Tuesday, March 5, 2024
- Advertisement -
- Advertisement -
ማኅበራዊመሐሙድ አህመድና ሮሐ ባንድ የተገናኙበት መድረክ

መሐሙድ አህመድና ሮሐ ባንድ የተገናኙበት መድረክ

ቀን:

የሮሐ ባንድ አባላት ከ20 ዓመታት በኋላ ዳግም በአንድ መድረክ በተገኙበት ምሽት ዝነኛው ድምፃዊ መሐሙድ አህመድ አቀንቅኗል፡፡ ዳዊት ይፍሩ፣ ጆቫኒ ሪኮ፣ ያሬድ ተፈራ፣ ኢያሱ ነጋ፣ ሚካኤል መልካሙ፣ ኤፍሬም ውብሽት፣ ሰሎሞን ቤተማርያም፣ ክብረት ዘኪዮስ፣ አክሊሉ አባተና ምሳሌ ለገሰ ያጀቡት መሐሙድ፣ ሰኔ 8 ቀን 2007 ዓ.ም. የኢትዮጵያ ብሔራዊ ቴአትርን አድምቆታል፡፡ ሮሐ ባንድ መሐሙድን ጨምሮ የበርካታ ዕውቅ ድምፃውያን ሥራዎች ላይ አሻራቸው አርፏል፡፡ ሮሐ ባንድ የተቋቋመው በ1980ዎቹ፣ አይቤክስ ባንድ ከተበታተነ በኋላ ነበር፡፡ አይቤክስ ባንድ በ1970ዎቹ ተመሥርቶ ለ12 ዓመታት ዘልቋል፡፡ ከሥራዎቻቸው የሚጠቀሱት የመሐሙድ የመጀመሪያ አልበሞች ‹‹መላ መላ›› እና ‹‹ትዝታ›› ናቸው፡፡ ባንዱ ከፈረሰ በኋላ የአይቤክስ አባላት የነበሩት ጆቫኒ፣ ሰሎሞንና ፈቃደ ዳክላክ ባንድ ይጫወት ከነበረው ዳዊት ጋር ተጣምረው ሮሐን ፈጥረዋል፡፡ ሮሐ ባንድ በአዲስ አበባ ሒልተን፣ በግዮን ሆቴል እንዲሁም በበርካታ አገርና ዓለም አቀፍ መድረኮች ላይ ሥራዎቻቸውን አቅርበዋል፡፡ ወደ መካከለኛው ምሥራቅ፣ አውሮፓና አሜሪካ ያደረጉት ጉዞ ተጠቃሽ ነው፡፡ ወደ 400 የሚደርሱ አልበሞችም ፕሮውዲውስ አድርገዋል፡፡ በኢትዮጵያ ሙዚቃ ከፍተኛ ቦታ የሚሰጠው ሮሐ ባንድ፣ በመሐሙድ ምክንያት ዳግም በአንድ መድረክ ቢታዩም በቅርቡ የሚለቀቀው የኤፍሬም ታምሩ አልበም ላይም ተዋሕደዋል፡፡ አሊያንስ ኢትዮ ፍራንሴዝ ባዘጋጀው የመሐሙድ 50ኛ ዓመት ወርቅ ኢዮቤልዩ መታሰቢያ ኮንሰርት ላይ ለድምፃዊውና ለኢትዮጵያ ሙዚቃ ባለውለታ ፍራንሴዝ ባርሴቶ ስጦታ ተበርክቶላቸዋል፡፡ ፎቶው ድምፃዊት ሙኒት መስፍን ለመሐሙድ ሰጦታውን ስታበረክት ያሳያል፡፡ ድምፃዊው ሰኔ 5 በሸራተን አዲስ ለኢትዮጵያ ሙዚቃ ላበረከተው አስተዋፅኦ መመስገኑና መሸለሙ ይታወሳል፡፡ (በምሕረተሥላሴ መኰንን)

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...