Sunday, March 26, 2023
- Advertisement -
- Advertisement -
ማኅበራዊበጎ አድራጊው አምስት ሚሊዮን ብር የሚያወጣ መኖሪያ ቤት ለታላቁ ህዳሴ ግድብ አስረከቡ

በጎ አድራጊው አምስት ሚሊዮን ብር የሚያወጣ መኖሪያ ቤት ለታላቁ ህዳሴ ግድብ አስረከቡ

ቀን:

አዲስ አበባ ውስጥ በቂርቆስ ክፍለ ከተማ ነዋሪ የሆኑ አቶ በልሁ አበበ የተባሉ በጎ አድራጊ፣ በንፋስ ስልክ ላፍቶ ክፍለ ከተማ ወረዳ 6 የሚገኘውን አምስት ሚሊዮን ብር የሚያወጣውንና በውርስ ያገኙትን መኖሪያ ቤት፣ በወስጡ ካሉት ቁሳቁሶች ጋር ለታላቁ የህዳሴ ግድብ አገልግሎት እንዲውል ባለፈው ሐሙስ አስረከቡ፡፡

ባለትዳርና የዘጠኝ ልጆች አባት የሆኑት እኚሁ በጎ አድራጊ በ90 ዓመታቸው ከዚህ ዓለም በሞት ከተለዩት እናታቸው በውርስ ያገኙትንና ከ200 ሜትር ካሬ በሚበልጥ ቦታ ላይ የሰፈረውን ይህንኑ ቤት ያስረከቡት፣ ለቂርቆስ ክፍለ ከተማ የህዳሴ ግድብ ማስተባበሪያ ጽሕፈት ቤት ነው፡፡

 አቶ በልሁ በአዲስ አበባ ከተማ ተወልደው ያደጉ ሲሆን፣ በአሁኑ ጊዜ የ75 ዓመት ዕድሜ ባለፀጋ ናቸው፡፡ ካስረከቡት ቤት በተጨማሪ በቂርቆስ ክፍለ ከተማ ከቤተሰቦቻቸው ጋር አብረው የሚኖሩበት ሌላ የመኖሪያ ቤት እንዳላቸው፣ ለልጆቻቸውም በነፍስ ወከፍ ቤት እንዳወረሱዋቸው ተናግረዋል፡፡

በልዩ ልዩ የመንግሥት መሥሪያ ቤቶች ካገለገሉ በኋላ ጡረታ ከወጡ 18 ዓመታት ሞልቷቸዋል፡፡ በቀድሞው ሥርዓት የዕድገት በኅብረት ዘመቻ ወቅት በዓባይ አካባቢ ተመድበው ለነበሩት ለአዲስ አበባ ዩኒቨርሲቲ ዘማቾች አስተባባሪ እንደነበሩ፣ ይህም አጋጣሚ ዓባይን የመመልከት ዕድል እንደፈጠረላቸው፣ ከዚያን ጊዜ ጀምሮ ዓባይ ለአገሩ ምንም ጥቅም ሳይሰጥ ወደ ባዕድ አገር መፍሰሱ ሲያንገበግባቸውና ሲቆጫቸው እንደቆዩ ተናግረዋል፡፡

የዓባይ ወንዝ ግድብ ግንባታ ተጀምሮ አሁን ያለበት ደረጃ ላይ መድረሱን ሲያዩ ደግሞ ቁጭታቸው እንደበረደላቸው፣ ለዚህም ከመሞታቸው በፊት አሻራቸውን ለማኖር በወሰኑት መሠረት ለግንባታቸው ማስፈጸሚያ የሚውል ኩፖን እንደገዙ፣ ይህም ስላላረካቸው በውርስ ያገኙትንና የመለያ ቁጥሩ 116 የሆነውን ቤት ለማስረከብ እንዳነሳሳቸው አስረድተዋል፡፡

የቂርቆስ ክፍለ ከተማ የህዳሴ ግድብ ማስተባበሪያ ጽሕፈት ቤት ኃላፊ፣ ወይዘሮ አፀደ ሐበነ  ‹‹ቤቱ ካርታ የሌለው ወይም ሰነድ አልባ ነው፡፡ ነገር ግን ከእናታቸው በውርስ ያገኙትና ሌላ ተቀናቃኝ የሌለው ባለ ይዞታ መሆናቸው በሕጋዊ አካሄድ ከተረጋገጠ በኋላ፣ አስፈላጊ የሆነው የስጦታ ውል ከተናከናወነ በኋላ ተረክበናል፤›› ብለዋል፡፡

የቂርቆስ ክፍል ከተማ ዋና ሥራ አስፈጻሚ አቶ ተወልደ ፀሐዬ ከፍተኛ የሆነ የመኖሪያ ቤት እጥረት ባለበትና ለቁራሽ መሬት ሰው በሚዋደቅበት በአሁኑ ጊዜ፣ በጎ አድራጊው በውርስ ያገኙትን ቤት በነፃ ማስረከባቸው ታላቁ የህዳሴ ግድብ የፈጠረው የአስተሳሰብ ለውጥ ምን ያህል ኃያል  እንደሆነ ያሳያል የሚል ዕምነት እንዳላቸው ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ለፋይናንስ ዘርፉ ብቃት ያለው የሰው ኃይል የማፍራት የቤት ሥራን የማቃለል ጅማሮ

የአገሪቱ የፋይናንስ ዘርፍ እያደገ ለመሆኑ ከሚቀርቡ ማስረጃዎች ውስጥ  የግል...

የምድር ባቡርን የሚያነቃቃው የመንግሥት ውሳኔ

በኢትዮጵያ ወደብ አልባነት ላይ የተደመረውን የሎጀስቲክስ ችግር ለመፍታት ግዙፍ...

የፓርላማ አባላት ስለሰላም ስምምነቱ አፈጻጸም ግልጽ መረጃ የለንም አሉ

‹‹ሕወሓትን ለፍረጃ አብቅተውት የነበሩ ጉዳዮች በአብዛኛው መልክ ይዘዋል›› ሬድዋን...