Friday, December 1, 2023
- Advertisement -
- Advertisement -
ስፖርትኢሠማኮ በስፖርቱ ወንጂ ላይ ከትሟል

ኢሠማኮ በስፖርቱ ወንጂ ላይ ከትሟል

ቀን:

በዓመት ውስጥ ከሚደረጉ የስፖርት ውድድሮች በተለይ የክረምት ወቅትን ጠብቆ በሠራተኛው የሚደረገው አገር አቀፍ ውድድር ዋነኛው ነው፡፡ በተለይ ሠራተኛውን ለማገናኘትና ለማቀራረብ በሚደረጉ ውድድሮች አሁን ላይ ብዙም ትኩረት ያላገኙ ግን ታሪካዊ ዳራ የነበራቸው ጨዋታዎችን በዚህ የሠራተኞች ውድድር ላይ መመልከት የተለመደ ነው፡፡ በየዓመቱ በኢትዮጵያ ሠራተኞች ማኅበራት ኮንፌዴሬሽን (ኢሠማኮ) አዘጋጅነት በወንጂ ከተማ ስፖርታዊ ውድድሮች ይደረጋሉ፡፡ ሐምሌ 10 ቀን 2008 ዓ.ም. ጀምሮ ለ15 ቀናት በወንጂ ከተማ ለሚደረገው ስፖርታዊ ውድድር የተለያዩ ተከፋይ ድርጅቶች በተገኙበት በይፋ ተጀምሯል፡፡ በዚህ ዓመታዊ የአገር አቀፍ ስፖርት ውድድር ከባህላዊ ስፖርት ገበጣን ጨምሮ ፣ ዳርት፣ ዳማና ቼዝን፣ እንዲሁም እግር ኳስ፣ መረብ፣ ሩጫና ከረንቡላን አካቶ ለ15 ቀናት ይከናወናል፡፡ ዕድሜ ጠገቡ የሠራተኞች ዓመታዊ የስፖርት ዝግጅት የኢትዮጵያ አንበሳ አውቶበስ ድርጅትን፣ የኢትዮጵያ ፖስታ አገልግሎትና የአዲስ አበባ ውኃና ፍሳሽ ባለሥልጣን የመሳሰሉ አንጋፋ ድርጅቶች ከሚሳተፉት ግንባር ቀደሞቹ ናቸው፡፡ በውድድሩም በአጠቃላይ 1069 ወንዶችና 254 ሴቶች በድምሩ 1,323 ስፖርተኞች ተካፋይ ሆነዋል፡፡ አገር አቀፍ የሠራተኞች የቤተሰብ ስፖርት ውድድርን አስመልክቶ የኢሠማኮ የማኅበራዊ ጉዳዮች ኃላፊና የስፖርት ኮሚቴ ሰብሳቢ አቶ ፍሥሐጽዮን ቢያድግልኝ እንደተናገሩት ከሆነ፣ ‹‹ዓመታዊው የሠራተኞች አገር አቀፍ ውድድር ማካሄድ በማኅበራት ውስጥ ያለውን ቤተሰባዊ ግንኙነት ለማጠናከርና ሠራተኞቹ በሥራቸው ላይ የሚያሳዩትን ውጤታማነት የሚያጎለብት ነው፡፡›› ቀደም ብሎ በበጋ ወቅት በተደረገ ማጣሪያ ጨዋታ መሠረት በስኬት ያለፉ ማኅበራት ለአገር አቀፍ ውድድሮች የሚደርሱ ሲሆን፣ በተለይ በዚህ ውድድር ላይ የሚሳተፉ ማኅበራት ፉክክር ከፍተኛ እንደሆነ አቶ ፍሥሐ አክለዋል፡፡ የአዲስ አበባ ውኃና ፍሳሽ ባለሥልጣን በዓመታዊ ውድድር ላይ በመረብ ኳስና በእግር ኳስ የመጀመርያ ተፎካካሪ ነው፡፡ በዘንድሮ ውድድር ከፍተኛ ዝግጅት አድርጎ መምጣቱን ጭምር የእግር ኳሱ ዋና አሠልጣኝ ሔኖክ አድማሱ ለሪፖርተር ተናግረዋል፡፡ በመክፈቻ ዕለት በተደረገው የእግር ኳስ ጨዋታ ማይጨው ችፑድ ፋብሪካ መሰቦ ሲሚንቶ ፋብሪካን 2 ለ0 አሸንፏል፡፡ ቀደም ብሎ በውድድሩ ላይ ሲሳተፉ የነበሩ ተጨዋቾች ‹‹ሠራተኛ አይደሉም የሚል ቅሬታ፤›› ሲያስነሳ የነበረ ጉዳይ ቢሆንም በዘንድሮ ውድድር ሁለት ተጨዋቾች ብቻ ከሠራተኛ ውጪ እንዲሳተፉ መደረጉን ተሳታፊ ማኅበራት ገልጸው፣ ለዚህም እንደምክንያትነት የሚነሳው ደግሞ በየጊዜው ከሥራ የሚለቁ ሠራተኞችን ለመተካት በማሰብ እንደሆነም ተብራርቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመቃወም ነፃነት ውዝግብ በኢትዮጵያ

ስሟ እንዳይገለጽ የጠየቀችው በአዲስ አበባ ከተማ በተለምዶ የሾላ አካባቢ...

የሲሚንቶን እጥረትና ችግር ታሪክ ለማድረግ የተጀመረው አጓጊ ጥረት

በኢትዮጵያ በገበያ ውስጥ ለዓመታት ከፍተኛ ተግዳሮት በመሆን ከሚጠቀሱ ምርቶች...

የብሔር ፖለቲካው ጡዘት የእርስ በርስ ግጭት እንዳያባብስ ጥንቃቄ ይደረግ

በያሲን ባህሩ በሪፖርተር የኅዳር 9 ቀን 2016 ዓ.ም. ዕትም “እኔ...