Saturday, September 24, 2022
ሌሎች ዓምዶች
    - Advertisement -
    - Advertisement -
    ማኅበራዊየንግድ ምዝገባና ፈቃድ አዋጅ ሊሻሻል ነው

    የንግድ ምዝገባና ፈቃድ አዋጅ ሊሻሻል ነው

    ቀን:

    • የፍራንቻይዝ ንግድ ሥርዓት ተካቷል
    • የብቸኛ አስመጪነትን ያስቀራል
    • የብቃት ማረጋገጫ አንድ ጊዜ ብቻ እንዲቀርብ ያደርጋል

    በሥራ ላይ የሚገኘውን የንግድ ምዝገባና ፈቃድ አዋጅ የሚያሻሽል ረቂቅ አዋጅ ለሕዝብ ተወካዮች ምክር ቤት ሰኔ 21 ቀን 2008 ዓ.ም. ቀረበ፡፡

    ረቂቅ ማሻሻያ አዋጁ ይዘት ለምክር ቤቱ ያቀረቡት የመንግሥት ረዳት ተጠሪው አቶ አማኑኤል አብርሃ ሲሆኑ፣ አዋጁ ያካተታቸውን ዋና ዋና ይዘቶች አብራርተዋል፡፡

    ከእነዚህም መካከል የንግድ ፈቃድ ዕድሳት በየዓመቱ በሚደረግበት ወቅት የሚጠየቀው የብቃት ማረጋገጫ እንዲቀርና የብቃት ማረጋገጫ እንዴ እስከቀረበ ድረስ በየዓመቱ ለንግድ ፈቃድ ዕድሳት ሲባል መጠየቅ እንደሌለበት የሚደነግግ አንቀጽ መካተቱን ገልጸዋል፡፡

    በአሁኑ አሠራር መሠረት የንግድ ፈቃድ ዕድሳት ከሐምሌ ወር እስከ ጥቅምት 30 ድረስ እንዲታደስ የሚለውን ከሐምሌ 1 ቀን እስከ ታኅሳስ 30 ቀን ባሉት ስድስት ወራት እንዲታደስ እንዲሁም እስከ ሰኔ 30 ድረስ በቅጣት እንዲታደስ በረቂቁ መካተቱን ጠቁመዋል፡፡

    በዚህ መሠረት ከፈቃድ ማሳደሻው በተጨማሪ ፈቃድ ማሳደሱ ለዘገየበት ለጥር ወር 2,500 ብር እና ለሌሎች ሳይታደስ ለቆየባቸው ወራቶች ለእያንዳንዱ 1,500 ብር ቅጣት ከፍሎ እስከ ሰኔ 30 ቀን ማሳደስ እንደሚቻል በረቂቁ ተካቷል፡፡

    ሌላኛው በረቂቁ የተደረገ ማሻሻያ የሚመለከተው ብቸኛ አስመጪ የንግድ አሠራርን የሚያስቀረው ማሻሻያ አንቀጽ ነው፡፡ አቶ አማኑኤል እንደሚሉት፣ ይህ አሠራር የንግድ ውድድርን የሚጎዳ ከመሆኑም ባሻገር ሸማቹን የኅብረተሰብ ክፍል አማራጭ ያሳጣ በመሆኑ አሠራሩን የሚያስቀር ማሻሻያ ተካቷል፡፡

    ይህ ቢሆንም ከሥራው ባህሪይና አገራዊ ጥቅም አንፃር ብቸኛ አስመጪ ወይም አከፋፋይ ሆኖ መሥራት የሚቻልባቸው የንግድ ሥራ መስኮች በሚኒስትሮች ምክር ቤት እንደሚወሰን በረቂቁ ተካቷል፡፡

    ሌላኛው የረቂቁ አዲስ ማሻሻያ አንቀጽ የፍራንቻይዝ የንግድ አሠራርን የሚፈቅደው ነው፡፡ ‹‹የፍራንቻይዝ ስምምነት ማለት ዕውቅና ባገኘው ምርት ወይም አገልግሎት ንግድ ተጠቅሞ ዕውቅና ባገኘው ምርትና አገልግሎት ባለቤት መሪነት የሥራውን ባህሪ ልምድ ለመካፈል በፍራንቻይዘርና በፍራንቻይዚ መካከል ለጥቅም ተብሎ የሚደረግ ስምምነት ነው፤›› በማለት ረቂቁ ትርጉም ይሰጠዋል፡፡

    በዚህም መሠረት ፍራንቻይዘው በፍራንቻይዘሩ ደረጃ መሠረት መሥራት እንደሚኖርበት በረቂቁ ተካቷል፡፡ ረቂቁ ለዝርዝር ዕይታ ለንግድ ጉዳዮች ቋሚ ኮሚቴ በዋናነት በተባባሪነት ደግሞ ለሕግ ፍትሕና አስተዳደር ጉዳዮች ቋሚ ኮሚቴ ተመርቷል፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    ወ/ሮ መሰንበት ሸንቁጤ የአዲስ አበባን ንግድና ዘርፍ ምክር ቤትን በፕሬዚደንትነት ለመምራት በተደረገው ምርጫ አሸነፉ

    የአዲስ አበባ ንግድና ዘርፍ ማኅበራት ምክር ቤትን በፕሬዚደንትነት ለመምራት፣...

    ለቻይናው ፖሊጂሲኤል ኩባንያ የተሰጠው ውል ተቋረጠ

    የማዕድንና ሚኒስቴር በሶማሌ ክልል የተገኘውን የተፈጥሮ ጋዝ አልምቶ ኤክስፖርት...

    የሕግ ክልከላዎችና የሚያስነሱት ቅሬታ

    በኢትዮጵያ የአገርና የዜጎችን ደኅንነት ለመጠበቅ ተብለው የሚወጡ አንዳንድ ሕጎች፣...