Wednesday, December 7, 2022
ሌሎች ዓምዶች
    - Advertisment -
    - Advertisment -

    ክቡር ሚኒስትር

    [የክቡር ሚኒስትሩ አማካሪ ሊያነጋግራቸው ቢሯቸው ገባ]

    • ሰላም ክቡር ሚኒስትር፡፡
    • እንዴት ነህ?
    • አንድ ዲፕሎማት ሊያገኝዎት ይፈልጋል፡፡
    • እኔ አንድ ዲፕሎማ ካለው ሰው ጋር ልገናኝ?
    • አይደለም ዲፕሎማት እኮ ነው ያልኩዎት፡፡
    • እእእ …
    • እና አንዳንድ ነገር ላይ ሊያነጋግርዎት ይፈልጋል፡፡
    • የምን አንዳንድ ነገር ነው?
    • ያው ስለምርጫ ጉዳይ ነዋ፡፡
    • ታዲያ ምን አንዳንድ ነገር ትላለህ? ስለምርጫ ነው አትልም?
    • አዎ ስለምርጫ ነው፡፡
    • እኮ ስለምርጫ ምን ሊያወራኝ ነው?
    • ምርጫው እኮ ብዙ ነገሮች አሉት፡፡
    • እኔ ስለምን እንደሚያወራኝ አውቀዋለሁ፡፡
    • ስለምን ሊያወራዎት ነው?
    • ያው እንታዘብ ሊሉ ነዋ፡፡
    • ምኑን ነው የሚታዘቡት?
    • ምርጫውን ነዋ፡፡
    • ታዲያ ይታዘቡዋ፡፡
    • ኢሕአዴግ ሐሜት አይወድም፡፡
    • እንዴት?
    • ታዛቢ ሁሌም ሐሜተኛ ነው፡፡
    • ምን አሉኝ?
    • በተለይ ምዕራባዊያን ታዛቢዎች ሁሌም ሐሜት ነው የሚያወሩት፡፡
    • ምን ተሻለ ታዲያ?
    • እኛ አፍሪካዊያኑና የራሳችን ታዛቢዎች ይበቁናል፡፡
    • ለሐሜት ግን እነዚህ አይብሱም ብለው ነው?
    • ያው አፍሪካዊያኑ የእኛ አገር ምርጫ እጅግ ዴሞክራሲያዊ ስለሆነ ሊያሙን አይችሉም፡፡
    • የአገር ውስጥ ታዛቢዎቹስ?
    • እነሱን ደግሞ እኛ ስለምንታዘባቸው ችግር የለውም፡፡
    • እ… ገባኝ፡፡
    • ምን ገባህ?
    • የገባኝ ገባኝ፡፡
    • ወሬኛ፡፡
    • ለማንኛውም ከዲፕሎማቱ ጋር ነገ የምሳ ቀጠሮ ይዤልዎታለሁ፡፡
    • አሁን ስለእኛ ምርጫ እነሱ ምን አገባቸው?
    • እንዲህማ ማለት አንችልም፡፡
    • ለምን አንችልም?
    • የእነሱ አገር በርካታ ዜጐች እዚች አገር ላይ ኢንቨስት አድርገዋል፡፡
    • ቢያደርጉስ ታዲያ?
    • ያው አገሪቷ ሰላም መሆኗን ማረጋገጥ ይፈልጋሉ፡፡
    • የእርጐ ዝንብ ናቸው፡፡
    • የእርጐ ንብ ነው ያሉኝ?
    • ንብ ሳይሆን ዝንብ ነው ያልኩት፡፡
    • ለምን አሉ?
    • በሰው ጉዳይ ጥልቅ ይላሉ፡፡
    • ለነገሩ ዝንብ እንጂ ንብ ጥልቅ አትልም፡፡
    • እሱን እኮ ነው የምልህ፡፡
    • ንብ ትናደፋለች እንጂ አትጠልቅም፡፡
    • ምን አልከኝ?
    • ንብ ማር ነው የምታመርተው፡፡
    • ልክ ብለሃል፡፡
    • ለማንኛውም የነገ ቀጠሮውን እንዳይረሱት፡፡
    • እሺ አልረሳውም፡፡

