Thursday, May 23, 2024
- Advertisement -
- Advertisement -

ሥነ ፍጥረትእንሽላሊቶቹ

እንሽላሊቶቹ

ቀን:

ሦስት ጭራ ያላቸው ባለ ባላ መሳይ ጭራ እንሽላሊቶችን ማግኘት የተለመደ ነገር ነው፡፡ የዚህ ምክንያቱም እንሽላሊቶች የተቆረጠ ጭራቸውን ለመተካት በሚደረገው ትክክለኛ ያልሆነ ሂደት ነው፡፡ እንደሚታወቀው እንሽላሊቶች ጭራቸው ቢቆረጥባቸውም መልሰው የመተካት ልዩ ችሎታ አላቸው፡፡ ጭራቸው በሚቆረጥባቸው ጊዜ የቆሰለው ቦታ ላይ ያሉ ሕዋሳት ለማደግ ይነቃቃሉ፤ ጭራው ሙሉ በሙሉ እስኪተካም ድረስ ዕድገት ይቀጥላል፡፡ ሆኖም አዲሱ ከዋነኛው ጋር ሲነፃፀር አጭር ነው፡፡ በአብዛኛው ሕዋሳት ለማደግ የሚነቃቁት በቁስሉ አንደኛ ወገን ብቻ ነው፡፡ አንዳንድ ጊዜ ግን ሕዋሳት በሁለት ወይም ከዛ በላይ ጭራ ያበቅላሉ፡፡ አንዳንዴ ደግሞ ጭራው ጉዳት ቢደርስበትም ሙሉ ለሙሉ ለመቆረጥ የማያደርሰው ይሆናል፡፡ እንዲያም ሆኖ ግን ደግሞ የመጀመሪያው ዋነኛው ጭራ እያለ አንድ ወይም ሁለት ጭራዎች በተጨማሪ ሊበቅሉ ይችላሉ ማለት ነው፡፡

ባሲሊስክ (Basilisk) የሚባሉት እንሽላሊቶች ከፊት ይልቅ የኋላ እግራቸው የዳበረ በመሆኑ፤ መሬት ላይ ሲሮጡም የሚጠቀሙት የኋላ እግራቸውን ነው፡፡ ረጀሙን ጭራቸውን ደግሞ ሚዛናቸውን ለመጠበቅ ይጠቀሙበታል፡፡ ከዚህም በተጨማሪ ደግሞ ውኃ ላይም በመሮጥ የታወቁ ናቸው፡፡ 400 ሜትር ድረስ በውኃ ላይ ሳይሰምጡ የመሮጥ ብቃት አላቸው፡፡ እነኚህ እንሽላሊቶች ትልቅ እግሮችና ቀለል ያለ አካል ስላላቸው የውኃ ላይ ሩጫ ይቀላቸዋል፡፡ በሩጫው በፍጥነት ከቀጠሉ አይሰምጡም በመኻል ቆም ካሉ ግን መስመጥ አይቀርላቸውም፡፡ በዋናም በኩል ጥሩ ዋናተኞች ናቸው፡፡

  • ማንይንገረው ሽንቁጥ ‹‹ባለአከርካሪዎች›› (2004)
spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...