሮች ከተፈጥሯዊና አካባቢያዊ ግብአቶች ምን ያህል ደስታን ያገኛሉ የሚለው ላይ በማተኮር አገሮችን መመዘን መርጧል፡፡ ስለዚህም አገሮች የተመዘኑት በሰዎች ደኅንነት፣ በሰዎች በሕይወት የመቆየት ዕድሜ፣ ማኅበራዊ ፍትሐዊነትና በሥነ ምህዳራዊ ሁኔታ ሆኗል፡፡ በዝርዝሩ ብዙ የላቲን አሜሪካ አገሮች ከፍተኛ ቦታ ሲያገኙ ምዕራባውያኑ ወደ ኋላ ሆነዋል፡፡ ለምሳሌ እንግሊዝ 34ኛ ስትሆን አሜሪካ ደግሞ 108ኛ ሆነዋል፡፡ በዓለም ደስተኛ አገር አንደኛ የሆነችው ኮስታሪካ 99 በመቶ የሚሆነው የኤሌክትሪክ ኃይል ከታዳሽ ኃይል የሚገኝ ነው፡፡ ሁለተኛዋ አገር ሜክሲኮ ሦስተኛዋ ደግሞ ኮሎምቢያ ናቸው፡፡ ቻድ የመጨረሻዋ 140ኛ ደስተኛ ያልሆነች አገር ስትሆን ቶጎ፣ ቤኒን፣ ኮትዲቯርና ሴራሊዮን የመሰሉ የአፍሪካ አገሮችም እዚሁ ምድብ ውስጥ የሚገኙ ናቸው፡፡

    * * *

    ለዕፅ ስትል ልጇን ባስደፈረችው እናት የእስራት ፍርድ ተጣለባት

    ለሄሮዊን ስትል የ11 ዓመት ሴት ልጇ በዕፅ አዛዋዋሪ እንድትደፈር በፈቀደችው እናት የ51 ዓመት እስራት ተፈረደባት፡፡ የ32 ዓመቷ በኦሂዎ ግዛት የምትኖረው ኮርኮሬን የተባለችው ይህቺ እናት የእስራት ቅጣቱ የተፈረደባት የጥፋተኝነት የእምነት ቃሏን ከሰጠች በኋላ ነው፡፡ ልጇን እንድትደፈር ፈቃድ ከመስጠቷ ባሻገርም ዕፅ እንድትጠቀም ማስገደዷንና በዚህም ታማ እንደነበር አምናለች፡፡ ‹‹ራስ ወዳድ ሆኜ በልጄ ላይ አሰቃቂና ሕይወቷን የሚያበላሽ ድርጊት እንዲፈጸምባት አድርጌያለሁ፤›› ስትል ኬዙን ሲመረምር ለቆየው ለሀሚልተን ካውንቲ ፕሊስ ፍርድ ቤት በጥፋቷ መጸጸቷን ተናግራለች፡፡ ጥቃቱን የፈጸመው የ42 ዓመቱ ሻንደል ዊሊያም ከዚህ ቀደም በዕፅ ዝውውርና በሕፃናት የወሲብ ወንጀል ፊልም ክስ ተመሥርቶበት እንደነበር ማህደሩ ሲመረመር ለማወቅ ተችሏል፡፡ አሁን የተከሰሰበትን ወንጀል ከሁለት ዓመታት በፊት እንደፈጸመና በነሐሴ ወር መቀጠሩን ዋሺንግተን ፖስት አስነብቧል፡፡  

    * * *

    አዳማ ኬላን የሙጥኝ ያሉት ኮንቴነሮች

    ከአዲስ አበባ ወደ ምሥራቅ ኢትዮጵያ ከተሞችም ሆነ ወደ ጅቡቲ ወደብ ለመድረስ መተላለፊያ የሆነው አዳማ (ናዝሬት) ከተማ፣ በከፍተኛ ትራፊክ መጨናነቁ የዘወትር እይታ ነው፡፡ ከፍተኛ ጭነትና ኮንቴነር የተሸከሙ ከባድ ተሽከርካሪዎች የሚመላለሱበት የኬላው አውራ ጎዳና ተደጋጋሚ ብልሽት አጋጥሞታል፡፡ ተሽከርካሪዎቹ ፍፁም በጣም ከተበላሸው ወደ ተበላሸው የመንገድ ምርጫ በሚያደርጉት ግብግብ (ትግል) የመገልበጥ አደጋ ሲያጋጥማቸው ይስተዋላል፡፡ ይህ በሳምንት ከአምስት የበለጡ ከባድ ተሽከርካሪዎች ላይ ለሚፈጠረው አደጋ ሰበብ የሆነው የመንገድ ብልሽት በአስቸኳይ ማስጠገን ችላ ሊባል አይገባውም፡፡ ለአብነት ያህል ሐምሌ 9 እና ሐምሌ 11 ቀን 2008 ዓ.ም. በሁለቱ ቀናት የወደቁትን የጭነት ኮንቴነሮችና የመንገዱን ገጽታ ከፎቶግራፎቹ ማየት ይቻላል፡፡

    • አቡቴ ደቦጭ ከአዳማ (ናዝሬት)    
    - Advertisement -

    ይመዝገቡ

    spot_img
    spot_img