     

    [ክቡር ሚኒስትሩ በጠዋቱ ዘንጠው ከቤት ሊወጡ ሲሉ ባለቤታቸው ወሬ ጀመሩዋቸው]

    • ምንድን ነው ዛሬ?
    • ረቡዕ ነዋ፡፡
    • ማለቴ እንዲህ የዘነጥከው ለምንድን ነው?
    • የአገሪቷ የ11 ፐርሰንት ዕድገት መገለጫ ነው፡፡
    • ዝነጣው ለዚያ ነው?
    • ቀጠሮም አለኝ፡፡
    • ከማን ጋር?
    • ከአንድ ዲፕሎማት ጋር፡፡
    • በምን ጉዳይ?
    • ያው በምርጫው ላይ ነዋ፡፡
    • ታዲያ ምን ልትለው ነው?
    • እሱ የሚፈልገውን ሳይሆን እኔ የምፈልገውን እነግረዋለሁ፡፡
    • ምነው አገርህ የምትፈልገውን ነገር ብትነግረው?
    • እኔ የምፈልገው እኮ አገሬ የምትፈልገው ነው፡፡
    • የኢትዮጵያ የሕዝብ ቁጥር ከ90 ሚሊዮን በላይ መስሎኝ?
    • እኔ ታዲያ ስንት ነው አልኩ?
    • አንድ፡፡
    • እንዴት?
    • ይኸው እኔ የምፈልገው ማለት አገሬ የምትፈልገው ነው አላልክም?
    • ያው የግለሰብ መብት ሲጠበቅ እኮ ነው የአገር መብት የሚጠበቀው?
    • ወሬውንማ ትችልበታለህ፡፡
    • ወሬውን ብቻ ሳይሆን ሥራውንም እችልበታለሁ፡፡
    • ሠርተህ አሳየና?
    • እመኚኝ፡፡
    • ማየት ማመን ነው፡፡
    • ማመን ነው ማየት እባክሽ?
    • ብቻ አሳየን?

    [ክቡር ሚኒስትሩ የምሳ ሰዓት ሲደርስ ከሹፌራቸው ጋር ወደ ቀጠሮ ቦታ መሄድ ጀመሩ]

    • ወዴት ልሂድ ክቡር ሚኒስትር?
    • የባለፈው ቦታ፡፡
    • የባለፈው ቦታ የቱ ቦታ?
    • ባለፈው ምሳ የበላሁበት፡፡
    • እዚያ ውዱ ቦታ?
    • አዎ፡፡
    • ኧረ ክቡር ሚኒስትር ትንሽ እንኳን ለሞራሌ ያስቡልኝ?
    • እንዴት?
    • የሦስት ወር ደመወዜን ለአንድ ምሳ ሊከፍሉት ነው እኮ?
    • ምን ላድርግ ብለህ ነው?
    • ኧረ ክቡር ሚኒስትር ባይሆን መንገዱን ያሳዩኝ?
    • የምኑን መንገድ?
    • የሚታደግበትን መንገድ፡፡
    • ማደግህ አይቀርም፡፡
    • እንዴት እንደሚታደግ እኮ ግራ ነው የገባኝ?
    • ትምህርት እየተማርክ ነው?
    • ሕይወት ብዙ እያስተማረችኝ ነው፡፡
    • ያን ሥልጠና እየወሰድክ ነው?
    • የቱን ሥልጠና?
    • አብዮታዊ ዴሞክራሲ፡፡
    • እኔ እሱ ትምህርት አልገባህ አለኝ፡፡
    • ታዲያ ምንድን ነው የሚገባህ?
    • አረቄያዊ ዴሞክራሲ፡፡
    • ምን?
    • አርቆ አሳቢ ዴሞክራሲ፡፡
    • ደግሞ እሱን የት ነው የምትማረው?
    • ያው ማታ ማታ መሸታ ቤት ነዋ፡፡
    • በማታ ከመማር በቀን መማር አይሻልህም?
    • የቀኑ ቀርቶብኝ የማታው በገባኝ፡፡ 

    [ክቡር ሚኒስትሩ ከዲፕሎማቱ ጋር ተገናኙ]

