Monday, September 26, 2022
ሌሎች ዓምዶች
    - Advertisement -
    - Advertisement -
    ኪንና ባህል‹‹ዙቤይዳ››

    ‹‹ዙቤይዳ››

    ቀን:

    ‹‹አገር ማለት ሰው ነው እያሉ በትውልድህ እንቅልፍ ላይ ብርድ ልብስ ይደርባሉ፡፡ አገር ማለት አፈር ነው፡፡ ሰውም ማለት አፈር ነው፡፡ ኢትዮጵያ ከተፈጠረች ጀምሮ የሞቱት ሰዎቻችን ስጋና አጥንት አፈር ሆኖ ይሄው›› አሉና መሬቱን በጎራዴው ጫፍ ጫር አደረጉት፡፡

    ‹‹አየህ አሁን አፈር አይደለም የጫርኩት፣ የሰው ስጋ ነው! ሲጫር የሚያመው፣ ሲወጋ የሚያቃስት ሰው ነው አፈሩ!! ይሄንን ነው ቆርሰው የሚወስዱት፡፡ አገር ማለት ሰው ከሆነ፣ ሰው አፈር ነውና አፈርህን ሲነኩ እንቢ ልትል ይገባል! ልጄ፣ ሕንፃ እና መንገድ አይግረምህ፣ የሰው እጅ የሚሠራው የእጅ ጥበብ ሁሉ አይድነቅህ፤ ነገም ልጆችህ ከአንተ በተሻለ ይሠሩታልና! ልጆችህ መቼም ለማያገኙት ስንዝር መሬት ግን ያለህን ሁሉ ክፈል…››

    ይህ ኃይለቃል የተገኘው በአሌክስ አብርሃም በተጻፈው ‹‹ዙቤይዳ›› በተሰኘው አዲስ መጽሐፍ ውስጥ ነው፡፡ 22 ታሪኮችን የያዘው ዙቤይዳ፣ 251 ገጾች ያሉት ሲሆን የመሸጪያ ዋጋው 59 ብር ነው፡፡

    አሌክስ አብርሃም ከዚህ በፊት ‹‹ዶ/ር አሸብር እና ሌሎችም›› የተሰኘ እንዲሁም ‹‹እናት ፍቅር ሐገር›› የተባለ የግጥም መድበል ለንባብ ማብቃቱ ይታወሳል፡፡

    ‹‹አባቶችና ልጆች››

    የጋዜጠኛና ደራሲ አብርሃም ረታ ዓለሙን ሰባተኛ ዓመት ሙት ዓመት ምክንያት በማድረግ የታተመው መጽሐፍ ‹‹አባቶችና ልጆች እና ሌሎች ታሪኮች›› ይሰኛል፡፡ መድበሉ አብርሃም በሕይወት ሳለ ተርጉሞ ለሕትመት ያዘጋጃቸውን 15 አጫጭር ልቦለዶችን ይዟል፡፡

    ጋዜጠኛና ደራሲ አብርሃም በተለያዩ ጋዜጦችና መጽሔቶች በዐምደኝነት ጽሑፎችን በማቅረብ እንዲሁም ‹‹ቢላዋና ብዕር››፣ ‹‹አልን ተባልን አስባልን››፣ ‹‹አባባ ሰው የለም›› እና ‹‹እችክችክ የቃሊቲ እንጉርጉሮዎች›› በተሰኙ መጻሕፍቱ ይታወቃል፡፡ የሪፖርተር፣ አዲስ አድማስ፣ ጽጌረዳ፣ ቁም ነገርና ሩህ ዐምደኛም እንዲሁ በኤፍኤም አዲስ 97.1 የቅዳሜ ጨዋታ አቅራቢም ነበር፡፡

    አብርሃም ለዓመታት በመምህርነት አገልግሏል፡፡ በሙዚቃው ዘርፍም ግጥምና ዜማ በመጻፍ፣ በድምፃዊነት፣ በመሣሪያ ተጫዋችነት ይታወቃል፡፡ ሒሩት በቀለ፣ ተሾመ ወልዴና በዛወርቅ አስፋው ግጥምና ዜማ ከሰጣቸው ድምፃውያን ጥቂቱ ናቸው፡፡

    ‹‹አባቶችና ልጆች›› በ1971 ዓ.ም. በቀይ ሽብር ሰለባ ለሆኑ ጓደኞቹ መታሰቢያነት አዘጋጅቶት የነበረ መጽሐፍ ነው፡፡ 160 ገጽ ያለው መጽሐፍ፣ በ49.55 ብር ለገበያ ቀርቧል፡፡ አብርሃም ከዚህ ዓለም የተለየው ግንቦት 11 ቀን 2000 ዓ.ም. ነበር፡፡

    - Advertisement -

    ይመዝገቡ

    spot_img
    spot_img

    ተዛማጅ ጽሑፎች
    ተዛማጅ

    በኢትዮጵያ ላይ የቀጠለው የምዕራባውያን ጣልቃ ገብነት

    ምዕራባውያን አገሮች በኢትዮጵያ ላይ ጠንካራ ጫና ማሳደራቸውን ቀጥለዋል፡፡ በዲፕሎማሲም...

    የመንግሥት ዩኒቨርሲቲዎች የድጎማ በጀት ለፖለቲካ ሥራ ማስፈጸሚያ እንደሚውል የሚያሳይ ሪፖርት ቀረበ

    ለመንግሥት ዩኒቨርሲቲዎች የሚደረግ የበጀት ድጎማ ከመደበኛው ሥራ ይልቅ ከዋናው...

    መንግሥት የሥራ ግብር ምጣኔን እንዲቀንስ ተጠየቀ

    የኢትዮጵያ ሠራተኛ ማኅበራት ኮንፌዴሬሽን (ኢሠማኮ) መንግሥት የሠራተኛውን የኑሮ ጫና...

    የአዲስ አበባ ንግድና ዘርፍ ማኅበራት ምክር ቤት የአመራሮች ምርጫና ቀጣይ ዕቅዶቹ

    የአዲስ አበባ ንግድና ዘርፍ ማኅበራት ምክር ቤት ሲጠበቅ የነበረውን...