Thursday, October 6, 2022
ሌሎች ዓምዶች
    - Advertisement -
    - Advertisement -
    ዜናአሜሪካና አውሮፓ ኅብረት በፓወር ኦፍሪካ ኢንሼቲቭ ላይ ለመተባበር በአዲስ አበባ ተስማሙ

    አሜሪካና አውሮፓ ኅብረት በፓወር ኦፍሪካ ኢንሼቲቭ ላይ ለመተባበር በአዲስ አበባ ተስማሙ

    ቀን:

    ባለፈው ሰኞ ከተጀመረው ሦስተኛው ፋይናንስ ለልማት ጉባዔ ጎን ለጎን፣  ከሰሃራ በታች ለሚገኙ የአፍሪካ አገሮችን የኃይል አቅርቦት ችግር ለመቅረፍ ፕሬዚዳንት ባራክ ኦባማ ይፋ ባደረጉት ‹‹ፓወር አፍሪካ ኢንሼቲቭ›› ላይ ለመተባበር፣ አሜሪካና የአውሮፓ ኅብረት የመግባቢያ ስምምነት ተፈራረሙ፡፡

    ስምምነቱን የተፈራረሙት በጉባዔው ለመሳተፍ የተወሰነውን የአሜሪካ ልዑክ የመሩት ገንዘብ ሚኒስትር (ትሬዠሪ ሴክሬተሪ) ሚስተር ጃኮብ ጂ ሊው እና የአውሮፓ ኅብረት ዓለም አቀፍ ትብብርና ልማት ኮሚሽነር የሆኑት ኔቭን ሚሚካ ናቸው፡፡

    ፕሬዚዳንት ባራክ ኦባማ እ.ኤ.አ. በጁን 2013 ይፋ ያደረጉት ኢንሼቲቭ ከሰሃራ በታች ለሚገኙ አፍሪካውያን የኃይል አቅርቦት ችግር ለመቅረፍ የሰባት ቢሊዮን ዶላር ኢንቨስትመንት ሲሆን፣ 1,000 ሜጋ ዋት የማመንጨት ዕቅድ የያዘ ነው፡፡ በዚህ የፕሬዚዳንቱ ኢንሼቲቭ ተጠቃሚ ከሚሆኑ የአፍሪካ አገሮች መካከል ደግሞ ኢትዮጵያ አራት ቢሊዮን ዶላር መዋዕለ ንዋይ የሚፈስባት ተቀዳሚ አገር ናት፡፡

    እ.ኤ.አ. በ2014 አሜሪካና የአውሮፓ ኅብረት በአፍሪካ የኃይል አቅርቦት በመፍጠር ለመተባበር በተስማሙበት መሠረት፣ የመግባቢያ ስምምነቱ መፈረሙ ይፋ ተደርጓል፡፡

    በመግባቢያ ስምምነቱ መሠረት የአውሮፓ ኅብረት ለሚቀጥሉት አምስት ዓመታት ማለትም እ.ኤ.አ. እስከ 2020 ድረስ 2.8 ቢሊዮን ዶላር ለሰሃራ በታች ለሚገኙ የአፍሪካ አገሮች የኃይል አቅርቦት እንደሚለግስ፣ እንዲሁም በኢንቨስትመንትና በብድር አቅርቦት እስከ 20 ቢሊዮን ዩሮ እንደሚያቀርብ ተጠቁሟል፡፡  

     

     

    - Advertisement -

    ይመዝገቡ

    spot_img
    spot_img