Monday, April 15, 2024
- Advertisement -
- Advertisement -
ኪንና ባህልምን የት?

ምን የት?

ቀን:

በሳይንቲስቱ ቅጣው እጅጉ ላይ ያተኮረው ዘጋቢ ፊልም ቅዳሜ ይመረቃል

በኢትዮጵያ እንዲሁም በዓለም ዝናው የናኘው ሳይንቲስት ዶ/ር ቅጣው እጅጉ በጠፈር ሳይንስ ምርምር ይታወቃል፡፡ በሕይወት በዓለም ላይ ተፅዕኖ መፍጠር ከቻሉ ሳይንቲስቶች መካከል ይጠቀሳል፡፡ ናሳ ውስጥ ቺፕ ኦፍ ስፔስ ክራፍትና ሳተላይት ሲስተም ኢንጂነር ነበር፡፡

እ.ኤ.አ. በ1948 ቦንጋ የተወለደው ኢትዮ አሜሪካዊ ሳይንቲስት እ.ኤ.አ. በ2006 አሜሪካ ውስጥ ሕይወቱ ማለፉ ይታወሳል፡፡ የዶ/ር ቅጣውን የሕይወት ታሪክ የሚዳሰስ ዘጋቢ ፊልም ‹‹ልጃችን›› በሚል ርእስ ተዘጋጅቷል፡፡ አዘጋጁ ሜርሲ ፊሎሺፕ ፊዲንግ ሴንተር ለሪፖርተር በላከው መግለጫ እንደገለጸው፣ ፊልሙ ከቦንጋ እስከ አሜሪካ ያለውን የሳይንቲስቱን ሕይወት ያስቃኛል፡፡

- Advertisement -

Video from Enat Bank Youtube Channel.

ግንቦት 29 ቀን 2007 ዓ.ም. በ12፡30 በአዲስ አበባ ሒልተን የሚመረቀውን ፊልም ለማጠናቀቅ ሁለት ዓመት ወስዷል፡፡ ከ1.5 ሚሊዮን ብር በላይ ወጭ ተደርጎበታል፡፡ ፊልሙ 50 ደቂቃ የሚወስድ ሲሆን፣ ከዶ/ር ቅጣው ጋር ተያይዘው የሚነሱ በርካታ ጥያቄዎች ምላሽ እንደሚሰጥ የአዘጋጆቹ መግለጫ ያመላክታል፡፡

****

የጋዜጠኛው ማስታወሻ

‹‹ትናንሽ ታሪኮች ደንበኛ ታሪክ ከመሆናቸው በፊት ጋዜጣ ላይ ይሰፍራሉ፡፡ ጋዜጣ ላይ ከመስፈራቸው በፊት ደግሞ ጋዜጠኛው ማስታወሻ ደብተር ላይ ይሰፍራሉ፡፡ የአንድ ጋዜጠኛ ሀብትም ይኸው ነው፡፡ እውነት እላችኋለሁ ጋዜጠኛ ሀብት የለውም፤ ከማስታወሻ ደብተሩ በቀር ዕድሜ ያጨራመታትን ማስታወሻ ደብተሬን እንደ ቀልድ ማገላበጥ ጀመርኩ፡፡ ያልተከተበ ጉዳይ የለም…›› የሚለው ዓለማየሁ ገበየሁ ባሳተመው ‹‹የረከሰ ፍርድ በኢትዮጵያ›› መጽሐፉ ነው፡፡ መሰንበቻውን የሕትመት ብርሃን ያየው የደራሲ ዓለማየሁ መጽሐፍ ባለ 14 ምዕራፎችና ተቀጽላውን ጨምሮ 196 ገጾች ያሉት ሲሆን አከፋፋዩ ሊትማን መጻሕፍት ነው፡፡ በ49 ብር ይሸጣል፡፡

*****

‹‹…የወሰን መካለል ታሪክ›› ሐሙስ ‹‹የፍቅር ድንግልና›› ቅዳሜ ይመረቃሉ

በብላታ መርስኤ ኀዘን ወልደቂርቆስ የተዘጋጀው ‹‹የኢትዮጵያና የእንግሊዝ ሶማሊላንድ የወሰን መካከል ታሪክ›› መጽሐፍ አዲስ አበባ ዩኒቨርሲቲ ፕሬስ አሳተመው፡፡ በሕይወት የሌሉት የብላታ መርስኤ ኀዘን መጽሐፍ ግንቦት 27 ቀን 2007 ዓ.ም. በ11 ሰዓት በአዲስ አበባ ዩኒቨርሲቲ ራስ መኰንን አዳራሽ ይመረቃል፡፡

በሌላ በኩልም በታዋቂዋ ድምፃዊት እጅጋየሁ ሺባባው (ጂጂ) እናት ወ/ሮ ተናኘ ሥዩም የተደረሰው ‹‹የፍቅር ድንግልና›› መጽሐፍ ቅዳሜ ግንቦት 29 ቀን ከጠዋቱ 2፡30 አምስት ኪሎ በሚገኘው የአዲስ አበባ ቴክኖሎጂ ዩኒቨርሲቲ አዳራሽ ይመረቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...

‹‹ደስታ›› የተባለችው አማርኛ ተናጋሪ ሮቦት በሳይንስ ሙዚየም

‹‹እንደ ሮቦት ዋነኛው አገልግሎቴ ውስብስብ የሆኑ የቴክኖሎጂ ውጤቶችንና አሠራሮችን...