Saturday, December 3, 2022
ሌሎች ዓምዶች
    - Advertisement -
    - Advertisement -
    ማኅበራዊከ1,200 በላይ ዓለም አቀፍ የኢንፎርሜሽን ቴክኖሎጂ ኩባንያዎች ተወካዮች በኢትዮጵያ ይታደማሉ

    ከ1,200 በላይ ዓለም አቀፍ የኢንፎርሜሽን ቴክኖሎጂ ኩባንያዎች ተወካዮች በኢትዮጵያ ይታደማሉ

    ቀን:

    ሦስት ሚኒስትሮችና ከመላው ዓለም የሚመጡ ከ1,200 በላይ ልዑካን የሚሳተፉበት አሥረኛው የኤሌክትሮኒክስ ትምህርት ጉባዔ፣ በሚቀጥለው ሳምንት በአዲስ አበባ በሚገኘው የአፍሪካ ኅብረት የመሰብሰቢያ አዳራሽ እንደሚጀምር አዘጋጆቹ ገለጹ፡፡

    ከግንቦት 12 እስከ 13 ቀን 2007 ዓ.ም. በሚካሄደው የሁለት ቀናት ኮንፈረንስ ላይ፣ የቀድሞው ወርልድ ስፔስ መሥራች አቶ ኖህ ሳማራና ታዋቂው የኢንተርኔት መረብ መፈለጊያ የሆነው የሞዚላ ሥራ አስፈጻሚ ማርክ ሱርማን እንደሚገኙ ለማወቅ ተችሏል፡፡

    አዘጋጆቹ ለሪፖርተር በላኩት መግለጫ የዘንድሮው የኤሌክትሮኒክስ ትምህርት ጉባዔ በመገባደድ ላይ የሚገኘውን የምዕተ ዓመቱ ግብ ሲጠናቀቅ፣ እሱን ከሚተካው ቀጣይነት ያለው የልማት ግብ ለመሸጋገር  እየተደረገ ባለው ዝግጅት ላይ ከፍተኛ ውይይት እንደሚደረግበት ጠቁመዋል፡፡

    በጉባዔውም ላይ በትምህርት ዘርፍ የተሰማሩ ባለሀብቶችና የፖለቲካ ተዋናዮች በጋራ የሚመክሩበት ሲሆን፣ በኢትዮጵያ በኩል የመገናኛና ኢንፎርሜሽን ቴክኖሎጂ ሚኒስትሩ ዶ/ር ደብረ ጽዮን ገብረ ሚካኤል፣ የትምህርት ሚኒስትሩ አቶ ሽፈራው ሽጉጤና የሳይንስና ቴክኖሎጂ ሚኒስትሯ ወ/ሮ ደሚቱ ሐምቢሳ በጉባዔው ላይ እንደሚገኙም ተገልጿል፡፡

    በተመሳሳይም የአፍሪካ ኅብረት ኮሚሽነሯ ዶ/ር ንኮሳዛና ድላሚኒ ዙማና የኅብረቱ ሹማምንት፣ እንዲሁም በተባበሩት መንግሥታት ድርጅት የአፍሪካ ኢኮኖሚክ ኮሚሽን ኃላፊዎችም በጉባዔው ላይ ይሳተፋሉ፡፡

    ‹‹በአፍሪካ እየተመዘገበ ያለውን የኢኮኖሚ ዕድገት በተመለከተ በተለያዩ አገሮች የሚገኙ ባለሀብቶች እየተገነዘቡት የመጡ ሲሆን፣ በዚህ ጉባዔም የአኅጉሪቱን ዕድገት ለማስቀጠል መልካም አጋጣሚን ይፈጥራል፤›› በማለት አዘጋጆቹ ገልጸዋል፡፡

    ሚኒስትሮች፣ የተለያዩ አገሮች ተሳታፊዎችና ኩባንያዎች ለትምህርትና ሥልጠና አጋዥ የሆኑ የቴክኖሎጂ ውጤቶችን ትኩረት ሰጥተው ይወያዩባቸዋልም ነው የተባለው፡፡

    የዘንድሮው ጉባዔ ‹‹ነገን ማበልፀግ›› በሚል መሪ ቃል ይከናወናል፡፡ ከዚህ በተጨማሪ በተለያዩ ርዕሰ ጉዳዮች ላይ የፖለቲካ ተዋናዮችና ባለሀብቶች በመከፋፈል ይመክራሉ፡፡

    ጉባዔውን በጋራ ያዘጋጁት አይሲደብሊውኢ፣ የአፍሪካ ኅብረትና የመገናኛና ኢንፎርሜሽን ቴክኖሎጂ ሚኒስቴር ሲሆኑ፣ በቅርቡ በኖህ ሳማራ የተቋቋመው ያዝሚ የተባለው የሳተላይት ሬዲዮ ኩባንያ ድጋፍ ማድረጉ ተገልጿል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...