    • እንዴት ነዎት ክቡር ሚኒስትር?
    • እንዴት ነህ?
    • ምርጫው እንዴት እየሄደ ነው?
    • ያው ጊዜው እየደረሰ ነው፡፡
    • በጣም ቢዚ እንደሆኑ አውቃለሁ፡፡
    • የእናንተ ምርጫ ሲያልቅ የእኛ ደግሞ ሊጀምር ነው?
    • እኛም እኮ ዕረፍት የለንም፡፡
    • እንዴት?
    • ማሸነፋችንን ባወቅን በነገታው ነው ለቀጣዩ ምርጫ መሥራት የምንጀምረው፡፡
    • እኛም እኮ ለዚህ ምርጫ አምስት ዓመት ነው የሠራነው፡፡
    • ታዲያ ምርጫውን እንዴት ያዩታል?
    • ያው በዓይኔ ነዋ፡፡
    • ማለቴ ምን ይመስላል?
    • እንደምናሸንፍ ሙሉ በሙሉ እርግጠኛ ነኝ፡፡
    • የባለፈው ይደገማል እያሉኝ ነው?
    • አሁን ለመድፈን ነው የምንሄደው፡፡
    • ተቃዋሚዎቹስ?
    • ቋሚ እንጂ ምን ተቃዋሚ አለ?
    • እና ተፎካካሪ የለንም እያሉኝ ነው?
    • ፎካሪ እንጂ ተፎካካሪ የለም፡፡
    • ተፎካካሪ ከሌለ እኮ ምርጫው ተዓማኒነት ሊኖረው አይችልም፡፡
    • ታዲያ እኛ ተፎካካሪ አንፈጥር?
    • አቅማቸውን አጠናክሩላቸው፡፡
    • እነሱ እኮ አቅም አይደለም ያነሳቸው፡፡
    • ምንድን ነው ያነሳቸው?
    • አቅል ነው ያነሳቸው፡፡
    • ለምን ሁሉም ተሰባስበው አንድ ጠንካራ ተፎካካሪ ፓርቲ እንዲፈጥሩ አታደርጓቸውም?
    • ተልከህ ነው እንዴ የመጣኸው?
    • እኔ እንዲሁ ምክር መለገሴ ነው፡፡
    • ይኼ ምክር ነው መከራ?
    • እሱ እንዳመለካከትዎት ነው፡፡

    [ክቡር ሚኒስትሩ ቢሯቸው ሲገቡ እየጠበቋቸው የነበሩትን ሚኒስትር አገኙ]

    • ሰላም ክቡር ሚኒስትር፡፡
    • እንዴት ነህ እባክህ?
    • ምርጫ እንዴት ነው?
    • ሁሉም ነገር ቦታ ቦታውን ይዟል፡፡
    • ተቃዋሚዎቹስ?
    • ኪራይ ሰብሳቢዎቹስ ማለትህ ነው?
    • እንዴት ክቡር ሚኒስትር?
    • ይኸው እኛ ለምርጫ ከመደብነው በላይ በጀት እየያዙ?
    • እ…
    • ኪራይ ካልሰበሰቡ ከየት ሊያመጡት ይችላሉ?
    • ዕቁብ ሰብስበው ቢሆንስ?
    • ቁብ የማይሰጣቸው ሰዎች ከየት ዕቁብ ይሰበስባሉ ብለህ ነው?
    • ለነገሩ እውነትዎትን ነው፡፡
    • ኪራይ ሰብሳቢዎች ናቸው፡፡
    • እኔ እኮ ኪራይ ሰብሳቢ ነጋዴ ብቻ ይመስለኝ ነበር፡፡
    • ኪራይ ሰብሳቢ ተቃዋሚም አለ፡፡
    • ምርጫው አያስፈራንማ?
    • ምርጫ እኮ የረጅም ርቀት የፖለቲካ ሩጫ ነው፡፡
    • እሱማ ግልጽ ነው፡፡
    • ተቃዋሚዎች ደግሞ የአጭር ርቀት የፖለቲካ ሯጮች ናቸው፡፡
    • እንዴት?
    • ዝግጅት የሚጀምሩት ምርጫው ወራት ሲቀሩት ነዋ፡፡
    • እኛም እኮ ከእነሱ እኩል ነው ዝግጅት የምንጀምረው፡፡
    • ቢሆንም ብዙ ልምድ አለን፡፡
    • ስለዚህ አያሰጋንማ?
    • ምን ነካህ? ቦልትን ከኃይሌ ጋር 10 ሺሕ ሜትር ሩጥ ብትለው ማን ያሸንፋል?
    • ኃይሌ ነዋ፡፡
    • በቃ እነሱ ቦልት እኛ ኃይሌ ነን፡፡
    • ያው ሩጫው ላይ ግን መንገድ መዝጋት የለብንም፡፡
    • መንገድ መዝጋት እኮ በሕግ ያስጠይቃል፡፡
    • ጠያቂውም ተጠያቂውም አንድ ከሆነ ግን ጥያቄ አለ ማለት አይቻልም፡፡
    • ለማንኛውም እኛ በሩጫ አንታማም፡፡
    • በምን ዓይነት ሩጫ?
    • በአጭሩም፣ በመካከለኛውም፣ በረጅሙም፡፡
    • በአጭሩ ግን እንታማለን፡፡
    • በየትኛው አጭር?
    • በቅብብሎሹ፡፡
    • የቅብብሎሽማ ችግር የለብንም፡፡
    • ማቀበል አቅቷችኋል እየተባልን ነው እኮ?
    • ያቃተን እኮ ጠፍቶ ነው፡፡
    • ምን?
    • ተቀባይ!

