Friday, December 9, 2022
ሌሎች ዓምዶች
    - Advertisement -
    - Advertisement -
    ስፖርትየኢሠማኮ የስፖርት ውድድር ዘንድሮም በወንጂ ቀጥሏል

    የኢሠማኮ የስፖርት ውድድር ዘንድሮም በወንጂ ቀጥሏል

    ቀን:

    በኢትዮጵያ በየዓመቱ በሚደረጉ የስፖርት ውድድሮች በመሳተፍ ረዥም ጊዜን ያስቆጠረው የኢትዮጵያ ሠራተኛዎች ማኅበር ኮንፌዴሬሽን (ኢሠማኮ) አንዱ ነው፡፡ በ1955 ዓ.ም. ሚያዝያ 1 ቀን የኢትዮጵያ ሠራተኛዎችና አንድነት ማኅበር (ኢሠአማ) ተብሎ ከተሰየመበት ጊዜ አንስቶ አሁን ከሚጠራበት ኢሠማኮ የተለያዩ ውድድሮችን በሠራተኛዎች መካከል በማካሄድ የተለያዩ ቡድኖችን ማፍራት ችሏል፡፡

    ኢሠማኮ ሠራተኛው ጤናው የተጠበቀ ጠንካራ አምራች ዜጋ እንዲሆን መንግሥት ያወጣውን የስፖርት ፖሊሲ ተግባራዊ ለማድረግ በሠራተኛው መካከል የተለያዩ የስፖርት እንቅስቃሴዎች ለማድረግ በወንጂ ሁለገብ ስታዲየም ከትመዋል፡፡ የኢትዮጵያ የሠራተኞች ተቋማትና ድርጅቶች ዓመታዊ ውድድሮችን በማድረግ የሚታወቀው ኢሠማኮ ዘንድሮ በወንጂ ሁለገብ ስታዲየም ለ20ኛ ጊዜ የሚደረገውን ውድድር ለማካሄድ የተለያዩ ስፖርተኞችን ይዞ ተገኝቷል፡፡

    በአገር አቀፍ ደረጃ በሠራተኛ መካከል የሚካሄደውን የስፖርት ውድድር ባለፈው እሑድ በወንጂ ሁለገብ ስታዲየም በደማቅ ሁኔታ ጀምሯል፡፡ በተለያዩ የስፖርት ዓይነቶች የበርካታ ተቋማትና ድርጅቶችን በአንድ ላይ ያሳተፈው ይህ ውድድር ባለፉት ሁለት ዓመታት ቀድሞ ይካሄድበት ከነበረው የወንጂ ከተማ በአንዳንድ የስታዲየም ችግሮች በአዳማ አበበ ቢቂላ ስታዲየም መካሄዱ ይታወሳል፡፡ በዚህ ዓመት ግን ችግሩ ተቃሎ ውድድሩም ቀድሞ በነበረው መልኩ በወንጂ ሁለገብ ስታዲየም ሊቀጥል መቻሉን አቶ ፍሥሐ ጽዮን ቢያድግልኝ የማኅበራዊ ጉዳይ መምርያ ኃላፊና የስፖርት ኮሚቴ ሰብሳቢ በመክፈቻው ዕለት ባደረጉት ንግግር ገልጸዋል፡፡

    በሁለት ሳምንታት የውድድር ቆይታ ከሚያካሂዱት ውድድሮች ከክልልና ከተማ አስተዳደሮች በተውጣጡ ሠራተኞች መካከል የሚደረግ ሲሆን፣ ከ30 በላይ ተቋማትና ድርጅቶች ይሳተፋሉ ተብሏለ፡፡

    በወንጂ ሁለገብ ስታዲየምና አዳማ አበበ ቢቂላ ስታዲየም የሚከናወነው የዘንድሮው ስፖርታዊ ውድድር በእግር ኳስ 15፣ በቮሊቦል 12፣ ጠረጴዛ ኳስ በወንዶች 8፣ ጠረጴዛ ኳስ በሴቶች 7፣ በቼዝ 8፣ በዳማ 10፣ በከረንቡላ 10፣ አትሌቲክስ በወንዶች 7፣ አትሌቲክስ በሴቶች 5፣ ገመድ ጉተታ በወንዶች 6፣ ገመድ ጉተታ በሴቶች 4 ተቋማት መሆናቸው ተገልጿል፡፡

    በአጠቃላይ በወንዶች 892፣ በሴቶች 75 በድምሩ 907 የሠራተኛ ስፖርተኞች ተሳታፊ ይሆናሉ ተብሏል፡፡ የዘንድሮው የኢሠማኮ የስፖርት ውድድር የተመዝጋቢዎች ቁጥር ከአምናው ጋር ሲነፃፀር በአምስት እጥፍ ዕድገት ያሳየ መሆኑም ተገልጿል፡፡ ውድድሩ በቀጣይነት ሠራተኞች በድምቀት የሚታደሙበት የስፖርት ውድድር እንዲሆን ጥረት የሚደረግ ስለመሆኑ አቶ ፍሥሐጽዮን ተናግረዋል፡፡

    በውድድሩ መክፈቻ የወንጂ ስኳር ፋብሪካ ከአዲስ አበባ ውኃና ፍሳሽ አገልግሎት ጋር ባደረጉት የእግር ኳስ ጨዋታ የአዲስ አበባ ውኃ ፍሳሽ አገልግሎት 2 ለ0 በሆነ ውጤት መርታት ችሏል፡፡

    ውድድሩ ሐምሌ 26 ቀን 2007 ዓ.ም. በደማቅ ሁኔታ እንደሚጠናቀቅ የወጣው የውድድር መርሐ ግብር ያስረዳል፡፡

    spot_img
    - Advertisement -

    ይመዝገቡ

    spot_img

    ተዛማጅ ጽሑፎች
    ተዛማጅ

    በኦሮሚያ ክልል የተፈጸመው ጭፍጨፋና ሥጋቱ

    ኦሮሚያ ክልል ከቀውስ አዙሪት መላቀቅ ያቃተው ይመስላል፡፡ ከ200 በላይ...

    እናት ባንክ ካፒታሉን ወደ አምስት ቢሊዮን ብር ለማሳደግ ወሰነ

    መጠባበቂያን ሳይጨምር የባንኩ የተጣራ ትረፍ 182 ሚሊዮን ብር ሆኗል እናት...

    ቡና ባንክ ዓመታዊ ትርፉን ከአንድ ቢሊዮን ብር በላይ ማሻገር ቻለ

    ቡና ባንክ በ2014 የሒሳብ ዓመት ዓመታዊ የትርፍ ምጣኔውን ለመጀመርያ...