Thursday, February 29, 2024
- Advertisement -
- Advertisement -
ዜናኢትዮጵያና ኡጋንዳ የህዳሴውን ግድብ ግብፅ መቀበል መጀመሯን አደነቁ

ኢትዮጵያና ኡጋንዳ የህዳሴውን ግድብ ግብፅ መቀበል መጀመሯን አደነቁ

ቀን:

የግብፅ የውጭ ጉዳይ ሚኒስትር ሳሜህ ሹክሪ የህዳሴውን ግድብ አስመልክቶ የሰጡት የድጋፍ አስተያየትን የኢትዮጵያና የኡጋንዳ መንግሥት ባለሥልጣናት አደነቁ፡፡

‹‹በግልጽ የሚታይ ተጨባጭ ግድብ እያየን ዕውቅና ላለመስጠት ከአንገታችን አናቀረቅርም፤›› በማለት የውጭ ጉዳይ ሚኒስትሩ ለግብፅ ቴሌቪዥን ባለፈው ሳምንት ገልጸው ነበር፡፡

በጉዳዩ ላይ ያነጋገርናቸው ከፍተኛ የመንግሥት ባለሥልጣን የውጭ ጉዳይ ሚኒስትሩ ስለ ህዳሴው ግድብ ያደረጉት ንግግር ትልቅ ለውጥ የታየበትና ሊደነቅ የሚገባ መሆኑን ገልጸዋል፡፡ ነገር ግን ይህ አቋም የግብፅ መንግሥት አቋም ሆኖ እስካልተገለጸ ድረስ ሙሉ ለሙሉ መቀበል እንደሚያስቸግር ገልጸዋል፡፡

- Advertisement -

Video from Enat Bank Youtube Channel.

የግብፅ የውጭ ጉዳይ ሚኒስትር ግብፅ ከኢትዮጵያ ጋር በግድቡ ዙሪያ እያደረገችው ያለው ንግግር በፍርኃት፣ በጥርጣሬና የግድቡን ተፅዕኖ በማጋነን አለመሆኑን ቢገልጹም እውነታው ግን ይህ እንዳልነበር ነገር ግን በዚሁ ደረጃ በአገሪቱ ከፍተኛ ባለሥልጣን መገለጹ ሊደነቅና በግብፅ መንግሥት ዘንድም በቋሚነት ሊንፀባረቅ የሚገባ እንደሆነ ስማቸውን መግለጽ ያልፈለጉ አንድ ከፍተኛ የኢትዮጵያ ባለሥልጣን ለሪፖርተር ገልጸዋል፡፡

የኡጋንዳው ፕሬዚዳንት ዩዌሪ ሙሴቪኒ ሰሞኑን በሰጡት አስተያየትም የግብፅ ጋዜጦች ኢትዮጵያ የጀመረችውን የህዳሴ ግድብ የሚደግፍና የሚያበረታታ ጽሑፍ ማውጣት መጀመራቸውን እንዳዩና ይኽም ትልቅ ለውጥ መሆኑን ገልጸዋል፡፡

ኢትዮጵያ የምትገነባው ግድብ ለኃይል ማመንጫ እንደሆነ ይህ ጥረቷም ለኢኮኖሚ ዕድገቷ አስተዋጽኦ ማድረጉን የገለጹት ፕሬዚዳንቱ፣ ይህንን ማንም አፍሪካዊ ማድረግ እንደሚፈልግ ገልጸዋል፡፡

ለዓባይ ተፋሰስ ትልቁ ሥጋት የአካባቢው አገሮች አለመልማት፣ የኃይል አቅርቦት እጥረትና ኢንዱስትሪ ዘርፍ አለመገንባት መሆናቸውን፣ ይኽም የአካባቢው ነዋሪዎች ደኖችን በመመንጠር የአካባቢ መራቆትን በማስከተል ትልቅ የዓባይ ተፋሰስ ሥጋት ሆኖ እንደነበር አስታውሰዋል፡፡

ስለዚህም የግብፅ መንግሥትም ሆነ ሌሎች ቡድኖች ትምክተኛና ምክንያታዊ ያልሆኑ መግለጫዎችን ከመስጠት ሊቆጠቡ ይገባል ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...