Saturday, June 22, 2024
- ማስታወቂያ -
- ማስታወቂያ -

ለአሰላ ብቅል ፋብሪካ ግዢ ከአንድ ቢሊዮን ብር በላይ ዋጋ ቀረበ

spot_img

ተዛማጅ ፅሁፎች

የኦሮሚያ ግብርና ኅብረት ሥራ ማኅበር የአሰላ ብቅል ፋብሪካን ከመንግሥት ለመግዛት 1.3 ቢሊዮን ብር የመግዣ ዋጋ አቀረበ፡፡

ሰኞ የካቲት 5 ቀን 2010 ዓ.ም. በመንግሥት ልማት ድርጅቶች ሚኒስቴር በተከፈተው ግልጽ ጨረታ፣ ከኅብረት ሥራ ማኅበሩ በተጨማሪ ሌሎች ሦስት ኩባንያዎች አብረው የመጫረቻ ዋጋቸውን አቅርበዋል፡፡

ሁለተኛውን ከፍተኛ ዋጋ ያቀረበው የባቫሪያ እህት ኩባንያ የሆነው ማልት አፍሪካ የተባለ ድርጅት ሲሆን፣ 42 ሚሊዮን ዶላር የግዢ ዋጋ አቅርቧል፡፡ ባቫሪያ የሐበሻ ቢራ አክሲዮን ማኅበር ከፍተኛ ባለአክሲዮን እንደሆነ ይታወቃል፡፡

ሌላው በጨረታው የተሳተፈው ካሊፕሶ አግሪ ቢዝነስ ሊሚትድ የተባለ ተጫራች አሰላ ብቅል ፋብሪካን ለመግዛት 977.1 ሚሊዮን ብር አቅርቧል፡፡

በተጨማሪም ሶፍሌት ኢትዮጵያ የተባለ ሌላ ተጫራች 27 ሚሊዮን ዶላር የመግዣ ዋጋ በማቅረብ በአራተኛ ደረጃ ተቀምጧል፡፡

የአሰላ ብቅል ፋብሪካ የመሸጫ መነሻ ዋጋ 866.7 ሚሊዮን ብር የነበረ ቢሆንም፣ አራቱም ተጫራቾች ከተጠቀሰው የመነሻ ዋጋ በላይ ሰጥተዋል፡፡

ከኦሮሚያ ኅብረት ሥራ ማኅበር ውጪ ያሉት ሦስቱም ተጫራቾች ጨረታውን የሚያሸንፉ ከሆነ ቅድሚያ 30 በመቶ የሆነውን ክፍያ ከስምምነት ፊርማ በፊት፣ ቀሪውን ደግሞ ርክክብ ሲፈጸም እንደሚከፍሉ ሲገለጽ፣ የኦሮሚያ ግብርና ኅብረት ሥራ ማኅበር ደግሞ 35 በመቶ ክፍያውን በቅድሚያ፣ ቀሪውን ደግሞ በአምስት ዓመት ውስጥ እንደሚያጠናቀቅ ተገልጿል፡፡

ሌላው በሚኒስቴሩ ወጥቶ የነበረው ጨረታ መንግሥት 75 በመቶ የሚሆነውን በኢትዮጵያ ቆርኪና ጣሳ ፋብሪካ ላይ ያለውን ድርሻ ለማስተላለፍ ሲሆን፣ ሲጂኤፍ ቢዝነስ ግሩፕ የተባለ አገር በቀል ኩባንያ ብቻ ተሳትፏል፡፡ ኩባንያው 130 ሚሊዮን ብር የመግዣ ዋጋ አቅርቧል፡፡

ኩባንያው ያቀረበው ዋጋ የኩባንያው 75 በመቶ ድርሻ ያወጣል ተብሎ ከተገመተው 167.8 ሚሊዮን ብር ያነሰ መሆኑ ታውቋል፡፡

ሚኒስቴሩ ተጫራቶቹ ያቀረቡትን የቴክኒክና የፋይናንስ ፕሮፖዛል ገምግሞ ውጤቱን እንደሚያሳውቅ ይጠበቃል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች