Wednesday, July 24, 2024
- ማስታወቂያ -
- ማስታወቂያ -

ከ613 ሚሊዮን ብር በላይ የሚወጣበት የቆቃ – አዱላላ – ቢሾፍቱ መንገድ ግንባታ ተጀመረ

ተዛማጅ ፅሁፎች

አሰር ኮንስትራክሽን ኩባንያ የተባለው አገር በቀል ሥራ ተቋራጭ በፌዴራል ደረጃ የመጀመርያው የሆነውን፣ ከ613.1 ሚሊዮን ብር በላይ ወጪ የሚጠይቀው የቆቃ አዱላላ – ቢሾፍቱ የመንገድ ሥራ ፕሮጀክት በይፋ ሥራ ጀመረ፡፡

52.2 ኪሎ ሜትር ርዝመት ያለውን ይህንን የመንገድ ግንባታ ፕሮጀክት፣ የትራንስፖርት ሚኒስትሩ አቶ ወርቅነህ ገበየሁ በተገኙበት ግንቦት 4 ቀን 2007 ዓ.ም. ተጀምሯል፡፡

በማዕከላዊ ኦሮሚያ ክልል ምሥራቅ ሸዋ ዞን የቢሾፍቱ ከተማን ከሞጆ – ሐዋሳ፣ ከአዲስ አበባ – አዳማ የፍጥነት መንገዶች፣ እንዲሁም ከድሬ፣ ከቆቃና ከአዱላላ ከተሞች ጋር ያስተሳስራል የተባለው ይህ መንገድ፣ ከዚህ ቀደም የተወሰነው በገጠር መንገድ ደረጃ የተሠራ ነበር፡፡

በአዲሱ የግንባታ ፕሮጀክት ግን 39.7 ኪሎ ሜትሩ በአስፋልት፣ ቀሪው 12.5 ኪሎ ሜትር ደግሞ በኮንክሪት ደረጀ የሚገነባ መሆኑን የኢትዮጵያ መንገዶች ባለሥልጣን ገልጿል፡፡ የዚህ መንገድ ፕሮጀክት ዲዛይኑንና ግንባታውን በማጣመር የሚከናወን እንደሆነም ታውቋል፡፡

ከኢትዮጵያ መንገዶች ባለሥልጣን የተገኘው መረጃ እንደሚያመለክተው፣ ለመንገድ ግንባታው የሚውለውን አጠቃላይ ወጪ የሚሸፍነው መንግሥት ነው፡፡ አሰር ኮንስትራክሽን ከኢትዮጵያ መንገዶች ባለሥልጣን የመንገድ ግንባታ ፕሮጀክት ሲረከብ የመጀመርያው መሆኑም ታውቋል፡፡

ተቋራጩ ከዚህ ቀደም በይበልጥ የሚታወቀው በአዲስ አበባ ከተማ በተለያዩ የመንገድ ሥራ ፕሮጀክቶች በመሳተፍ ሲሆን፣ በተለይ ከአዲስ አበባ ቀላል ባቡር ፕሮጀክት ጋር ተያይዞ ከቻይና ኩባንያዎች ጋርና በራሱ ኃይል የገነባቸው መንገዶች ተጠቃሽ ናቸው፡፡

ኩባንያው በአዲስ አበባ ከተማ ውስጥ ከስድስት በላይ ፕሮጀክቶችን ተረክቦ የሠራና በመሥራት ላይ ያለ ተቋራጭ ነው፡፡ የኢትዮጵያ መንገዶች ባለሥልጣን እንደሚለው ለአሰር ኮንስትራክሽን ኩባንያ የተሰጠው ሥራ አገር በቀል ኮንትራክተሮች በትልልቅ የግንባታ ሥራዎች ላይ እንዲገቡ ለማድረግ አቅማቸውን ለማጎልበት እየተደረገ ያለው ጥረት አንድ ማሳያ ነው፡፡ ይህም በዘርፉ የሚወጣውን የውጭ ምንዛሪ ከማዳን አንፃር ጠቀሜታው የጎላ ነው ተብሏል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች