Wednesday, December 7, 2022
ሌሎች ዓምዶች
    - Advertisement -
    - Advertisement -
    ዜናየፓርላማ አባላት አዲሱ የፓርላማ ሕንፃ ግንባታ ለምን እንደዘገየ ጥያቄ አቀረቡ

    የፓርላማ አባላት አዲሱ የፓርላማ ሕንፃ ግንባታ ለምን እንደዘገየ ጥያቄ አቀረቡ

    ቀን:

    – የፓርላማ አባላትን ደኅንነት ፌዴራል ፖሊስ እንዲጠብቅ በጥብቅ ታዘዘ

    የሕዝብ ተወካዮች ምክር ቤት አባላት ይገነባል የተባለው አዲሱ የሕዝብ ተወካዮች ምክር ቤት ሕንፃ ለምን እንደዘገየና በምን ደረጃ ላይ እንደሚገኝ ጥያቄ አቀረቡ፡፡ የምክር ቤቱን የሥራ አፈጻጸም ሪፖርት ባለፈው ሳምንት አፈ ጉባዔ አቶ አባዱላ ገመዳ ባቀረቡበት ወቅት፣ ስለአዲሱ ሕንፃ ግንባታ ያሉት ነገር ስላልነበረ ነው በርከት ያሉ ጥያቄዎች ከምክር ቤቱ አባላት የቀረቡላቸው፡፡ ‹‹አሁን ያለው የፓርላማው መቀመጫ የሚመች አይደለም፡፡ ለመውጣት ለመግባት አይመችም፤›› ሲሉ አንድ አባል ተናግረዋል፡፡ በቢሮ ደረጃ በቂ ቢሮዎችን፣ በተለይም ንዑሳን ኮሚቴዎች መሰብሰቢያ አዳራሽ ማግኘት አለመቻላቸውን በመግለጽ፣ ችግሩን ይፈታል የተባለው የአዲስ ሕንፃ ግንባታ በምን ደረጃ ላይ እንደደረሰ አፈ ጉባዔው ማብራሪያ እንዲሰጡም ጥያቄ አቅርበውላቸዋል፡፡ አፈ ጉባዔው በሥራ ላይ የሚገኘው ሕንፃ በአሁኑ ወቅት 83ኛ ዓመቱ ላይ እንደሚገኝ፣ እንዲሁም ይህ ሕንፃ በአፍሪካ የመጀመርያው ፓርላማ መሆኑን በመጥቀስ ወደፊት በሙዚየምነት እንዲያገለግል እንደሚደረግ ገልጸዋል፡፡ አዲስ የሚገነባው ሕንፃ የሩጫ መሆን እንደማይገባው የተናገሩት አቶ አባዱላ፣ ሕንፃው ቢያንስ ለ200 ዓመት ማገልገል እንዳለበት ጠቁመዋል፡፡ በጀቱም ግዙፍ በመሆኑ መንግሥትም በዚያ ደረጃ ማሰብና መዘጋጀት እንዳለበት ገልጸው፣ ዲዛይኑን ያሸነፉ አንድ የውጭና አንድ የአገር ውስጥ ኩባንያዎች በጥምረት መሆኑንና ኩባንያዎቹ የሌሎች አገሮችን አራት ፓርላማዎች ለመመልከት ወደ አውሮፓ ተጉዘው እንደነበር አስረድተዋል፡፡ ከተመለከቷቸው የአውሮፓ ፓርላማዎች ግብዓቶችን አካተው ዲዛይናቸውን ማቅረባቸውንና የፓርላማውም አመራሮች አስተያየት እንደሰጡበት ጠቁመዋል፡፡ ‹‹በተጨማሪም ሕንፃውን ለመሥራት ድጋፍ እናደርጋለን ያሉ ስላሉ ለእነሱ ጊዜ መስጠት ያስፈልጋል፡፡ ምክንያቱም አማራጭ ዲዛይን ብናመጣላችሁ ብለው ጠይቀዋል፤›› ሲሉ ምላሽ ሰጥተዋል፡፡ አቶ አባዱላ የአዲሱ ፓርላማ ሕንፃ ግንባታ እስከ መጪው ጥቅምት ወር ድረስ ይጀመራል ብለው እንደሚያምኑ ገልጸዋል፡፡ ይሁን እንጂ ሕንፃው ለስድስተኛው የፓርላማ ዘመን እንጂ አሁን የተገለጹትን ችግሮች ለመፍታት እንደማይደርስ አመልክተዋል፡፡ ነገር ግን በአቅራቢያ የሚገኙ ሕንፃዎችን በመከራየት የቢሮ ችግሮችን ለመፍታት መታሰቡን ጠቁመዋል፡፡ አዲሱ የፓርላማ ሕንፃ የሚገነባው አራት ኪሎ ባሻ ወልዴ ችሎት አካባቢ ነው፡፡ በሌላ በኩል በገርጂ አካባቢ የፓርላማ የጋራ መኖሪያ የሚኖሩ የፓርላማ አባላት በሌቦች መደብደባቸውንና መዘረፋቸውን አስመልክቶ፣ ፓርላማው ለሚመለከተው አካል ጥበቃ እንዲያደርግላቸው መመርያ እንዲሰጥ አባላቱ አሳስበዋል፡፡ ጉዳዩን በተመለከተ ምላሽ የሰጡት አቶ አባዱላ የደረሰውን ጉዳት በተገነዘቡበት ወቅት፣ ከመንግሥት ተጠሪ ሚኒስትሩ አቶ አስመላሽ ወልደ ሥላሴ ጋር በመሆን የፌዴራል ፖሊስ ኮሚሽነሩን አቶ አሰፋ ባዩን በጉዳዩ ላይ ማነጋገራቸውን፣ የፓርላማ አባላት በሚኖሩባቸው አካባቢዎች ፌዴራል ፖሊስ ጥብቅ ጥበቃ እንዲያደርግ ማሳሰቢያ መሰጠቱን ተናግረዋል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    ‹‹መንግሥት የሕዝብን ደኅንነት ባለመጠበቁ  መንግሥት ነኝ የማለት ልዕልና የለውም›› የፖለቲካ ፓርቲዎች

    የወለጋ ዞኖች በኮማንድ ፖስት ሥር እንዲተዳደሩ ተጠየቀ በኦሮሚያ ክልል ወለጋ...

    ጎህ ቤቶች ባንክ ወደ ቤት ልማት ለመግባት ብሔራዊ ባንክን ፈቃድ ጠየቀ

    በስምንት ወራት ውስጥ 7.9 ሚሊዮን ብር ማትረፉን አስታውቋል ኢትዮጵያ ውስጥ...

    የመንግሥት ተቀዳሚ ኃላፊነት ንፁኃንን ከአጥቂዎች መከላከል ነው!

    በኦሮሚያ ክልል ውስጥ ንፁኃን ያለ ኃጢያታቸው የሚጨፈጨፉበት ምክንያት ብዙዎችን...

    የአካል ጉዳተኞች የሥራ ሥምሪት አካታችነት ሁለት በመቶ ብቻ መሆኑ ተገለጸ

    በኢትዮጵያ አካል ጉዳተኞች በሥራ ሥምሪት መካተት እንዳለባቸው የሚገልጽ አዋጅ...