Tuesday, February 27, 2024
- Advertisement -
- Advertisement -
ማኅበራዊዘንድሮ በአዲስ አበባ በደረሱ 463 ድንገተኛ አደጋዎች የ52 ሰዎች ሕይወት አልፏል

ዘንድሮ በአዲስ አበባ በደረሱ 463 ድንገተኛ አደጋዎች የ52 ሰዎች ሕይወት አልፏል

ቀን:

በተጠናቀቀው የበጀት ዓመት በአዲስ አበባ ከተማ በደረሰ 463 ድንገተኛ አደጋዎች የ52 ሰዎች ሕይወት ማለፉ ተገለጸ፡፡ ከንቲባ ድሪባ ኩማ ባለፈው ሰኞ ባቀረቡት የዓመቱ የሥራ አፈጻጸም ሪፖርት እንደተገለጸው፣ በደረሱት አደጋዎች ከሞት በተጨማሪ 102 ሰዎች ላይ ጉዳት ደርሷል፡፡

የሰው ሕይወት እየቀጠፉ ካሉ አደጋዎች ግንባር ቀደም ሆኖ የተመዘገበው አገልግሎት መስጠት ባቆሙ ካባዎች በዝናብ ወቅት የሚፈጠር ኩሬ ነው፡፡ ከዚሁ ባልተናነሰም በአዲስ አበባ ውስጥ ያሉ ወንዞች የሰው ሕይወት በመቅጠፍ ተጠቃሽ መሆናቸው ተመልክቷል፡፡

በበጀት ዓመቱ ባልተደፈኑ ካባዎች በተፈጠሩ ኩሬዎችና ወንዞች ውስጥ የ26 ሰዎች ሕይወት ማለፉ ተጠቁሟል፡፡ የክረምት ወራት በመጀመሩ ከዚህ በኋላም አደጋ ሊኖር እንደሚችል የአዲስ አበበባ እሳትና ድንገተኛ አደጋዎች ድርጅት ሕዝብ ግንኙነት ባለሙያ አቶ አዳነ አብርሃ ለሪፖርተር ገልጸዋል፡፡

- Advertisement -

Video from Enat Bank Youtube Channel.

በ2006 ዓ.ም. በወንዞችና በኩሬዎች የ47 ሰዎች ሕይወት መጥፋቱ ይታወሳል፡፡ ከውኃ በተጨማሪ የእሳት አደጋም ለአዲስ አበባ ከተማ ራስ ምታት ሆኖ ዓመቱን አሳልፏል፡፡ በ2007 ዓ.ም. በአዲስ አበባ 375 የእሳት አደጋዎች ደርሰዋል፡፡ በእነዚህ የእሳት አደጋዎች የስድስት ሰዎች ሕይወት ሲያልፍ ስድስት ሰዎች ደግሞ ለጉዳት ተዳርገዋል፡፡

በአዲስ አበባ ከተማ በየጊዜው የሚደርሰው ድንገተኛ አደጋ እየጨመረ ሲሆን፣ የአደጋዎቹ መንስዔ ሰዎች በውኃ ላይ በጥንቃቄ ጉድለት ለዋናና ለንፅህና አጠባበቅ በሚያደርጉት እንቅስቃሴ ነው ተብሏል፡፡ በተለይ ደግሞ በአዲስ አበባ ዙሪያ ለኮንስትራክሽን ኢንዱስትሪ የሚሆን ድንጋይና ፑሚስ (ቀይ አሸዋ) ምርት የሚቆፈሩ ካባዎች አገልግሎት ከሰጡ በኋላ እንዲደፈኑ የሚደረግ አለመሆኑ እንደሆነ እየተነገረ ይገኛል፡፡

የካባ ፈቃድ የሚሰጠው የአዲስ አበባ ከተማ የአካባቢ ጥበቃ ባለሥልጣን የመጠቀሚያ ፈቃድ ከሰጠ በኋላ፣ ፕሮጀክቱ መጠናቀቁን ሲያረጋግጥ ተከታትሎ ማስደፈን እንዳለበት የአዲስ አበባ ከተማ ምክር ቤት አባላት ተናግረዋል፡፡ በእሳት አደጋ በኩልም ከተማው ለአደጋ ያለው ተጋላጭነት እንዲቀንስ ማድረግ እንደሚገባ፣ የከተማው እሳትና ድንገተኛ አገልግሎት ድርጅት አደጋ ከደረሰ በኋላ አደጋውን ለመቆጣጠር በሚያስችል ደረጃ አቅሙን ማሳደግ እንደሚኖርበት ተጠቁሟል፡፡

ከንቲባ ድሪባ በሪፖርታቸው የአደጋ መቆጣጠር ተግባራትን የሚያግዙ ቁሳቁሶች ግዥ የተፈጸመ መሆኑን፣ እንዲሁም ድርጅቱን በሰው ኃይል የማሟላት ሥራዎች መከናወናቸውን አስረድተዋል፡፡ በበጀት ዓመቱ በደረሱ የእሳት አደጋዎች ይወድም የነበረ 45 ሚሊዮን ብር የሚገመት ንብረት ማዳን መቻሉን ከንቲባው ተናግረዋል፡፡

   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...