Friday, April 19, 2024
- Advertisement -
- Advertisement -
ኪንና ባህል‹‹የኛ›› የሬዲዮ ድራማ በግልጽ የማይወሩ ጉዳዮችን ይዞ ይጀምራል

‹‹የኛ›› የሬዲዮ ድራማ በግልጽ የማይወሩ ጉዳዮችን ይዞ ይጀምራል

ቀን:

የ‹‹የኛ›› ሳምንታዊ የሬዲዮ ድራማና ቶክ ሾው ማኅበረሰቡ በግልጽ የማያወጋቸው ጉዳዮች ላይ አተኩሮ ሰኔ 12 ቀን 2008 ዓ.ም. በተለያዩ ሬዲዮ ጣቢያዎች ይጀምራል፡፡

የ‹‹የኛ›› ማኔጂንግ ዳይሬክተር ወ/ሮ ሰሎሜ ታደሰ እንዳሉት፣ ሰባተኛው የ‹‹የኛ›› ምዕራፍ በማኅበረሰቡ ዘንድ በግልጽ ወጥተው በማይወሩ ጉዳዮች ላይ ያተኩራል፡፡ ይኽም ወጣት ሴቶች በግልጽ ለማይናገሩት፣ ግን እነሱን ለሚፈትናቸው ችግሮች መፍትሔ ለማግኘትና ግልጽ ውይይት እንዲግባቡ ለማድረግ ያግዛል፡፡

ድራማው በሸገር ኤፍኤም 102.1፣ በባህር ዳር፣ በደሴና በደብረ ብርሃን ኤፍኤም ጣቢያዎች ከቀኑ በ7 ሰዓት፣ በአማራ ኤኤም በ11 ሰዓት ለአየር ይበቃል፡፡ በፋና ኤፍኤም 98.1 እና ጎንደር፣ ደሴና ደብረ ብርሃን በሚገኙት የፋና ክልል ጣቢያዎችም በ7 ሰዓት እንደሚተላለፍ ኢመርጂ ማንጎ ‹‹የኛ››ን አስመልክቶ በላከው ጋዜጣዊ መግለጫ አመልክቷል፡፡

- Advertisement -

Video from Enat Bank Youtube Channel.

የ‹‹የኛን›› የሬዲዮ ድራማና ቶክ ሾው አስመልክቶ በኤምኤንድሲሳቺ የተሠራ ጥናትም ፕሮግራሙ በሴቶች ዙሪያ ያሉ አመለካከቶች፣ እምነቶችና ምግባሮች በበጎ ጎኑ እንዲዳብሩ አስተዋጽኦ ማበርከቱን አመላክቷል፡፡

እንደ መግለጫው ከሆነ፣ በገለልተኛ ወገን በአዲስ አበባና በአማራ ክልል የተከናወነው ጥናት፣ የ‹‹የኛ›› አድማጮች ፕሮግራሙን ከማያውቁት ጋር ሲነፃፀሩ፣ ያለ ዕድሜ ጋብቻንና ጾታዊ ጥቃቶችን የመቃወም አቋማቸው የተሻለ ሆኖ ተገኝቷል፡፡

ፕሮግራሙን ከሚያውቁት 60 በመቶ ያህሉ አስተማሪ ነው ሲሉ፣ 50 በመቶው ደግሞ አዝናኝ ብለውታል፡፡

በ2005 ዓ.ም. የተጀመረው ‹‹የኛ›› ድራማና ቶክ ሾው ከተለያየ የማኅበረሰብ ክፍል ተውጣጥተው የሙዚቃ ቡድን ባቋቋሙ አምስት ወጣት ሴቶች ሕይወት ላይ ያጠነጠነ ነው፡፡ ድራማው የኢትዮጵያ ወጣት ሴቶች በገሃዱ ዓለም የሚያጋጥማቸውን ውጣ ውረድ አምስቱ ገፀ ባህሪያት በጠንካራ ጓደኝነታቸው ፈተናዎችን ተጋፍጠው ሲያልፉ ይተርካል፡፡

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...