Monday, July 15, 2024
- ማስታወቂያ -
- ማስታወቂያ -

ብሌስ ምግብ ነክ ምርቶችን እንዲፈትሽ ተፈቀደለት

ተዛማጅ ፅሁፎች

ብሌስ አግሪ ፉድ ላብራቶሪ ኃላፊነቱ የተወሰነ የግል ማኅበር የምግብ፣ የመኖና የመጠጥ ምርቶችን ለመመዘን የሚያስችለውን ፈቃድ አገኘ፡፡ ብሌስ ይህንን ፈቃድ ሊያገኝ የቻለው አገልግሎቱን ለመስጠት እንዲችል ፈቃድ እንዲሰጠው ለኢትዮጵያ የደረጃዎች ኤጀንሲ ያቀረበው ጥያቄ ተቀባይነት በማግኘቱ ነው፡፡

ከኩባንያው የተገኘው መረጃ እንደሚያመለክተው ብሌስ ከኢትዮጵያ ተስማሚነት ምዘና ድርጅት በተጨማሪ የምግብ የመኖና የመጠጥ ምርቶችን ደረጃን በመመዘንና የኢትዮጵያ የደረጃዎች ኤጀንሲን ምልክት በማስቀመጥ ማረጋገጫ የሚሰጥ የግል ኩባንያ ሆኗል፡፡

በሚኒስትሮች ምክር ቤት ደንብ ቁጥር 196/2000 የተቋቋመው የኢትዮጵያ የተስማሚነት ምዘና ድርጅት እስካሁን ድረስ የተለያዩ የተስማሚነት ማረጋገጫ ሰርተፍኬት ሲሰጥ ቆይቷል፡፡ ብሌስ አግሪ ፉድ ላብራቶሪ ደግሞ ከኢትዮጵያ የደረጃዎች ኤጀንሲ ጋር ግንቦት 4 ቀን 2007 ዓ.ም. ባደረገው ስምምነት መሠረት የምግብ፣ የመኖና የመጠጥ ምርቶችን የኤጀንሲውን ምልክት በመጠቀም የምዘና ማረጋገጫ ይሰጣል፡፡ በዚህ ስምምነት መሠረት ብሌስ እንደ የኢትዮጵያ ተስማሚነት ምዘና ድርጅት፣ ደረጃ የሚወጣላቸው ምርቶችን የተስማሚነት ምዘና በማረጋገጥ የኤጀንሲውን ምልክት  ምርቶቹ ላይ ያስቀምጣል፡፡

በኢትዮጵያ የደረጃዎች ምልክት የመጠቀም ፈቃድ አሰጣጥ መመርያ መሠረት ብሌስ የደረጃ ምልክት የመጠቀም ፈቃድ የተሰጠውም ኤጀንሲው ባዘጋጀው የሰርተፍኬሽን ስኪም መሠረት መሆኑን የጋራ ስምምነቱ ያመለክታል፡፡ የኢትዮጵያ ደረጃዎች ኤጀንሲ ለብሌስ የተሰጠውን ኃላፊነት አስመልክቶ በጻፈው ደብዳቤም፣ የደረጃ ምልክት የመጠቀም ፈቀዱ ተግባራዊ የሚሆነው በኢትዮጵያ ደረጃ በወጣላቸው ምርቶች ብቻ ላይ ነው፡፡

ብሌስ በፈረንሳይና በኢትዮጵያውያን ባለሀብቶች ከ130 ሚሊዮን ብር በላይ የተቋቋመ የግል የምዘና ተቋም ነው፡፡ ለዚህ ሥራው እንዲያገለግሉት ላብራቶሪዎቹ በዘመናዊ መሣሪያዎች የተሟሉ መሆናቸውን ይገልጻል፡፡ በላብራቶሪው ተመርምሮ የሚሰጠውም የማረጋገጫ ሰርተፍኬት በመላው ዓለም ተቀባይነት እንዲያገኝም በዘርፉ በዓለም አቀፍ ደረጃ ከሚታወቁ ኩባንያዎች ጋር ስምምነት ማድረጉን የድርጅቱ ሥራ አስኪያጅ ወ/ሮ ሕሊና በለጠ ይገልጻሉ፡፡

ኤጀንሲው ለብሌስ የደረጃ ምልክት የመጠቀም ፈቃድ እንዲሰጥና ይህንኑ ሥራ እንዲሠራ በመፍቀድ ስለሚሠራቸውም ሥራዎች ስምምነት የፈረመው፣ የኢትዮጵያ የደረጃዎች ኤጀንሲ ብሔራዊ የደረጃዎች ምልክትን ቅርፅና ይዘት የመወሰንና ምልክቱን የመጠቀም ፈቃድ የመስጠት ሥልጣን ስላለው መሆኑም ተገልጿል፡፡

በሁለቱ ተቋማት መካከል የተደረገውንም ስምምነት በኤጀንሲው በኩል  ዳይሬክተር ጀነራሏ ወ/ሮ አልማዝ ካህሳይ፣ በብሌስ በኩል ደግሞ ሥራ አስኪያጇ ወ/ሮ ሕሊና በለጠ ፈርመዋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች