Tuesday, February 27, 2024
- Advertisement -
- Advertisement -
ስፖርትየአበበ ቢቂላ 32ኛው ማራቶን በሐዋሳ

የአበበ ቢቂላ 32ኛው ማራቶን በሐዋሳ

ቀን:

አበበ ቢቂላን የሚዘክሩ ልዩ ልዩ መታሰቢያዎችና ለስሙ መጠሪያ የተደረጉ ማዘውተሪያዎች መኖራቸው ይታወቃል፡፡ ይሁንና አትሌቱ በዓለም እንደገነነበት ታሪኩ እንደገዘፈበት ስብዕናው ዓለም አቀፋዊ ውድድሮች ሲደረጉ አልታዩም፡፡ በዓለም የአትሌቲክስ ፌዴሬሽኖች ተቀባይነት ያለውና በስሙ የተመዘገበ ውድድር እስካሁን  ባይኖረውም፣ በኢትዮጵያ አትሌቲክስ ፌዴሬሽን አማካይነት በአዲስ አበባና በክልል ከተሞች ሲካሄድ የቆየ የማራቶን ውድድር እሑድ ሰኔ 19 ቀን 2008 ዓ.ም. በሐዋሳ ከተማ ተሰናድቷል፡፡

ዘንድሮ ለ32ኛ ጊዜ የሚካሄደውን የሻምበል አበበ ቢቂላ ማራቶን ያሰናዳችው የሐዋሳ ከተማ ከ18 ክለቦች፣ ከአራት ክልሎችና ከሁለት የከተማ አስተዳድሮች የተውጣጡ 362 ወንዶችና 99 ሴቶች እንደሚፎካሩበት ሰኔ 16 ቀን 2008 ዓ.ም. ብሔራዊ ፌዴሬሽኑ በሰጠው ጋዜጣዊ መግለጫ ማስታወቁ ይታወሳል፡፡ በውድድሩ ቁጥራቸው 21 የሚደርሱ ስፔናውያን ከተሳትፎ በተጨማሪ በአገሪቱ በአራቱ ክልሎች ማለትም በትግራይ ማይጨው፣ በአማራ ደብረ ብርሃን፣ በኦሮሚያ በቆጂና በደቡብ ሀገረ ሰላም ለሚገኙ የወጣቶች አካዴሚዎች ሙሉ ትጥቅና የተለያዩ አልባሳት እንደሚያበረክቱም ተነግሯል፡፡

እንደ ፌዴሬሽኑ ከሆነ፣ 32ኛው የሻምበል አበበ ቢቂላ ማራቶን እስከዛሬ ከተካሄደው ለየት ባለ መልኩ ማካሄድ ይቻል ዘንድ 42 ኪሎ ሜትር 195 ሜትር ከሚሸፍነው የማራቶን ውድድር በተጨማሪ ዕድሜያቸው ከ50 በላይ የሆኑ የቬት ራን ተሳታፊዎች የሚካፈሉበት 21 ኪሎ ሜትር እንዲሁም የሐዋሳና አካባቢዋ ነዋሪዎች የሚሳተፉበት አሥር ኪሎ ሜትር የሩጫ ውድድሮች እንዲካተቱ ተደርጓል፡፡

- Advertisement -

Video from Enat Bank Youtube Channel.

ከአራቱ ክልሎችና ሁለቱ የከተማ አስተዳደሮች ማለትም ትግራይ፣ አማራ፣ ኦሮሚያ፣ ደቡብ፣ የአዲስ አበባና የድሬዳዋ አስተዳደር የተውጣ በድምሩ 461 አትሌቶች ተሳታፊ ናቸው፡፡ በውድድሩ አሸናፊ ለሚሆኑ አትሌቶችና ክለቦች የገንዘብና የሜዳልያ ሽልማት ከመዘጋጀቱ በተጨማሪ ሩጫው በዓለም አቀፍ ደረጃ ዕውቅና ይኖረው ዘንድ ጥረት እንደሚደረግም ተነግሯል፡፡

ለአገሪቱ አትሌቲክስ በፈር ቀዳጅነቱ የሚታወቀው ሻምበል አበበ ቢቂላ ዘንድሮ ለ32ኛ ጊዜ በስሙ የተዘጋጀው ማራቶን ከአገር ውስጥ ውድድርነቱ ባሻገር ዓለም አቀፋዊ ዕውቅና እንደሌለው የሚናገሩ አሉ፡፡ ብሔራዊ ፌዴሬሽኑ ይህንኑ አስመልከቶ፣ የአስተያየቱን ተገቢነት አምኖ ከዚህ በኋላ የሚደረጉትን ውድድሮች ቢያንስ ዓለም አቀፍ ዕውቅና ኖሮት ደረጃውን የጠበቀ መሆን ይችል ዘንድ ከዓለም አቀፍ ተቋማት ጋር በመነጋገር ላይ መሆኑን ተናግሯል፡፡ በአሁኑ ወቅትም የውድድሩን ርቀትና ተወዳዳሪችም ርቀቱን በትክክለኛው መንገድ ማጠናነቀቅ አለማጠናቀቃቸውን የሚያረጋግጥ መሣሪያ በስፔኖቹ አማካይነት ቢገኝም፣ ነገር ግን በዘንድሮው ውድድር ላይ ተግባራዊ ለማድረግ እንደማይቻል ነው ያስረዳው፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...