Saturday, February 4, 2023
- Advertisement -
- Advertisement -
ስፖርትበውዝግብ የሰነበተው የፌዴሬሽኑ ምርጫ ቅዳሜ ይደረጋል

በውዝግብ የሰነበተው የፌዴሬሽኑ ምርጫ ቅዳሜ ይደረጋል

ቀን:

በኢትዮጵያ እግር ኳስ ፌዴሬሽን በየአራት ዓመቱ አንድ ጊዜ የሚደረገውን ፕሬዚዳንታዊና የሥራ አስፈጻሚ ኮሚቴ ምርጫ ተከትሎ የሚደመጠው ውዝግብና እሰጣ ገባ የተቋሙ ልዩ መለያ ከሆነ ዓመታት ተቆጥረዋል፡፡ ላለፉት አራት ዓመታት የፌዴሬሽኑን የአመራርነት ኃላፊነት ተቀብሎ ሲያስተዳድር የቆየው የአቶ ጁነዲን ባሻ ካቢኔ የአገልግሎት ጊዜው ቢጠናቀቅም፣ እስካሁም በሥልጣን ላይ ይገኛል፡፡ ቅዳሜ ጥር 5 ቀን 2010 ዓ.ም. በአንድ የውድድር ዓመት ለሦስተኛ ጊዜ በሚካሄደው ጠቅላላ ጉባዔ አዲስ ለሚመጠረው አመራር ኃላፊነቱን እንደሚያስረክብ ይጠበቃል፡፡

በዓለም አቀፉ እግር ኳስ ማኅበር (ፊፋ) የምርጫ ኮድ ምክንያት በውዝግብ የሰነበተው የፌዴሬሽኑ ምርጫ፣ ከዕጩዎች አቀራረብ ጋር ተያይዞ አሁንም ምርጫው በተያዘለት ቀንና ሰዓት ‹‹ይደረጋል፤ አይደረግም›› በሚል እያነጋገረ ይገኛል፡፡ ምክንያቱ ደግሞ ፊፋ እንዲፈጸምለት የሚፈልገው የምርጫ ሒደትና ሕግ፣ አሁን ፌዴሬሽኑ እየሄደበት ካለው አካሄድ ጋር የሚጣረስ መሆኑን ይጠቅሳሉ፡፡ ፊፋ በምርጫ ኮዱ ምክንያት እንዲተላለፍ የተደረገ ምርጫ ቢያንስ የስድስት ወር ጊዜ እንደሚጠይቅ ጭምር የዓለም አቀፉን የምርጫ ደንብና መመርያ በመጥቀስ የሚናገሩ አሉ፡፡

የኢትዮጵያ እግር ኳስ ፌዴሬሽን ፕሬዚዳንት አቶ ጁነዲን ባሻ በበኩላቸው ምርጫውን ተከትሎ ‹‹እየተናፈሰ›› ስላለው ጉዳይ ምንም የሚያውቁት ነገር እንደሌለ ተናግረው፣ ፌዴሬሽኑ ምርጫውን ለማድረግ የሚያስፈልጉ ቅድመ ዝግጅቶችን ቢያጠናቅቅም፣ ይህንን አስተያየት እስከሰጡበት ድረስ ፊፋ ምርጫውን የሚታዘቡ አካላትን በተመለከተ ግን እንዳላሳወቃቸው ነው የገለጹት፡፡

እንደ አቶ ጁነዲን ከሆነ፣ ጥር 5 ቀን በአፋር ሰመራ ከተማ ለሚደረገው ምርጫ፣ ፌዴሬሽኑ ለሁሉም ክልሎችና ከተማ አስተዳደሮች እንዲሁም ክለቦችና ሌሎች ባለድርሻ አካላት የጥሪ ደብዳቤ አስተላልፏል፡፡ እስከሚያውቁት ድረስም የጉባዔው አባላት በአጠቃላይ ጉዞ ለመጀመር በዝግጅት ላይ ናቸው፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ጠቅላይ ሚኒስትር አብይ አህመድ (ዶ/ር) ከህወሓት የሰላም ስምምነት ኮሚቴ አባላት ጋር ለመጀመሪያ ጊዜ ተገናኙ

የፌዴራል መንግሥትና የህወሓት የሰላም ስምምነት ኮሚቴ አባላት ከጠቅላይ ሚኒስትር...

ማስተካከያ

በሪፖርተር ጋዜጣ ረቡዕ ጥር 24 ቀን 2015 ዓ.ም. ዕትም...

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን...

የ12ኛ ክፍል የብሔራዊ ፈተና ውጤትና እንደምታው

የተባበሩት መንግሥታት ድርጅት የትምህርት፣ የሳይንስና የባህል ድርጅት (UNESCO) የትምህርትን...