Saturday, January 28, 2023
- Advertisement -
- Advertisement -
ስፖርትበሚድሮክ ኢትዮጵያ የተዘጋጀው ስፖርታዊ ውድድር ተጠናቀቀ

በሚድሮክ ኢትዮጵያ የተዘጋጀው ስፖርታዊ ውድድር ተጠናቀቀ

ቀን:

በሚድሮክ ኢትዮጵያ ቴክኖሎጂ ግሩፕ አዘጋጅነት ለ12ኛ ጊዜ ሲካሄዱ የቆዩት የተለያዩ ስፖርታዊ ውድድሮች ሰኔ 14 ቀን 2007 ዓ.ም. በደማቅ ሥነ ሥርዓት ተጠናቀቁ፡፡

ከጥር ወር 2007 ዓ.ም. ጀምሮ ሲካሄድ የቆየው ውድድር ሠራተኛውንም ሆነ የሠራተኛውን ቤተሰብ የበለጠ የሚያቀራርብ፣ ሠራተኛው ትርፍ ጊዜውን አዕምሮውንና አካላዊ ብቃቱን የሚያዳብርበት፣ ለኩባንያው ያለውን ወገናዊነት የሚያሳይበት፣ ከሌሎች ኩባንያዎችና ሠራተኞች ጋር ለመቀራረብና ለመተዋወቅ መንገድ የሚከፍት ሆኖ መጠናቀቁ ውድድሩ በተጠናቀቀበት ሰኔ 14 ቀን 2007 ዓ.ም. በሥነ ሥርዓቱ የተገኙት ዶ/ር አረጋ ይርዳው መናገራቸው ታውቋል፡፡

ውድድሩ የተካሄደው የሚድሮክ ኢትዮጵያ ቴክኖሎጂ ግሩፕ ኩባንያዎች ውስጥ የሚገኙትን 21 ኩባንያዎች እንደ ሥራ አካባቢያቸው በአዲስ መልክ በአራት ምድቦች ተከፋፍለው ሲሆን፣ በምድብ አንድ ቴክ ሳር ቤት፣ ምድብ ሁለት ቴክ መገናኛ፣ ምድብ ሦስት ቴክ ሰሚትና ምድብ አራት ቴክ አቃቂ እንደነበሩም ተገልጿል፡፡

በዕለቱ የሴትና የወንድ ሠራተኞች 3.5 ኪሎ ሜትር የጎዳና ላይ ሩጫ እንዲሁም በወንዶችና በሴቶች የገመድ ጉተታ፣ የወንዶች 100 ሜትር፣ 200 ሜትር፣ 400 ሜትርና ሜትር 50 X 2 የሴቶች ሪሌ፣ የሴቶች እንቁላል በማንኪያ ውድድር፣ ዕድሜያቸው ከስምንት እስከ አሥር የሚሆኑ የሠራተኞቹ ወንድና ሴቶች ውድድር እንዲሁም ከቴክኖሎጂ ግሩፕ ኩባንያዎች ውስጥ በማርኬቲንግና ተያያዥ ሙያ በአገልግሎት ሥራ ላይ የሚገኙ የሥራ ኃላፊዎች ተሳታፊ የሆኑበት የገንቦ ሰበራ ውድድሮች ተደርገዋል፡፡

ባለፉት ስድስት ወራት ሲካሄዱ የቆዩት ውድድሮች የወንዶችና የሴቶች የመረብ ኳስ፣ የወንዶችና የሴቶች የሜዳ ቴንስ፣ የጠረጴዛ ቴኒስ፣ የዳማ፣ የቼዝና የዳርት ማጠሪያ ውድድሮች ተከናውነው አሸናፊዎች የተለዩ ሲሆን፣ በዚህ ዓመታዊ የመዝጊያ ፕሮግራም ለአሸናፊዎችና ጉልህ አስተዋጽኦ ላበረከቱ ሠራተኞችና ቡድኖች ዋንጫ፣ ሜዳልያና ሰርተፍኬት ተበርክቶላቸዋል፡፡

በመዝጊያው ፕሮግራም ንፋስ ስልክ ሞሐ ለስላሳ መጠጦች ኢንዱስትሪ እና ቴክ ሳር ቤት በእግር ኳስ ቡድኖች መካከል ለዋንጫ በተደረገው ጨዋታ ሞሐ የለስላሳ መጠጦች በመለያ ምት 5 ለ4 በሆነ ውጤት አሸናፊ ሆኗል፡፡

በዚሁ መሠረት በጨዋታው ብልጫ ላሳዩ ቡድኖች አንደኛ ለወጣው የእግር ኳስ ቡድን 25,000 ብር፣ ሁለተኛ ለወጣው ቡድን 150,000 ብር፣ ሦስተኛ ለወጣው የእግር ኳስ ቡድን 10,000 ብር እና በውድድሩ ዓመት የፀባይ ዋንጫ ተሸላሚ ለሆነው ቡድን 5,000 ብር፣ እንዲሁም በርካታ ቀይና ቢጫ ካርድ ላየው ቡድን 1,000 ብር፣ በአጠቃላይ ለልዩ ልዩ ውድድሮች አሸናፊ ለሆኑት የግልና የቡድን ተወዳዳሪዎች 150,000 ብር የሚገመት ሽልማት በመስጠት ፕሮግራሙ መጠናቀቁን አዘጋጅ ኮሚቴው ገልጿል፡፡

 

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቅዱስ ሲኖዶስ ሦስቱን ጳጳሳት ስልጣነ ክህነታቸውን አንስቶ አወገዘ

የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ፣ ሰሞኑን ጥር 14...

አቶ እየሱስወርቅ ዛፉ ከህብረት ባንክ ቦርድ አባልነት ለቀቁ

አንጋፋው የፋይናንስ ባለሙያ አቶ እየሱስወርቅ ዛፉ ከህብረት ባንክ ቦርድ...

አቶ በረከት ስምኦን ከእስር ተፈቱ

ከአራት ዓመታት በፊት በተከሰሱበት በከባድሙስና ወንጀል ስድስት ዓመታት ተፈርዶባቸው...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ...