Tuesday, July 23, 2024
- Advertisement -
- Advertisement -
የሳምንቱ ገጠመኝየሳምንቱ ገጠመኝ

የሳምንቱ ገጠመኝ

ቀን:

የዛሬ 130 ዓመት ግድም እንዲህ ሆነ፡፡ አፄ ምኒልክ የሸዋ ንጉሥ በነበሩበት ወቅት ከጎጃሙ ገዥ ንጉሥ ተክለ ሃይማኖት ጋር እንባቦ በተባለ ቦታ ላይ ትልቅ ጦርነት ገጠሙ። የንጉሥ ተክለ ሃይማኖት ጦር በርትቶ እየተዋጋ ወደ ፊት ሲገሰግስ አፄ ምኒልክ ግን ጦራቸውን እንዳይተኩስ ትዕዛዝ ይሰጣሉ።

ለሰናድር ያዥ ተኳሾችም ‹‹ከመሬት ተኛ›› ብለው አዘዙ። ከዚያም እሳቸው ጠጣው ከተባለው ፈረሳቸው ላይ እንደወጡ ፈረሱ አንገቱ ላይ ተመትቶ ወደቀ። ንጉሥ ምኒልክ በሌላ ፈረስ ላይ ቢወጡም ይኼኛውም ፈረስ በጥይት ተመትቶ ቆሰለ። በዚህ ጊዜ የተያዘላቸውን ዣንጥላ ዒላማ አድርጎ የተክለ ሃይማኖት ጦር አልሞ ተኳሽ ጦረኛ እንዳይመታቸው በመሥጋት ጥላ ያዥው ቢያጥፍ ‹‹የኔ ጥላ አይታጠፍም ዘርጋ!›› ብለው ተቆጡ።

ጸሐፌ ትዕዛዝ ገብረ ሥላሴ እንደሚሉትም፣ የንጉሥ ተክለ ሃይማኖት ጦር እየፎከረ እየተኮሰ ሲቀርብ ንጉሥ ምኒልክ ‹‹በል እንግዲህ ተኩስ›› ብለው ጦራቸውን ትዕዛዝ ሰጡ። ጦሩም እንደ ኤሊ አንገቱን ብቻ ብቅ እያደረገ የጥይቱ እሩምታ ሲዘራ ብዙ የጎጃም አርበኛ ወደቀ። ከሁለት ሰዓታት በላይ በፈጀ ውጊያ ንጉሥ ተክለ ሃይማኖት ብዙ ቦታ በጥይት ተመትተው ተማረኩ።

ንጉሥ ምኒልክም ምርኮኛቸውን ንጉሥ ተክለ ሃይማኖትን አቅፈው ስመው ተቀበሏቸው፡፡ ሰውነታቸው ውስጥ ዘልቆ የገባውንም ጥይት ራሳቸው በርኅራሔ አወጡላቸው። የውጭ ሐኪምም አስመጥተው ሕክምና እንዲያገኙ አደረጓቸው።

ከጦር መልስ በእንጦጦ ቤተ መንግሥታቸውም ንጉሥ ተክለ ሃይማኖትንና እሳቸውን ተከትሎ ለመጣው ጭፍራ ሁሉ ድግስ እየደገሱ ማር ቅቤ ወተቱን እያቀረቡ፣ ጨራሹኑ እስኪሽሩ ድረስ አስታምመው የንጉሥ ወጉ ሳይቀርባቸው አሰነበቷቸው።

ምርኮኛው ንጉሥ አሁን የምኒልክ ወዳጅ ሆነዋል። ታዲያ አንድ ቀን እየተበላ እየተጠጣ በሳቅ በጨዋታ መሀል ምኒልክ ጠየቁ። ‹‹እንዲያው ያኔ በጦርነቱ ተሸንፌ የማረከኝ አንተ ብትሆን ኖሮ ምን ታደርገኝ ነበር?›› አሏቸው። ንጉሥ ተክለ ሃይማኖትም፣ ‹‹እኔ ብማርክዎ ኖሮማ እቆራርጥዎ ነበር፤›› ብለዋቸው ሁሉም በሳቅ ጨዋታውን አደመቁት።

በሕመም በቁስል በስቃይ የተያዘ ሰው በእግዚአብሔር እጅ የተያዘ ነው። በእግዚአብሔር እጅ የተያዘን ሰው ፈውስ መከልከል የእግዚአብሔርን እጅ በትዕቢት መፈልቀቅ ነው።

በእጅህ ያለ ምርኮኛ ይበልጥ ልታድነው እንጂ ልትቆራርጠው ኢመንፈሳዊ ሞራሉ ካለህ አሸናፊ ሳትሆን ተሸናፊ ሆነሀል ማለት ነው። እግዚአብሔር ምሕረት ይላክ!

(ያሬድ ሹመቴ፣ በፌስቡክ ገጹ እንዳሰፈረው)

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...