Monday, June 24, 2024
- Advertisement -
- Advertisement -
ሥነ ፍጥረትእባቦችና ስልታቸው

እባቦችና ስልታቸው

ቀን:

እባቦች ጠላት አላቸው፡፡ ፋሮ (Mongoose)፣ የጎዳና ሯጭ  (Road Runner )፣ ጸሐፊ ወፍ (Secretary Birds) እና ሰርፐንት ንስር (Serpent Eagle) እባቦችን በመብላት የታወቁ ናቸው፡፡ ራኩን (Racoon)፣ ጉጉት፣ ኮዮቴ (Coyote) እና ሌሎችም የእባብን ሥጋ ይወዱታል፡፡ ከጠላቶቻቸው ራሳቸውን የሚከላከሉት በዋነኛነት በመደበቅ ነው፡፡ ከዚህ በተጨማሪ አንዳንዶች ጠላትን ማስደንገጥና ማባረርን ወይም ሐሳብ ማስቀየርን (ማስቀየስን) እንደ ሌላኛው የመከላከል ዘዴያቸው ይጠቀሙበታል፡፡ የመጨረሻው እርምጃቸው ግን ንክሻ ነው፡፡

ትልቅ መምሰል

እባቦች ትልቅ መስሎ በመታየትም ጠላታቸውን ያስደነግጣሉ፡፡ ለዚህ ደግሞ የጎድን አጥንታቸውን በመለጠጥ ኮፈፍ በማለት ትልቅና አስፈሪ መስለው መቅረብ ይችላሉ፡፡

ድምፅ ማውጣት

የድምፅ መፍጠሪያ ሳጥን ስለሌላቸው አብዛኛዎቹ ድምፅ አያወጡም፡፡ ሆኖም አንዳንዶቹ ጠላት ለማባረር ሂስስስስ የሚል ድምፅ ያወጣሉ፡፡ ይህንንም ድምፅ ከጉሮሮአቸው ፊት ለፊት ያለው ስስ ሜምብሬን (Membrane) እንዲያወጡ ይረዳቸዋል፡፡ ከዚህ ሜምብሬን ጋር የሚደረገው የአየር ግጭት ርግብጋቤ ይፈጥራል፡፡ ይህ ርግብጋቤም ሂስስስ የሚለውን ድምፅ ይፈጥራል፡፡ እንደ ራትል እባብ (Rattle Snake) ዓይነቶቹ ደግሞ ጭራቸውን በማቅጨልጨል ማስጠንቀቂያ ይሰጣሉ፡፡ ይህም ከ50 ሜትር ርቀት አካባቢ ይሰማል፡፡ አንዳንዶቹም አፋቸውን በሰፊው በመክፈት ጠላቶቻቸውን ያስደነግጣሉ፡፡

ሽወዳ (ማስቀየስ)

እባቦች ጠላቶቻቸውን የመሸወጃ አሪፍ ዘዴ አላቸው፡፡ አንዳንዶቹ የቆዳቸውን ቀለም ከአካባቢያቸው ጋር እንዲመሳሰል አድርገው ከዕይታ ራሳቸውን ያድናሉ፡፡ ሌላኛው ዘዴ ደግሞ አስመሳይነት ነው፡፡ በዚህ የአስመሳይነት ዘዴ መርዛም ያልሆኑት እባቦች የመርዛሙን እባብ ዓይነት አቋምና ቀለም በመያዝ ጠላቶቻቸውን ገለል እንዲሉ ያደርጋሉ፡፡ አብዛኞቹ መርዛም እባቦች ቀለማቸው ደመቅ ያለ ሲሆን፤ መርዛም ያልሆኑትም ይህንኑ ቀለም በመያዝ ጠላቶቻቸውን በማስፈራራት ገለል እንዲሉ ያደርጓቸዋል፡፡ ከዚህ በተጨማሪ የተለያዩ ራሳቸውን የመሸሸጊያ ዘዴ አላቸው፡፡ ለምሳሌ ዛፍ ላይ ሳይንቀሳቀሱ የሚታዩት እባቦች ከዛፉ ሐረግ ተለይተው አይታዩም፡፡ ጭራቸውና ጭንቅላታቸው የሚመሳሰሉ እባቦችም አሉ፡፡ እነዚህም አካላቸውን ጠቅልለው ጭንቅላታቸውን ይቀብሩና ጭራቸውን እንደ ጭንቅላት ቀና ያደርጋሉ፡፡ ጠላትም ይመጣና ጭንቅላት የመሰለው ጭራ ላይ ጥቃት ያደርሳል፡፡ በዚህም ጭንቅላታቸውን ከመፈጥረቅ ያድናሉ፡፡

  • ማንይንገረው ሽንቁጥ ‹‹ባለአከርካሪዎች›› (2004)

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አስጨናቂው የኑሮ ውድነት ወዴት እያመራ ነው?

ከቅርብ ጊዜያት ወዲህ የኑሮ ውድነት እንደ አገር ከባድ ፈተና...

‹‹ወላድ ላማቸውን አርደው ከደኸዩት ወንድማማቾች›› ሁሉም ይማር

በንጉሥ ወዳጅነው   የዕለቱን ጽሑፍ በአንድ አንጋፋ አባት ወግ ልጀምር፡፡ ‹‹የአንድ...

የመጋቢቱ ለውጥና ፈተናዎቹ

በታደሰ ሻንቆ ሀ) ችኩሎችና ገታሮች፣ መፈናቀልና ሞትን ያነገሡበት ጊዜ እላይ ...

ጥራት ያለው አገልግሎት መስጠት የሚያስችል ሥርዓት ሳይዘረጉ አገልግሎት ለመስጠት መነሳት ስህተት ነው!

በተለያዩ የመንግሥትና የግል ተቋማት ውስጥ ተገልጋዮች በከፈሉት ልክ የሚፈልጉትን...