Tuesday, January 31, 2023
- Advertisement -
- Advertisement -
ማኅበራዊየሐዋሳ ዩኒቨርሲቲ ከአፍሪካ ኢኮኖሚክ ኮሚሽን ጋር ለመሥራት ስምምነት ፈረመ

የሐዋሳ ዩኒቨርሲቲ ከአፍሪካ ኢኮኖሚክ ኮሚሽን ጋር ለመሥራት ስምምነት ፈረመ

ቀን:

የሐዋሳ ዩኒቨርሲቲ በጥናትና ምርምር ዘርፍ በጋራ ለመሥራት የሚያስችለውን የመግባቢያ ስምምነት ከአፍሪካ ኢኮኖሚክ ኮሚሽን (ኢሲኤ) ጋር ተፈራረመ፡፡

ስምምነቱ ሐዋሳ ዩኒቨርሲቲ ከኮሚሽኑ ጋር የዚህ ዓይነት ስምምነት በማድረግ ከደቡብ አፍሪካው የጆሃንስበርግ ዩኒቨርሲቲ ቀጥሎ በአኅጉሪቱ ሁለተኛው እንደሚያደርገው ተገልጿል፡፡

ሁለቱ ተቋሞች የትብብር ማዕቀፍ መመሥረት የሚያስችላቸውን የመግባቢያ ሰነድ ሰኔ 8 ቀን 2008 ዓ.ም. በኢሲኤ የስብሰባ አዳራሽ የተፈራረሙ ሲሆን፣ የኢሲኤ ዋና ጸሐፊ የሆኑት ካርሎስ ሎፔዝና የዩኒቨርሲቲው ፕሬዚዳንት ፕሮፌሰር ዮሴፍ ማሞ ፊርማቸውን አኑረዋል፡፡

‹‹የአፍሪካን የልማት አጀንዳዎች ለማገዝ በሚደረገው ጥረት ከሐዋሳ ዩኒቨርሲቲ ጥልቅ ግንኙነት በመፍጠር በጋራ ለመሥራት ፍላጎታችን ነው፤›› ሲሉ ካርሎስ ሎፔዝ ከስምምነት ፊርማ ሥነ ሥርዓቱ በኋላ ገልጸዋል፡፡

‹‹በአፍሪካ ካሉ ዩኒቨርሲቲዎች ጋር ግንኙነታችን ለማስፋፋት ፍላጎቱ አለን፡፡ ይህንኑ ፍላጎታችን ዕውን ለማድረግ ከሐዋሳ ዩኒቨርሲቲ ጋር የጠነከረ ግንኙነት በመመሥረት ላይ ነን፤›› ሲሉም አክለዋል፡፡

ፕሮፌሰር ዮሴፍ በበኩላቸው ዩኒቨርሲቲያቸው በአኅጉሪቱ ትልቅ ክብርና ዝና ካለው ተቋም ጋር በጋራ መሥራት ለመቻል መብቃቱ እንዳስደሰታቸው በመግለጽ፣ ‹‹ይህን የትብብር ግንኙነት መፍጠር መቻላችን ትልቅ ስኬት እንደሚሆን ተስፋ አደርጋለሁ፤›› ብለዋል፡፡

በመግባቢያ ስምምነቱ መሠረት ዩኒቨርሲቲው በፖሊሲ ጥናት፣ በማኅበራዊ ሳይንስ፣ በዓለም አቀፍ ግንኙነቶች እንዲሁም በአካባቢያዊና ቀጣናዊ የልማት ዘርፎች ከኢሲኤ እገዛ እንደሚያገኙ ፕሬዚዳንቱ ለሪፖርተር ገልጸዋል፡፡

ዩኒቨርሲቲውም በበኩሉ በጥናትና ምርምር ዘርፍ የሚያደርገውን እንቅስቃሴ በማጠናከር በፓን አፍሪካኒዝምና ቀጣናዊ ጉዳዮች ሚናውን እንዲያስፋፋ ያደርገዋልም ብለዋል፡፡

በዚህም መሠረት በአኅጉራዊ ጉዳዮች ለሚደረጉ የጥናትና ምርምር ሥራዎች ዩኒቨርሲቲው አጋዥ የምርምር ውጤቶችንና የተለያዩ ዓይነት የሕትመት ውጤቶችን ከኮሚሽኑ እንደሚያገኝም ይጠበቃል፡፡ በተመሳሳይም የዩኒቨርሲቲውን ቤተ መጽሐፍት ለማሳደግና ለማዘመን ከኮሚሽኑ እገዛ እንደሚያገኝም ይጠበቃል ብለዋል ኃላፊዎቹ፡፡

ከኢሲኤ ጋር የመግባቢያ ስምምነቱን ከመፈረሙ ሁለት ሳምንት በፊት በአኅጉራዊ ጉዳይ ሚናውን ለማስፋፋት ከአፍሪካ ኅብረት ጋርም ግንኙነት መጀመሩን ፕሮፌሰሩ አስታውሰዋል፡፡

በቅርቡም የአፍሪካ ኅብረት ኮሚሽን ሊቀመንበር ዶ/ር ድላሚኒ ዙማ በሐዋሳ ዩኒቨርሲቲ ጉብኝት በማድረግ ከዩኒቨርሲቲው አመራሮች ጋር ውይይት ማድረጋቸውንም ገልጸዋል፡፡

ሊቀመንበሯም በትምህርታቸው የላቀ ውጤት ላስመዘገቡ አሥር ሴት ተማሪዎችና ሦስት ግንባር ቀደም ሴት መምህራን ጨምሮ ስኮላርሺፕ እንደሚሰጡ አሳውቀዋል፡፡ ጉብኝቱን ምክንያት በማድረግ ዩኒቨርሲቲው በቅርቡ ያስገነባውን ዘመናዊ የስብሰባ አዳራሽ በአፍሪካ ኅብረት ስም ሰይሞታል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የገጠር መሬት ማሻሻያና የመሬት ባለቤትነት ጥያቄ በኢትዮጵያ

በኢትዮጵያ ከቅርብ ወራት ወዲህ መሬትን በተመለከተ ጠንከር ያሉ የለውጥ...

በፖለቲከኞች እጅ ያለው ቁልፍ

ኢትዮጵያ በተለይ ካለፉት አምስት ዓመታት ወዲህ ሰላሟ መረጋጋት አቅቶታል፡፡...

የኤክሳይስ ታክስ ረቂቅ አዋጅ ፓርላማው ያፀደቀውን አዋጅ የሚጥሱ ድንጋጌዎችን በማካተቱ እንዳይፀድቅ ተጠየቀ

ሰሞኑን ለሕዝብ ተወካዮች ምክር ቤት የቀረበው የኤክሳይስ ታክስ ማሻሻያ...

በፀጥታ ችግር ሳቢያ ከተለያዩ አካባቢዎች ተፈናቅለው አማራ ክልል የገቡ ዜጎች ቁጥር 800 ሺሕ መድረሱ ተነገረ

በቤኒሻንጉል ጉሙዝ ክልል 112 ሺሕ ተማሪዎች ከትምህርት ገበታ ውጪ...