Thursday, January 26, 2023
- Advertisement -
- Advertisement -
ማኅበራዊየአዲስ አበባ ከተማ አስተዳደር ኮንትራክተሮችንና አማካሪዎችን አስጠነቀቀ

የአዲስ አበባ ከተማ አስተዳደር ኮንትራክተሮችንና አማካሪዎችን አስጠነቀቀ

ቀን:

የአዲስ አበባ ከተማ አስተዳደር ኮንስትራክሽን ቢሮ የባለሙያዎችን የሙያ ምዝገባና ፈቃድ ተከራይተው የሚጠቀሙ ኮንትራክተሮችና አማካሪዎች ከድርጊታቸው እንዲቆጠቡ አስጠነቀቀ፡፡

የከተማው ኮንስትራክሽን ቢሮ እንዳስታወቀው ባለፉት ዓመታት የተሰጡ ፈቃዶችን ትክክለኛነት ለማረጋገጥ በተደረገ የኦዲት ምርመራ፣ ብዛት ያላቸው አማካሪዎችና ተቋራጮች የባለሙያዎች የሙያ ምዝገባና ፈቃድ በመከራየት የሥራ ፈቃድ እየወሰዱ መሆኑ ተረጋግጧል፡፡

‹‹በተደረገው ማጣራት ችግር የተገኘባቸው ኮንትራክተሮችና አማካሪዎች በሕግ ተጠያቂ እንዲሆኑ ተደርጓል፡፡ እየተደረገም ነው፡፡ ከተያዘው የካቲት ወር ጀምሮ ግን የአዲስ አበባ ከተማ አስተዳደር የራሱን ዕርምጃ ይወስዳል፤›› ሲል የኮንስትራክሽን ቢሮው ያወጣው ማስጠንቀቂያ ያስረዳል፡፡

ቢሮው ለሁሉም ኮንትራክተሮችና አማካሪ ድርጅቶች እንዳስታወቀው፣ የፌዴራል ኮንስትራክሽን ሚኒስቴር ያወጣው የባለሙያ፣ የአማካሪና የኮንትራክተር ፈቃድ አሰጣጥ መመርያ በመጣስ የሚደረጉ ተግባራት በሕግ የሚያስጠይቅ ነው፡፡ ይህ የፌዴራል መንግሥት ዕርምጃ እንደተጠበቀ ሆኖ፣ በዚህ ሕገወጥ ተግባር ላይ የተሰማራ ማንኛውም አካል በከተማው ውስጥ የተሰጠው ምዝገባና ፈቃድ ይሰረዛል፡፡

የኮንስትራክሽን ቢሮው እንዳለው ማንኛውም ባለሙያ የምዝገባ ፈቃዱን ከተቀጠረበት ተቋም ውጪ መስጠትም ሆነ ማከራየት፣ በሕግ የሚያስጠይቅ መሆኑን አውቆ ኃላፊነቱን መወጣት ይኖርበታል፡፡ ከዚህ በተጨማሪም ማንኛውም ኮንትራክተርና አማካሪ ድርጅት የተቋሙ ቅጥር ሠራተኛ ያልሆነውን ባለሙያ በማስፈረም፣ የምዝገባና የፈቃድ ማስረጃ መውሰድ ሕገወጥ ተግባር መሆኑን መረዳት ይኖርበታል ብሏል፡፡

ከዚህ ጋርም የሙያና የንግድ ዘርፍ ማኅበራት በዚህ ተግባር የተሰማሩ ባለሙያዎችን፣ አማካሪዎችንና ኮንትራክተሮችን ከተግባራቸው እንዲቆጠቡ፣ ይልቁንም አገር ተረካቢ ወጣት ባለሙያዎች ፈቃዳቸውን እንዲያከራዩ ከሚያደርጉ አካላት ነፃ እንዲያወጡ ማሳሰቢያ ሰጥቷል፡፡

ይህ ሳይሆን ቀርቶ በዚህ ሕገወጥ ተግባር የተሰማራ አካል ከአዲስ አበባ ከተማ አስተዳደር የተሰጠው ምዝገባና ፈቃድ የሚሰረዝ መሆኑን፣ የከተማው ኮንስትራክሽን ቢሮ አስታውቋል፡፡

በተለይ በአሁኑ ወቅት በከተማው ጥራት የጎደላቸው ግንባታዎች የሚታዩት፣ ከዚህ ዓይነቱ ሕገወጥ ተግባር ጭምር መሆኑ ይነገራል፡፡

የአዲስ አበባ ከተማ አስተዳደር ኮንስትራክሽን ቢሮ ኃላፊ ዮናስ አያሌው (ኢንጂነር)፣ በዚህ ጉዳይ ላይ አስተያየት እንዲሰጡ የተደረገው ጥረት አልተሳካም፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቅዱስ ሲኖዶስ ሦስቱን ጳጳሳት ስልጣነ ክህነታቸውን አንስቶ አወገዘ

የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ፣ ሰሞኑን ጥር 14...

አቶ እየሱስወርቅ ዛፉ ከህብረት ባንክ ቦርድ አባልነት ለቀቁ

አንጋፋው የፋይናንስ ባለሙያ አቶ እየሱስወርቅ ዛፉ ከህብረት ባንክ ቦርድ...

አቶ በረከት ስምኦን ከእስር ተፈቱ

ከአራት ዓመታት በፊት በተከሰሱበት በከባድሙስና ወንጀል ስድስት ዓመታት ተፈርዶባቸው...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ...