Friday, December 2, 2022
ሌሎች ዓምዶች
    - Advertisement -
    - Advertisement -
    ሥነ ፍጥረትኦራንጉታን

    ኦራንጉታን

    ቀን:

    ኦራንጉታን (Orangutan) በእስያ ብቻ የሚገኝ ኤፕ (Ape) ነው፡፡ ኦራንጉታኖች ለአቅመ ርቢ የሚደርሱበት ዕድሜ ስምንት ሲሆን፣ የእርግዝናቸው ርዝማኔ ከስምንት እስከ ዘጠኝ ወር ይሆናል፡፡ ሙሉ ለሙሉ በዛፍ ላይ የሚኖሩ ኤፖች ናቸው፡፡ በዚህም ትልቁ የዛፍ ላይ አጥቢ እንስሳ በመባል ይታወቃሉ፡፡ ልጆቻቸውም ለረዥም ጊዜ (እስከ ስድስት ዓመት) ከወላጆቻቸው ተጠግተው ያድጋሉ፡፡ አንድ ልጅ የሚወልዱት በየስምንት ዓመት ርቀት ነው፡፡ ይህም ከአጥቢዎች ሁሉ የራቀ ነው፡፡ ወንዱ የጉሮሮውን ከረጢት ልዩ ድምፅ ለማውጣት ይጠቀምበታል፡፡ ይህም በጫካው ውስጥ የገደል ማሚቶ በመፍጠር ሴቶቻቸውን ለመጥራትና ያሉበትን ለማስተዋወቅ ሲረዳ፣ ሌሎች ወንዶችን ደግሞ ያባርራል፡፡ እጆቻቸው እንደሰው ሲሆኑ አራት እረዣዥም ጣቶችና አንድ መዳፍ ማቋረጥ የሚችል አውራ ጣት (እንደ ሰው) አላቸው፡፡ የአስተሳሰብ ደረጃቸው ከፍ ያለ ነው፡፡ ዝናብ በሚሆንበት ጊዜ ቅጠልን እንደ ዣንጥላ የመጠቀም ችሎታ አላቸው፡፡ ይህንኑ ቅጠልም እንደ ሲኒ አድርገው ውኃ ለመጠጣት ይጠቀሙበታል፡፡

    በየቀኑ ማታ ማታ ጎጆ ከቅጠልና ከዛፍ ግንጣይ ሠርተው በውስጡ እጥፍጥፍ ብለው ይተኛሉ፡፡ መዋኘት አይችሉም፡፡ እጃቸው በጣም ረዥም በመሆኑ ቁርጭምጭሚታቸው ጋ ይደርሳል፡፡ ወንዱ እጁን ሁለት ሜትር ያህል ስፋት ይዘረጋል፡፡ ግለኛ ስለሆኑ ወንድና ሴትም ለርቢ ከተገናኙ በኋላ ወዲያው ይለያያሉ፡፡ በዚህም ከቅርብ ዘመዶቻቸው ቺምፓዚና ጎሬላ ይለያሉ፡፡ ወንዱ በሚያረጅበት ጊዜ ፊቱ ድርብርብ ጉንጭ ሲያወጣ ጉሮሮው ደግሞ ከረጢት ይፈጥራል፡፡ 97 በመቶ ያህል ከሰው ልጅ ጋር  ተመሳሳይነት ሲኖራቸው ስሜታቸውን በተለያየ መልኩ ይገልጻሉ፡፡ ለምሳሌ ሲናደዱ የዛፍ ቅርንጫፍ በመወዝወዝና ለምቦጫቸውን በመጠብጠብ ስሜታቸውን ይገልጻሉ፡፡ ራሳቸውን ለማስተዋወቅ ደግሞ ረዥም ጩኸት ያሰማሉ፡፡

    • ማንይንገረው ሽንቁጥ ‹‹ባለአከርካሪዎች›› (2004)
    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር!...

    የጉራጌ ዞን ጥያቄና የክላስተር አደረጃጀት የገጠመው ተቃውሞ

    መንግሥት የደቡብ ብሔር ብሔረሰቦችና ሕዝቦች ክልል አካል የነበሩ ዞኖችንና...

    አዋሽ ባንክ ካፒታሉን ወደ 55 ቢሊዮን ብር ለማሳደግ ያስገደደው ምክንያት ምንድን ነው?

    ባለፈው ቅዳሜ ጠቅላላ ጉባዔውን ያካሄደው አዋሽ ባንክ የ43 ቢሊዮን...

    አቢሲኒያ ባንክ ካለፈው ዓመት የ127 በመቶ ብልጫ ያለው ትርፍ በማግኘት አዲስ ታሪክ አስመዘገበ

    አቢሲኒያ ባንክ ከቀደሚ የሒሳብ ዓመት የ127 በመቶ ብልጫ ያለው...