    በብዛት የተነበቡ ፅሁፎች

    በሰባት የመንግሥት ተቋማት ላይ ሰፊ የወንጀል ምርመራ እየተካሄደ መሆኑ ተሰማ

    በስምንት የመንግሥት ዩኒቨርሲቲዎች ላይ የወንጀል ምርመራ እንዲጀመር ተወስኗል ከ1.4 ቢሊዮን...

    ሒጂራ ባንክ የ143 ሚሊዮን ብር ኪሳራ አስመዘገበ

    በኢትዮጵያ ሙሉ ለሙሉ ከወለድ ነፃ ባንክ አገልግሎት ለመስጠት ወደ...

    ጎህ ቤቶች ባንክ ወደ ቤት ልማት ለመግባት ብሔራዊ ባንክን ፈቃድ ጠየቀ

    በስምንት ወራት ውስጥ 7.9 ሚሊዮን ብር ማትረፉን አስታውቋል ኢትዮጵያ ውስጥ...

    ለካፒታል ገበያ ባለሥልጣን ስድስት የቦርድ አባላት ተሾሙ

    ይናገር ደሴ (ዶ/ር) የቦርድ ሰብሳቢ ሆነዋል ጠቅላይ ሚኒስትር ዓብይ አህመድ...
    - Advertisment -

    ትኩስ ፅሁፎች

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...

    ወጋገን ባንክ ከገጠመው ቀውስ በማገገም በ2014 የሒሳብ ዓመት የተሻለ ትርፍ አገኘ

    ለሁለት ዓመታት የዘለቀው የሰሜን ኢትዮጵያ ጦርነት የቢዝነስ እንቅስቃሴያቸው ከተስተጓጎለባቸው...
    spot_img

    ተዛማጅ ፅሁፎች

    [ክቡር ሚኒስትሩ በዕረፍት ቀናቸው እርጅና የተጫጫናቸው አጎታቸውን ለመጠየቅ ቢሄዱም ሚኒስትሩ ራሳቸው ተጠያቂ ሆነዋል]

    ዛሬ እንዴት ትዝ አልኩህ ክቡር ሚኒስትር? ልትመዛት ያሰብካት ነገር አለች ማለት ነው? እንዴት? ክቡር ሚኒስትር ብለህ ጠራኸኛ?! ክቡር ሚኒስትር አይደለህም እንዴ? እንደዚያ ብለህ በጠራኸኝ ቁጥር አንድ ያልተዋጠለህን ነገር ታነሳለህ።...

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት። እንዴ? አንተ የእኛ ተቋም ባልደረባ አይደለህም...

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...