Sunday, February 5, 2023
- ማስታወቂያ -
- ማስታወቂያ -

በግዮን ሆቴል ሽያጭ ላይ መንግሥት ውሳኔ ላይ አልደረሰም

- ማስታወቂያ -

ተዛማጅ ፅሁፎች

የፕራይቬታይዜሽንና የመንግሥት የልማት ድርጅቶች ተቆጣጣሪ ኤጀንሲ፣ በሁለተኛው የዕድገትና ትራንስፎርሜሽን ዕቅድ ዘመን አሥራ አምስት የመንግሥት የልማት ድርጅቶችን ወደ ግል ለማዛወር ጨረታ ያወጣ ቢሆንም፣ በግዮን ሆቴል ጉዳይ ላይ ውሳኔ ላይ አለመድረሱ ታወቀ፡፡

አንጋፋውን የግዮን ሆቴል ወደ ግል ይዞታነት ለማዛወር ተደጋጋሚ ሙከራ ቢደረግም ሳይካሳ መቅረቱ ይታወሳል፡፡ ኤጀንሲው በመንግሥት ይዞታ ሥር ካሉት 27 የመንግሥት የልማት ድርጅቶች ውስጥ 15 ያህሉ በመጪዎቹ አምስት ዓመታት ውስጥ ለሽያጭ እንደሚቀርቡ ያስታወቀ ሲሆን፣ ከዋና ዋናዎቹ ውስጥ የሚመደበው ግዮን ሆቴል በዝርዝሩ ውስጥ አለመካተቱ ታውቋል፡፡

የኤጀንሲው ምክትል የሕዝብ ግንኙነት ኃላፊ አቶ አሰበ ከበደ፣ በኤጀንሲው ቦርድና በመንግሥት ውሳኔ መሠረት 15 የልማት ድርጅቶች በቀጥታ ለሽያጭ የተዘጋጁ መሆኑን ለሪፖርተር አረጋግጠዋል፡፡

ነገር ግን በግዮን ሆቴል ጉዳይ ላይ በቦርዱም ሆነ በመንግሥት ውሳኔ አለመሰጠቱን ገልጸዋል፡፡ በመንግሥት ሥር ካሉት የልማት ድርጅቶች መካከል ስትራቴጂካዊ ተብለው የተለዩት 12 ብቻ መሆናቸውን ጠቅሰው፣ በሚቀጥሉት አምስት ዓመታት ውስጥ ለሽያጭ ይቀርባሉ የሚል ግምት እንደሌለም ገልጸዋል፡፡

ለሽያጭ ይቀርባሉ ከተባሉት ድርጅቶች ውስጥ የግብርና ሜካናይዜሽን አገልግሎት ድርጅት፣ የሐዋሳ እርሻ ልማት ድርጅት (ቢሊጦ ሴራሮ እርሻ ልማት)፣ ብሔራዊ አልኮል ማቀነባበሪያ አክሲዮን ማኅበር፣ አዳሚ ቱሉ የፀረ ተባይ ማቀነባበሪያ አክሲዮን ማኅበር፣ አዋሽ መልካሳ ሰልፌትና ሰልፈሪክ አሲድ አክሲዮን ማኅበር፣ ኮስቲክ ሶዳ አክሲዮን ማኅበር፣ የትራንስፖርት ኮንስትራክሽንና ዲዛይን ድርጅት፣ ላንጋኖ ሪዞርት ሆቴል፣ የኢትዮጵያ ማዕድን ልማት አክሲዮን ማኅበር፣ አዶላ ወርቅ ልማት፣ አርቲስቲክ ማተሚያ ድርጅት፣ የኢትዮጵያ ወረቀት ሥራዎች ድርጀት፣ ባህር ዳር ጨርቃ ጨርቅ ፋብሪካ፣ ኮምቦልቻ ጨርቃ ጨርቅ ፋብሪካና ሸበሌ ትራንስፖርት አክሲዮን ማኅበር ይገኙበታል፡፡

ኤጀንሲው ባለፉት 20 ዓመታት ከ370 በላይ የልማት ድርጅቶችን ወደ ግል ይዞታ በማዛወር፣ ከድርጅቶቹ ሽያጭም ከ19 ቢሊዮን ብር በላይ ገቢ አስገብቷል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች